Heydər Əliyev
yeni azerbaycan logo

Sümük köçü

17.08.2022 [10:47]

Murad KÖHNƏQALA

Düşünürəm ki, bütün beynəlxalq konvensiyalara, iki ölkə arasında imzalanan qarşılıqlı razılaşmalara baxmayaraq biz heç vaxt ermənilərlə bir bölgədə yaşaya bilməyəcəyik. Bir vaxtlar hər hansı qanlı hadisənin üstündən azacıq zaman keçərkən arada nəsil dəyişir, yaddaş soyuyur və düşmənçilik tədricən unudulurdu. İndi isə hərənin əlində hadisələri, qanlı müharibəni yaddaşında saxlayan bir smartfon var. Həmin mobil telefonların yaddaşındakı videogörüntülər aramızda baş verən qanlı olayları, düşmənçilikləri heç vaxt unutmağa qoymayacaq. Ona görə deyirəm, əlimizdə qanlı düşmənçiliyimizin videosu ola-ola nə erməni bizimlə, nə də biz erməni ilə eyni ölkədə, eyni rayonda, eyni kənddə qonşuluq şəraitində yaşaya bilməyəcəyik. Ermənilərin Azərbaycan dövlətinə müraciətinə, yaxud olub keçənlərə tolerant yanaşmamıza baxmayın, artıq bizim ermənilərlə birgə yaşayışımız mümkün olmayacaq.  

Düşünürəm ki, hazırda gedən işləri də həmin prosesin başlanğıcı kimi qavramaq olar. Əlbəttə, bütün bunlar mənim şəxsi qənaətim, subyektiv fikirlərimdir.

Ermənistan silahlı qüvvələri tərəfindən hələ 1992-ci ildə işğal edilmiş Laçın rayonu indi erməni əhalisindən və  yaraqlılarından tam təmizlənməkdədir. Laçın rayonu, o cümlədən Zabux kəndi ərazisini tərk etmələri üçün ermənilərə avqust ayının 25-nə qədər vaxt verilib. Razılaşmalara əsasən, Laçın şəhərində və Zabux kəndində yaşayan erməni ailələri Laçın dəhlizində yaradılan yol imkanlarından istifadə edərək köçüb getməlidirlər. Çünki bu dəhlizə alternativ yol avqustun 25-dən sonra istismara veriləcək və Rusiya sülhməramlıları yerdəyişmə edərək yeni salınan yolda nəzarətə başlayacaqlar. Həmin vaxta qədər ərazini tərk etməyən ermənilərin təhlükəsizliyi üçün heç kim məsuliyyət daşımayacaq.

Köçürülən ermənilərə Ermənistan hökuməti tərəfindən rahat şərait yaradılır, yayılan məlumata görə, hər bir ailəyə yeni mənzil almaq üçün 10 milyon dram (24 min dollar) müavinət veriləcək.

Yadınızdadırsa, 2020-ci ildə Ağdam və Kəlbəcər rayonlarından qaçan ermənilər ərazilərimizi tərk edərkən  yaşadıqları evlərə xaincəsinə od vurub çıxırdılar. İnsanlıq adına ləkə olan bu məxluqların işğal etdikləri rayonlarımızı xarabalığa çevirməklə ürəkləri soyumamışdı, hələ oraları tərk edəndə də yandırıb getmişdilər. Hazırda Laçın rayonunun Zabux kəndindən çıxanlar həmin vandalizmin təkrarına yol verməsinlər deyə Azərbaycanın tələbi ilə Ermənistan hakimiyyəti ərazini tərk etməyə hazırlaşan əhali qarşısında belə bir şərt qoydu: kim evini yandıracaqsa, kompensasiya kimi ayrılan 10 milyon dramdan məhrum ediləcək. Rəhbərliyin qərarına baxmayaraq öz xisləti ilə bacarmayanlar, yaşadığı evə od vurub gedənlər də tapıldı.

Əslində, sovet hakimiyyətinin müəyyən işlərə görə yerləşdirdiyi 5-6 nəfər ermənidən başqa nə Laçın şəhərində, nə də rayonun 120-dən çox kəndinin heç birində erməni yaşamayıb. Otuz il bundan əvvəl, yəni işğaldan sonra Zabuxda məskunlaşdırılmış erməni ailələri bu gün oranı tərk etmək istəmir, özlərini bu yerlərin əzəli sakinləri kimi qələmə verməyə çalışırlar. Nə deyəsən bu həyasızlığa? Görəsən, bunlar bir zaman silah qarşısında doğma yurdundan qovulmuş azərbaycanlıların halalca evinə soxularkən vicdan əzabı çəkmişdilərmi? Əlbəttə, onların bu mövzuda etiraflarına heç bir ehtiyacımız yoxdur. Dünyaca məşhur şəxsiyyətlərin erməni xisləti haqda deyimlərini də burada xatırlatmaq istəmirəm.

Torpaqlarımızı 30 il girov saxlayanların gücü yalnız rayonlarımızda, kəndlərimizdə tikdiyimiz obyektləri, yaşayış binalarını, evləri xarabalığa çevirməyə çatdı. Öz gücü hesabına başa gəlməyən işğaldan başını itirən erməni tutduğu torpaqlara yerləşdirmək üçün əhali də tapmadı. Suriyadan, Livandan, Fələstindən küçə ermənilərini gətirib Qarabağa doldurmaqla özünə xalq düzəltmək istədi, ancaq alınmadı. Sayı az, iddiası böyük olan bu parazitlərin gücü yalnız xarabalıqlar üstündə bayquş kimi ulamağa çatdı. Dirilərə zülm eləməklə kinləri soyumadı, qəbirlərimizi də dağıtdılar. İndi onun bədəlini ödəyirlər, köçlərini sürərkən öz doğmalarının sür-sümüklərini də qəbirdən çıxarıb aparırlar. Bunların bir vaxtlar törətdiyi əməlləri karma geri çevirərək öz başlarında çatladır.

Əlbəttə, ermənilər bizimlə bağlı düşüncələrində həmişə yanılıblar. 44 günlük müharibə də göstərdi ki, azərbaycanlılar düşmənçiliyi belə insanlıq çərçivəsində aparırlar. Biz müharibə zamanı düşmənin ağ bayraq qaldıran əsgərlərini öldürmədik. Qaçmaq istəyənə yol, aman diləyənə nicat verdik. Əsir götürdüyümüz düşməni öldürmədik, insanlıq naminə onları geri qaytardıq. Əsirləri sağ-salamat təhvil verdikcə xislətinin girovu olan erməniləri bir daha təəccübləndirdik.

Zabuxda tərk etdiyi evi verilən pul müqabilində yandırmayacağını deyən erməni qadın bu hərəkətini belə izah edir: “Yandırmayacam, bəlkə nə vaxtsa geri qayıtdıq”. Həyasızlığın, erməniliyin pik nöqtəsi! Birincisi, sənin ayağın o müqəddəs torpaqlara bir də heç vaxt dəyməyəcək. İkincisi, sən o verilən pula görə özünü saxlayırsan, yoxsa o yerlərdə bir salamat çöp də qoymazdın. Üçüncüsü, bu yurdda sənə doğma olan yalnız o sümüklərdir, yığ kisəyə, al dalına, gəzdir bütün dünyanı, görək hansı torpaq götürəcək o sür-sümüyü...

Paylaş:
Baxılıb: 137 dəfə

Xəbər lenti

Hamısına bax

Xəbər lenti

Xəbər lenti

Sabahın hava proqnozu

03 Oktyabr 12:33

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31