Sumqayıt müasir Azərbaycanın inkişaf nümunəsidir
19.11.2009 [09:37]
Respublikanın böyük sənaye şəhəri olan Sumqayıtın yaranmasından 60 il ötür. Qeyd edək ki, Azərbaycan Respublikasının Prezidenti İlham Əliyev 24 aprel 2009-cu il tarixli “Sumqayıt şəhərinin 60 illik yubileyinin keçirilməsi haqqında” Sərəncam imzalayıb. Sərəncamda qeyd olunur ki, zəngin inkişaf yolu keçərək ölkəmizin böyük sənaye mərkəzlərindən birinə çevrilən, iri müəssisələr şəbəkəsinin və müvafiq infrastrukturun formalaşması nəticəsində mədəniyyət, elm, təhsil, səhiyyə, idman və digər sahələrdə tərəqqisinə güclü təkan verilən Sumqayıt şəhəri müstəqilliyimizin bərpası ilə öz tarixinin yeni mərhələsinə qədəm qoyub. ümummilli liderimiz Heydər Əliyev siyasi kursuna daim sadiqlik nümayiş etdirən, milli dövlət quruculuğu prosesinin fəal iştirakçısı olan Sumqayıt qazandığı nailiyyətlərlə suveren Azərbaycan Respublikasının iqtisadi qüdrətinin daha da artırılmasında yaxından iştirak edir, ölkənin mədəni və intellektual potensialının gücləndirilməsi naminə töhfələr verir. Sərəncama əsasən Sumqayıt Şəhər İcra Hakimiyyəti Sumqayıt şəhərin 60 illik yubileyinə həsr olunmuş tədbirlər planı hazırlayıb.
Beləliklə, dünən Sumqayıt şəhərinin 60 illik yubileyi ilə bağlı geniş bayram tədbiri keçirilib. Tədbir iştirakçıları, şəhər rəhbərliyi və şəhər sakinləri öncə Ulu öndər Heydər Əliyevin Sumqayıtdakı abidəsini ziyarət edib, abidənin önünə gül dəstələri qoyublar. Daha sonra tədbir şəhərin müxtəlif yerlərində davam edib.
Sumqayıt şəhərinin rəmzi sayılan “Sülh göyərçini” abidəsinin önündə keçirilən tədbir proqramında çıxış edən Fikrət Əmirov adına musiqi məktəbinin şagirdləri Sumqayıtla bağlı musiqi parçaları ifa ediblər. Bundan əlavə, 3-cü mikrorayon parkında və “Lyüdviqshafen” parkında Qara Qarayev adına musiqi məktəbinin, Sumqayıt şəhər musiqi texnikumunun tələbələri musiqi proqramları ilə çıxış ediblər. Daha sonra “Heydər Əliyev” parkında geniş bayram tədbiri keçirilib. İlk olaraq Sumqayıt şəhərinin salınmasında iştirak edən Sosialist Əməyi Qəhrəmanı, kimyaçı Dadaş Dadaşov və “Şöhrət” ordenli inşaatçı Gülbahar Vəliyeva şəhərin rəmzi açarını şəhər İcra Hakimiyyətinin başçısı Vaqif Əliyevə təqdim ediblər. Rəmzi açarın təqdimolunma mərasimində çıxış edən İcra Hakimiyyəti başçısı Vaqif Əliyev şəhərin yaranma və inkişaf tarixindən danışıb. V.Əliyev vurğulayıb ki, Sumqayıt sənaye şəhəri kimi Azərbaycanın inkişafına öz töhfələrini verib. Sumqayıtın 60 illik tarixinin 40 ilinin ümummilli lider Heydər Əliyevlə bağlı olduğunu bildirən V.Əliyev bu dövrdə Ulu öndərin Sumqayıta 16 dəfə səfər etdiyini vurğulayıb: “ümummilli liderimiz Heydər Əliyev hər zaman Sumqayıtın problemləri ilə yaxından tanış olurdu, bu problemlərin həllinə yaxından kömək göstərirdi. Məhz bu qayğı nəticəsində Sumqayıt cəmi 60 ildə böyük bir yol keçdi. ümummilli lider Heydər Əliyevin 2003-cü ilin aprelində Sumqayıta son səfəri şəhərimizin həyatında əsaslı dönüş nöqtəsinə çevrildi və həmin səfər zamanı dahi şəxsiyyət tərəfindən verilən tapşırıqlar nəticəsində şəhərimiz inkişafının yeni mərhələsinə qədəm qoydu. Bu gün Azərbaycanda gedən yenidənqurma və abadlaşdırma işləri Sumqayıtda da yüksək səviyyədə aparılır. Yeni müəssisələr tikilir, parklar salınır. Azərbaycan Respublikasının Prezidenti İlham Əliyev cənablarının yüksək diqqət və qayğısı nəticəsində şəhərimiz günü-gündən gözəlləşir, abadlaşır, inkişaf edir. Hörmətli Prezidentimiz bu il Sumqayıtın 60 illik yubileyinin qeyd olunması üçün xüsusi Sərəncam imzalayıb. Bu Sərəncam möhtərəm Prezidentimizin şəhərimizə xüsusi diqqətinin nümunəsidir. Mən bir daha bütün şəhər sakinləri adından hörmətli Prezidentimiz İlham Əliyev cənablarına öz təşəkkürümü bildirirəm”.
