19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib

Bakı:

20 °C

52 %

4 m/s

AZ RU EN

Ana səhifə / YAP xəbərləri / 19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib

19 saylı Nərimanov birinci seçki dairəsindən deputatlığa namizəd Hikmət Babaoğlu seçicilərlə növbəti görüşünü keçirib

29.01.2020 [10:06]

Parlament seçkilərinin təbliğat-təşviqat kampaniyası çərçivəsində Yeni Azərbaycan Partiyasının (YAP) 19 saylı Nərimanov birinci seçki dairəsindən deputatlığa namizədi Hikmət Babaoğlunun Nərimanov rayonu “Təbriz-95” ünvanında seçicilərlə görüşü keçirilib.
Görüşü giriş sözü ilə açan YAP Nərimanov rayon təşkilatının sədri Təmraz Tağıyev qarşıdan gələn parlament seçkiləri haqqında danışıb. 19 saylı Nərimanov birinci seçki dairəsindən deputatlığa namizəd Hikmət Babaoğlunun fəaliyyəti haqqında məlumat verən T.Tağıyev deyib ki, o, 2015-ci ildə keçirilmiş seçkilərdə məhz bu dairədən millət vəkili seçilərək Nərimanov rayon seçicilərini parlamentdə təmsil edib. Fəaliyyəti dövründə Nərimanov rayon seçiciləri ilə sıx təmasda olan Hikmət Babaoğlu ölkəmizin ictimai-siyasi həyatında da fəal iştirak edib.
Çıxış edən deputatlığa namizəd Hikmət Babaoğlu Milli Məclisdə fəaliyyəti dövründə Nərimanov rayon seçicilərini layiqincə təmsil etməyə çalışdığını söyləyib. Onun sözlərinə görə, mütəmadi olaraq seçicilərlə görüşlər keçirilib, onların qaldırdıqları məsələlər parlament tribunasından səsləndirilib, eləcə də həll edilməsi üçün aidiyyəti dövlət qurumlarına ünvanlanıb: “Belə ki, millət vəkili kimi fəaliyyətim ərzində vətəndaşlar tərəfindən ünvanımıza 118 şifahi və 97 yazılı müraciət daxil olub. Qeydə alınan 215 müraciətdən 100 müraciət tam olaraq həllini tapıb, 60 müraciət qismən təmin edilib, 40 müraciət aidiyyəti qurumlara göndərilib və yerdə qalan müraciətlərlə bağlı lazımi izahatlar verilib”.
Deputatlığa namizəd deyib ki, demokratik siyasi sistemə malik olan Azərbaycanda seçkilər yerli qanunvericiliyə və beynəlxalq standartlara uyğun keçirilir: “Eyni zamanda, Azərbaycan siyasi palitrasının ən güclü ictimai-siyasi təşkilatı olan Yeni Azərbaycan Partiyası mütəmadi qələbələr qazanır və seçki təcrübəsini daim artırır. YAP bu gün Ümummilli Lider Heydər Əliyevin ideyaları əsasında fəaliyyət göstərir və uğurla inkişaf edir. Eyni zamanda, Azərbaycan Prezidenti, Yeni Azərbaycan Partiyasının Sədri cənab İlham Əliyevin rəhbərliyi ilə həyata keçirilən siyasət nəticəsində həm partiyamız, həm də dövlətimiz yeni inkişaf mərhələsinə qədəm qoyub”.
O, həmçinin seçicilərə özünün ictimai-siyasi, elmi fəaliyyəti haqqında da məlumat verib. Hikmət Babaoğlu onu da deyib ki, seçicilərin müraciətlərini, onların qaldırdıqları problemləri yalnız YAP-ın namizədləri həll edə bilər. Buna görə də 9 fevral seçkilərində seçiciləri YAP-ın namizədinə səs verməyə çağırıb. Görüşdə çıxış edən deputatlığa namizədin səlahiyyətli nümayəndəsi Nurulla Məmmədov, görüş iştirakçılarından Səmyar Abdullayev, Emin Həsənli və digərləri ölkədə keçirilən hər bir seçkidə olduğu kimi, qarşıdan gələn parlament seçkilərində də YAP-ın namizədlərinin qələbə qazanacaqlarına və bu prosesdə cəmiyyət üzvlərinin aktiv iştirak edəcəklərinə əminliklərini bildiriblər. Qeyd olunub ki, 9 fevralda Nərimanov rayon seçicilərinin seçimi YAP-ın namizədi Hikmət Babaoğlu olacaq. Sonda deputatlığa namizəd Hikmət Babaoğlu seçicilərlə səmimi söhbət edib, onların fikir və təkliflərini dinləyib.
Nardar BAYRAMLI

Paylaş:

Baxılıb: 569 dəfə