YAP Tərtər rayon təşkilatının inzibati binasında ərazi partiya təşkilatlarının sədrləri və partiya veteranları ilə görüş keçirilib

Bakı:

23 °C

64 %

4 m/s

AZ RU EN

Ana səhifə / Arxiv / YAP Tərtər rayon təşkilatının inzibati binasında ərazi partiya təşkilatlarının sədrləri və partiya veteranları ilə görüş keçirilib

YAP Tərtər rayon təşkilatının inzibati binasında ərazi partiya təşkilatlarının sədrləri və partiya veteranları ilə görüş keçirilib

17.04.2026 [15:55]

"Şəhərsalma və Memarlıq İli" çərçivəsində YAP Tərtər rayon təşkilatının inzibati binasında ərazi partiya təşkilatlarının sədrləri və partiya veteranları ilə görüş keçirilmişdir.

Tədbir iştirakçıları əvvəlcə Ümummilli lider Heydər Əliyevin və ölkəmizin ərazi bütövlüyü uğrunda canlarını fəda etmiş şəhidlərin xatirəsini bir dəqiqəlik sükutla yad etmişlər.

Tədbiri giriş sözü ilə açan YAP Tərtər rayon təşkilatının sədri Eldar Əsədov bildirdi ki, Ümummilli Lider tərəfindən əsası qoyulan və Prezident cənab İlham Əliyevin rəhbərliyi ilə davam etdirilən proqramlar, müasir infrastruktur layihələri və işğaldan azad olunmuş ərazilərdə aparılan quruculuq işləri Azərbaycanın bu sahədə regionun qabaqcıl ölkələrindən birinə çevrildiyini göstərir. Azərbaycanın şəhərsalma sahəsində nailiyyətləri BMT-nin Ümumdünya Şəhərsalma Forumunun 13-cü Sessiyasının (WUF13) 2026-cı ildə Bakı şəhərində keçirilməsinə səbəb olub və bu, dövlətimizin qlobal etimada layiq görüldüyünü təsdiqləyir. Həmçinin qeyd edib ki, Azərbaycan qabaqcıl şəhərsalma modellərini uğurla tətbiq edir və beynəlxalq tərəfdaşlarla geniş əməkdaşlıq aparır.

Qeyd etdi ki, Azərbaycan qalib dövlət kimi regionunda sülh və əməkdaşlıq məkanına çevrilməsi üçün konstruktiv mövqe nümayiş etdirir. Bütün proseslərdə Azərbaycanın liderliyi öz sözünü deyir. Bu baxımdan, Azərbaycanın mövqeyi bölgədə dayanıqlı sülhün əldə olunması üçün ciddi zəmin yaradır. Eyni zamanda, Zəngəzur dəhlizinin açılması da bütün region üçün faydalı əməkdaşlıq platforması olacaq. Bütün bunlar isə Cənubi Qafqaz üçün yeni perspektivlər açacaq

Eldar Əsədov qeyd etdi ki, yeni dəyərlər yaradaraq siyasi mədəniyyət nümunəsi ortaya qoyan Yeni Azərbaycan Partiyasına göstərilən yüksək etimad onun ümumxalq partiyasına çevrilməsini şərtləndirmişdir: YAP ölkədə keçirilən bütün seçkilərdə inamlı qələbələr qazanaraq siyasi həyatda avanqard qüvvə - lider partiya olduğunu sübuta yetirmiş, hər bir siyasi marafondan uğurla və daha güclü çıxaraq siyasi sistemdə yerini daha da möhkəmləndirmişdir. Yeni Azərbaycan Partiyası 1993-2003-cü illərdə Heydər Əliyevin rəhbərliyi və xalqın dəstəyi ilə ictimai-siyasi sabitliyin, iqtisadi inkişafın təmin olunması, dövlətçiliyin möhkəmləndirilməsi - milli maraqların qorunması, respublikanın beynəlxalq mövqeyinin gücləndirilməsi istiqamətində ardıcıl işlər görərək mühüm nailiyyətlərə imza atmışdır. Ən əsası, ölkəmiz öz ərazi bütövlüyü və mütləq suverenliyini təmin etməklə Zəfər zirvəsinə yüksələrək regionumuz üçün də yeni perspektivlər yaratmışdır

YAP Tərtər rayon təşkilatının sədri Eldar Əsədov həmçinin partiyanın fəaliyyəti, qarşıda duran vəzifələr və ərazi partiya təşkilatlarının üzərinə düşən məsuliyyətlər barədə ətraflı məlumat verdi. O, həmçinin təşkilati işlərin daha da gücləndirilməsi, partiya sıralarında fəallığın artırılması və sosial şəbəkələrdə aktivliyin artırılması istiqamətində konkret tapşırıqların verildiyini diqqətə çatdırmışdır. Görüş çərçivəsində ərazi partiya təşkilatlarının sədrləri və tədbir iştirakçıları müxtəlif təklif və müzakirələrlə çıxış edərək fəaliyyətin daha səmərəli təşkili ilə bağlı fikir mübadiləsi aparmışlar.

Tədbirin sonunda yubiley yaşı tamam olmuş və partiyanın fəaliyyətində xüsusi xidmət göstərmiş partiya veteranlarının uzunillik səmərəli fəaliyyəti yüksək qiymətləndirilmişdir. Onlar YAP Tərtər rayon təşkilatı tərəfindən Fəxri Fərman və qiymətli hədiyyələrlə təltif olunmuşlar.

Partiya veteranları göstərilən diqqət və qayğıya görə Yeni Azərbaycan Partiyasının Sədri cənab İlham Əliyevə və YAP Tərtər rayon təşkilatına təşəkkürlərini bildirmişlər.

Paylaş:

Baxılıb: 415 dəfə