Gürcüstan ilə sərhədboyu ərazilərdə rəqəmli televiziya və FM radio kanallarının yayımına dair protokol imzalanıb

Bakı:

20 °C

50 %

6 m/s

AZ RU EN

Ana səhifə / Siyasət / Gürcüstan ilə sərhədboyu ərazilərdə rəqəmli televiziya və FM radio kanallarının yayımına dair protokol imzalanıb

Gürcüstan ilə sərhədboyu ərazilərdə rəqəmli televiziya və FM radio kanallarının yayımına dair protokol imzalanıb

25.07.2013 [09:52]

İyulun 24-də Rabitə və İnformasiya Texnologiyaları Nazirliyində Gürcüstanın iqtisadiyyat və davamlı inkişaf nazirinin müavini Dmitri Kumsişvilinin başçılıq etdiyi nümayəndə heyəti ilə görüş keçirilib. AzərTAc xəbər verir ki, görüşdə rabitə və informasiya texnologiyaları naziri Əli Abbasov Azərbaycanda İKT sektorunda qazanılan uğurlar, əldə olunan nailiyyətlərdən bəhs edib, bu sahədə həyata keçirilən milli və regional layihələr barədə məlumat verib. Gürcüstan ilə regional əməkdaşlıq məsələsinə də toxunan nazir ən böyük transmilli layihələrdən biri - BMT Baş Məclisinin qətnaməsi əsasında 2012-ci ildə növbəti dəfə siyasi dəstək alan Trans-Avrasiya Super İnformasiya Magistralı (TASİM) üzrə ölkəmizin koordinator olduğunu xatırladıb. Nazir, həmçinin Qərbi Avropadan Şərqi Asiyayadək Avrasiya ölkələrini əhatə edəcək transmilli fiber-optik xəttin çəkilməsini nəzərdə tutan bu layihəyə Gürcüstanın da cəlb edilməsi məsələsindən söz açıb.
Qeyd olunub ki, TASİM üzrə təşkilati işlərin başa çatdırılmasında qonşu dövlətin layihədə iştirakı strateji əhəmiyyətə malikdir və hazırda Azərbaycanın müraciəti əsasında Gürcüstanda bu məsələyə baxılır.
Azərbaycan ilə Gürcüstanın strateji tərəfdaş olduqlarını, ölkələrimiz arasında dostluq münasibətlərinin yüksələn xətlə inkişaf etdiyini vurğulayan Gürcüstanın iqtisadiyyat və davamlı inkişaf nazirinin müavini Dmitri Kumsişvili də tərəflər arasında rabitə sektorunda əməkdaşlığın genişləndirilməsinə dair aparılan görüşlərin məhsuldar olduğunu nəzərə çatdırıb.
Azərbaycanın ilk telekommunikasiya peykinin üstünlüklərini də qeyd edən nazir müavini Gürcüstanın yerli kanallarının bu peyk üzərindən yayımının vacibliyini, bu məsələnin müzakirə ediləcəyini söyləyib. Sərhədyanı ərazilərdə rəqəmli yayım, genişzolaqlı LTE texnologiyalarının inkişafının ölkələrimiz üçün vacib olduğuna da diqqəti cəlb edən Dmitri Kumsişvili bu sahədə protokolun imzalanmasının hər iki tərəfdə operatorlara sözügedən texnologiyaları keyfiyyətlə və daha sürətlə inkişaf etdirməyə imkan verəcəyinə əminliyini ifadə edib.
Sonda tərəflər arasında GSM, SDMA rabitə siqnalları, LTE texnologiyalarının tətbiqi perspektivləri, həmçinin rəqəmli televiziya və FM radio kanallarının sərhədboyu ərazilərdə yayımının razılaşdırılması ilə bağlı protokol imzalanıb.
Gürcüstanın Azərbaycandakı səfiri Teymuraz Şaraşenidze də görüşdə iştirak edib.

Paylaş:

Baxılıb: 1061 dəfə