Tədbir “Heydər Əliyev” parkında xalq gəzintisi ilə davam edib. Gəzinti zamanı bayram iştirakçıları şəhərin müxtəlif müəssisələrinin məhsullarından ibarət sərgi ilə də tanış olublar. ümumşəhər bayram şənliyi bədii hissə ilə davam etdirilib.
Sumqayıt şəhər Səməd Vurğun adına Mədəniyyət sarayında isə rəsmi bayram tədbiri baş tutub. Tədbir iştirakçıları Mədəniyyət sarayının foyesində təşkil olunan sərgi ilə tanış olublar. Sərgidə şəhərin tarixi ilə bağlı, ümummilli lider Heydər Əliyevin və Azərbaycan Respublikasının Prezidenti İlham Əliyevin Sumqayıta səfərlərini əks etdirən fotoşəkillər nümayiş etdirilib. Daha sonra tədbir iştirakçılarına Sumqayıtla bağlı film göstərilib. çıxış edən İcra Hakimiyyətinin başçısı Vaqif Əliyev son illərdə şəhərdə aparılan abadlıq işləri ilə bağlı məlumat verib. Onun sözlərinə görə, Azərbaycan Prezidenti İlham Əliyevin imzaladığı “Regionların sosial-iqtisadi inkişafı Dövlət Proqramı”nın icrası nəticəsində şəhərdə yüksək səviyyədə abadlıq, quruculuq işləri görülüb. Müasir Azərbaycan dövlətinin banisi, ümummilli lider Heydər Əliyevin müəyyənləşdirdiyi sosial-iqtisadi inkişaf strategiyasının uğurla davam etdirilməsi nəticəsində ölkəmizin son illərdə iqtisadi artım üzrə dünyada lider dövlətə çevrildiyini önə çəkən V.Əliyev bu siyasətin Azərbaycan Respublikasının Prezidenti cənab İlham Əliyev tərəfindən 2003-cü ildən bəri uğurla davam etdirildiyini söyləyib: “ölkəmizdə bütün sahələrdə aparılan irimiqyaslı iqtisadi islahatlar, qazanılan uğurlar gənclik şəhəri Sumqayıtın da hərtərəfli və dinamik inkişafına geniş imkanlar yaradıb. Şəhər sakinlərinin bütün təbəqələrinin rifah halının yaxşılaşdırılmasına, sosial problemlərin həllinə, infrastrukturun təkmilləşdirilməsinə yönəldilmiş bütün layihələr ölkə Prezidentinin Sumqayıta olan xüsusi diqqət və qayğısı nəticəsində öz həllini tapıb və bu istiqamətdə bir çox işlər uğurla davam etdirilir. ölkə başçımız Sumqayıta son səfəri zamanı şəhərimizin günü-gündən abadlaşdığını, inkişaf etdiyini və onun gözəl və müasir bir sənaye şəhərinə çevriləcəyinə əminliyini vurğulayıb”.
çıxış edən Əməkdar mədəniyyət işçisi, şair Əşrəf Veysəlli gənclik şəhəri Sumqayıtın quruculuq-abadlıq işlərinin yüksək səviyyədə aparıldığını önə çəkib. Onun sözlərinə görə, dövlətimiz hər zaman böyük sənaye şəhəri olan Sumqayıtın problemlərinin həllinə diqqət göstərib. ümummilli lider Heydər Əliyevin xüsusi səyi nəticəsində Sumqayıtda ekoloji tarazlıq bərpa olunub və şəhər müasir standartlara uyğun şəkildə abadlaşdırılıb.
