Xədicə İsmayılın etirafı, yaxud növbəti özünüifşa

Bakı:

27 °C

48 %

6 m/s

Əlaqə

AZ RU EN

Ana səhifə / Siyasət / Xədicə İsmayılın etirafı, yaxud növbəti özünüifşa

Xədicə İsmayılın etirafı, yaxud növbəti özünüifşa

21.01.2022 [23:54]

Nurlan

Fransız yazıçı, maarifçi filosof Şarl Lui Monteskyö yazır ki, etiraf heç də həmişə böyük sayılmır, çünki deyilən fikir insanı həm də kiçildə və alçalda bilər. Tamamilə doğrudur. Hətta etiraf bəzən özünüifşaya da çevrilə bilər. Eynilə özünü cəmiyyətə “araşdırmaçı-jurnalist”, Qərbin bəzi dairələrinə isə “ermənipərəst, anti-Azərbaycançı ictimai fəal” kimi təqdim edən Xədicə İsmayılın mənfi nümunəsində olduğu kimi.

Yeri gəlmişkən, o, bugünlərdə almandilli “zenith.me” saytına müsahibəsində qeyd edib ki, əvvəlki kimi Qərb təşkilatlarından dəvətnamələr almır. Bu, guya ermənilərə qarşı çıxış və Azərbaycan dövlətini müdafiə etdiyinə görədir. X.İsmayıl bu açıqlaması ilə həm Qərb təşkilatlarının sifarişləri əsasında fəaliyyət göstərdiyini etiraf etməklə özünü ifşa edir. Yalanı isə ondan ibarətdir ki, o, heç vaxt ermənilərə qarşı çıxış etməyib. Sadəcə, indi əvvəlki qaydada qrant mənimsəyə bilmədiyinə görə belə bir obraz formalaşdırmağa çalışır. Amma reallıqlar X.İsmayılın dediyinin əksini təsdiqləyir.

Faktlara nəzər salaq. “Azadlıq” radiosunun keçmiş prezidenti Ceffri Qodmin 2015-ci ildə “The Boston Globe” qəzetində radionun müxtəlif ölkələrdəki bölmələrində çalışan jurnalistlərlə bağlı sensasiya xarakterli bir məqalə ilə çıxış etmişdi. O, vaxtilə radionun Bakı bürosuna rəhbərlik etmiş Xədicə İsmayılın da sıralarına daxil olduğu bu media nümayəndələrinin, əslində, jurnalist yox, xarici kəşfiyyat orqanının agentləri olduqlarını, onlardan ölkələrə qarşı istifadə edildiyini açıqlamışdı. Belə bir missiya yerinə yetirən şəxs dövlətin maraqlarını, ictimai mənafeyi necə qoruya bilər? Digər tərəfdən, onun 2014-cü ilin 24 sentyabr tarixində ATƏT-in Varşava bürosunun təşkil etdiyi konfransda Qarabağ məsələsində ermənilərlə həmrəylik nümayiş etdirməsi yaddaşlardan silinməyib. Azərbaycan dövlətini hədəf seçdiyinə görə Xədicəni ən çox təqdir və müdafiə edənlərdən biri erməni rəfiqəsi Eni Vandaryan olub. Onun “twitter”də Azərbaycana qarşı, Xədicəyə dəstək xarakterli ardıcıl paylaşımlar etməsi reallığın nədən ibarət olduğunu göstərir. X.İsmayılın qondarma “erməni soyqırımı”nın fəal təbliğatçılarından olan vəkil Amal Kluni ilə əməkdaşlığı da diqqətdən yayınmayan faktlar sırasındadır.

Bu cür faktların sayı kifayət qədərdir. Reallıqlar isə faktların sayından asılı olmayaraq, ortadadır. Hər kəs kimin hansı işlə məşğul olduğunu - hansı mövqedən çıxış etdiyini yaxşı bilir. Etiraf edilsə də, edilməsə də...

Paylaş:

Baxılıb: 760 dəfə