Azərbaycan üzərinə götürdüyü qlobal məsuliyyətin öhdəsindən layiqincə gəldi

Bakı:

26 °C

53 %

5 m/s

Əlaqə

AZ RU EN

Ana səhifə / Analitik / Azərbaycan üzərinə götürdüyü qlobal məsuliyyətin öhdəsindən layiqincə gəldi

Azərbaycan üzərinə götürdüyü qlobal məsuliyyətin öhdəsindən layiqincə gəldi

23.05.2026 [16:17]

Bakı daha bir mükəmməl təşkilatçılıq qabiliyyəti ilə dünyaya örnək modeli təqdim etdi - Ümumdünya Şəhərsalma Forumu (WUF13) COP29-dan sonra ölkəmizdə keçirilən ikinci ən böyük beynəlxalq tədbir kimi tarixdə və nəticəyönümlü olması ilə yadda qaldı. Azərbaycanın beynəlxalq urbanizasiya proseslərinə töhfəsinin və etibarlı tərəfdaş kimi yüksək nüfuzunu nümayiş etdirdi.

Prezident İlham Əliyevin təşəbbüsü ilə Ümumdünya Şəhərsalma Forumu tarixində ilk dəfə olaraq WUF13 çərçivəsində Liderlərin Bəyanatları Sessiyasının keçirilməsi isə WUF tarixində Azərbaycanın yeni bir ilkə imza atdığını, qlobal geosiyasi təlatümlərin yaşandığı narahat dünyada liderlərin sabitlik, təhlükəsizlik, rifah və həmrəylik ətrafında sıx birləşməsi üçün unikal modelin formalaşdığını əks etdirdi.

WUF13 çərçivəsində aparılan faydalı müzakirələrin yekununda iki mühüm sənədin (Sədrin Xülasəsi və “Bakı Fəaliyyətə Çağırış”) qəbul olunması qlobal tərəfdaşlar üçün yeni yol xəritəsinin istiqamətlərini və gələcək fəaliyyət niyyətlərini əks etdirən mühüm platforma hesab edilə bilər. Azərbaycanın Dövlət Şəhərsalma və Arxitektura Komitəsi ilə BMT-nin Məskunlaşma Proqramı arasında imzalanmış Niyyət Məktubu isə dayanıqlı inkişaf prioritetlərinə çatmaq üçün qabaqcıl təcrübələrin konsensus planı kimi dəyərləndirilməlidir.
Şəhərsalma sessiyasında yeni ideyaların müzakirəsi və əldə edilən anlaşmalar planetin ən ümdə hədəflərndən biri olan təmiz iqlim, dayanıqlı şəhər inkişafı, layiqli məskunlaşma prinsiplərinə çatmaqda iş planı və kollektiv fəaliyyət gündəliyi kimi səciyyələndirilməlidir.

WUF13 tədbiri Azərbaycanın müasir innovasiya və sənaye cəmiyyəti quruculuğunda iradəsini, ələxsus da işğaldan azad edilmiş ərazilərdə misilsiz şəhəralma landşaftı yaratmaq məharətini təqdim etməklə, qlobal tərəfdaşların müasir bərpa və yenidənqurma sahəsində faəliyyətləri üçün koordinasiyanı yaratmış oldu. Xüsusilə də, Qarabağ və Şərqi-Zəngəzurda indiyə qədər milli şəhərsalma forumlarının keçirilməsi ilə açıq təşəbbüslərə hazır olan Azərbaycanla urbanizasiyanın yeni standartlarını tətbiq edən sənaye şirkətlərin, “ağıllı və yaşıl tikinti” üzrə ixtisaslaşmış korporasiyalar arasında səmərəverici təcrübə və mübadilə bağlantıları üçün də sağlam və münbit əməkdaşlıq infrastrukturu formalaşır.

Ümumilikdə, Azərbaycanın üzərinə götürdüyü qlobal məsuliyyətin öhdəsindən layiqincə gəlməsi WUF13 sessiyasınının modern şəhərsalma infrastrukturunda qlobal inteqrasiyanın dərinləşməsinə öz dərin töhfələrini verəcək.

Elbrus Cəfərli

Paylaş:

Baxılıb: 313 dəfə