Prezident təqaüdçüsü Zərifə Təhməzova, “Şöhrət” ordenli Ofeliya Babayeva, Əməkdar həkim Nail Tağıyev də öz çıxışlarında şəhərin bütün sahələrinin paralel inkişaf etdirilməsindən söz açıblar. Natiqlər şəhərin təhsil, səhiyyə, inşaat və digər sahələrindəki irəliləyişləri vurğulayıblar.
Tədbir Səməd Vurğun adına Mədəniyyət sarayının önündəki parkda geniş bayram konserti ilə yekunlaşıb.
Pərviz SADAYOÄžLU
Xəbər lenti
Hamısına bax
YAP xəbərləri
19 Sentyabr 23:19
Siyasət
19 Sentyabr 22:15
YAP xəbərləri
19 Sentyabr 22:15
YAP xəbərləri
19 Sentyabr 22:00
YAP xəbərləri
19 Sentyabr 21:14
YAP xəbərləri
19 Sentyabr 20:42
YAP xəbərləri
19 Sentyabr 20:10
YAP xəbərləri
19 Sentyabr 19:07
Xəbər lenti
19 Sentyabr 18:49
Dünya
19 Sentyabr 18:25
YAP xəbərləri
19 Sentyabr 18:01
YAP xəbərləri
19 Sentyabr 18:00
Xəbər lenti
19 Sentyabr 17:54
Dünya
19 Sentyabr 17:19
Elm
19 Sentyabr 17:09
YAP xəbərləri
19 Sentyabr 17:06
YAP xəbərləri
19 Sentyabr 17:05
YAP xəbərləri
19 Sentyabr 17:03
Dünya
19 Sentyabr 16:51
Dünya
19 Sentyabr 16:22
YAP xəbərləri
19 Sentyabr 16:11
YAP xəbərləri
19 Sentyabr 16:04
Dünya
19 Sentyabr 15:33
Dünya
19 Sentyabr 15:12
YAP xəbərləri
19 Sentyabr 15:02
YAP xəbərləri
19 Sentyabr 15:01
YAP xəbərləri
19 Sentyabr 15:00
Dünya
19 Sentyabr 14:48
Formula 1
19 Sentyabr 14:47
Xəbər lenti
19 Sentyabr 14:46
YAP xəbərləri
19 Sentyabr 14:46
YAP xəbərləri
19 Sentyabr 14:43
YAP xəbərləri
19 Sentyabr 14:41
YAP xəbərləri
19 Sentyabr 14:40
YAP xəbərləri
19 Sentyabr 14:39
YAP xəbərləri
19 Sentyabr 14:38
YAP xəbərləri
19 Sentyabr 14:37
Dünya
19 Sentyabr 14:32
YAP xəbərləri
19 Sentyabr 14:21
YAP xəbərləri
19 Sentyabr 14:18
YAP xəbərləri
19 Sentyabr 14:16
Dünya
19 Sentyabr 14:15
Dünya
19 Sentyabr 13:59
YAP xəbərləri
19 Sentyabr 13:27
Dünya
19 Sentyabr 13:10
YAP xəbərləri
19 Sentyabr 13:07
YAP xəbərləri
19 Sentyabr 13:00
YAP xəbərləri
19 Sentyabr 12:58
Dünya
19 Sentyabr 12:27
Gündəm
19 Sentyabr 12:25
Gündəm
19 Sentyabr 12:23
YAP xəbərləri
19 Sentyabr 12:17
YAP xəbərləri
19 Sentyabr 12:17
YAP xəbərləri
19 Sentyabr 12:10
Dünya
19 Sentyabr 12:08
Dünya
19 Sentyabr 11:53
YAP xəbərləri
19 Sentyabr 11:37
YAP xəbərləri
19 Sentyabr 11:17
YAP xəbərləri
19 Sentyabr 11:06
YAP xəbərləri
19 Sentyabr 11:00
YAP xəbərləri
19 Sentyabr 10:58
Gündəm
19 Sentyabr 10:58
YAP xəbərləri
19 Sentyabr 10:53
YAP xəbərləri
19 Sentyabr 10:52
YAP xəbərləri
19 Sentyabr 10:50
Analitik
19 Sentyabr 10:45
YAP xəbərləri
19 Sentyabr 10:41
YAP xəbərləri
19 Sentyabr 10:39
Siyasət
19 Sentyabr 10:37
Hadisə
19 Sentyabr 10:36
