Tibb Universiteti ekoloji fəlakətin qarşısının alınması naminə petisiyaya qoşuldu

Bakı:

18 °C

77 %

7 m/s

Əlaqə

AZ RU EN

Ana səhifə / Sosial / Tibb Universiteti ekoloji fəlakətin qarşısının alınması naminə petisiyaya qoşuldu

Tibb Universiteti ekoloji fəlakətin qarşısının alınması naminə petisiyaya qoşuldu

22.04.2016 [10:07]

Azərbaycan Tibb Universitetində (ATU) Azərbaycanda Vətəndaş Cəmiyyətinin İnkişafına Yardım Assosiasiyası tərəfindən irəli sürülmüş “Ədalətin Bərqərar Olunması və Böyük Fəlakətin Qarşısının Alınması naminə” adlı petisiya layihəsi ilə bağlı geniş toplantı təşkil edilib.
ATU-dan AZƏRTAC-a bildiriblər ki, ATU-nun professor-müəllim və tələbə heyətinin iştirak etdiyi tədbiri giriş sözü ilə açan universitetin rektoru, professor Gəray Gəraybəyli petisiyanın mahiyyəti ilə bağlı məlumat verib və bu sənədin erməni işğalını dayandırmaq yönündə atılan ciddi bir addım olduğunu bildirib.
Uzun illərdir ki torpaqlarımızın erməni işğalçılarının tapdağı altında qaldığını qeyd edən rektor Dağlıq Qarabağ münaqişəsini xalqımızın ən ağrılı problemlərindən biri kimi qiymətləndirib. G.Gəraybəyli deyib: “Bir milyona yaxın əhalimiz öz yaşadığı yerlərdən didərgin düşüb. Uzun illər keçməsinə baxmayaraq, Ermənistan tərəfindən aparılan təcavüzkar siyasət bu məsələnin hələ də həll olunmamasına gətirib çıxarır. Ermənistanın aqressiv siyasət aparan rəhbərliyi nüfuzlu beynəlxalq təşkilatlar tərəfindən qəbul olunmuş sənədlərin tələblərinə məhəl qoymur”.
Azərbaycanın mədəni abidələri ermənilər tərəfindən dağıdılır, bizə qarşı ekoloji müharibə aparılır. Təbii sərvətlərimiz hələ də düşmən tapdağı altındadır. Məhz AVCİYA-nın apardığı kampaniya çərçivəsində bütün dünya Azərbaycanı qarşı aparılan ekoloji təcavüzdən xəbər tutdu. Bu ilin yanvarında təşkilatın sədri, millət vəkili Elan Süleymanovun təşəbbüsü ilə AŞPA-nın sessiyasında 2085 saylı qətnamə qəbul olunub.
Rektor qeyd edib ki, bu fəaliyyətin davamı olaraq AVCİYA “Ədalətin Bərqərar Olunması və Böyük Fəlakətin Qarşısının Alınması naminə” adlı petisiya layihəsini həyata keçirir. Hər bir vətəndaş, o cümlədən universitet əməkdaşı bu petisiyanın imzalanmasını özünə mənəvi borc bilməlidi.
AVCİYA-nın sədri, Milli Məclisin deputatı Elxan Süleymanov qeyd edib ki, Azərbaycan ərazilərinin Ermənistan tərəfindən işğalı ilə bağlı həqiqətlərin dünyaya çatdırılması baxımından petisiya layihəsi müstəsna əhəmiyyətə malikdir. Onun sözlərinə görə, petisiya layihəsində həmçinin işğalın nəticələrinin gələcəkdə daha böyük humanitar fəlakətə və ekoloji təcavüzə yol aça biləcəyi əksini tapıb. E.Süleymanov ATU-nun da çoxsaylı kollektivinin bu layihəyə qoşulduğundan məmnun olduğunu bildirib və hər kəsə bu vətəndaşlıq mövqeyinin nümayişinə görə təşəkkür edib.
Qeyd edək ki, artıq Azərbaycan Tibb Universitetinin 2 mindən çox tələbəsi petisiyaya qoşulub.

Paylaş:

Baxılıb: 703 dəfə