Azərbaycan yalnız deyil, Türkiyə Azərbaycanın yanındadır

Bakı:

25 °C

66 %

4 m/s

Əlaqə

AZ RU EN

Ana səhifə / YAP xəbərləri / Azərbaycan yalnız deyil, Türkiyə Azərbaycanın yanındadır

Azərbaycan yalnız deyil, Türkiyə Azərbaycanın yanındadır

28.10.2022 [11:56]

Azərbaycanla Türkiyə dövlətləri arasında dostluq və qardaşlıq əlaqələri qədim tarixə malikdir. Əsrlər boyu Azərbaycan və türk xalqları həmişə bir-birinə dəstək olmuş, sıx əməkdaşlıq etmişdir. Türkiyə ilə Azərbaycan arasındakı əlaqələr çoxşaxəlidir və bütün sahələri əhatə edir. İki ölkə arasında imzalanmış strateji əməkdaşlıq və qarşılıqlı yardım haqqında müqavilə və Şuşa Bəyannaməsi beynəlxalq aləmdə bir daha təsdiqlədi ki, Türkiyə ilə Azərbaycan daim hər sahədə birlikdədir.

Oktyabrın 20-də Cəbrayıl və Zəngilana səfərlər çərçivəsində Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğanın Çəbrayıl şəhərində mətbuata birgə bəyanatlarında əlaqələrimizin bütün aspektlərini əhatə edən məsələlər barədə geniş məlumatlar verilmişdir.

Azərbaycanın işğal olunmuş torpaqlarının azad olunması uğrunda 2020-ci ilin sentyabrın 27-də başladığı və 44 gün davam edən Vətən Müharibəsində Türkiyə dövlətinin Azərbaycana göstərdiyi mənəvi və diplomatik dəsdək təmənnasız qardaşlığın parlaq nümunəsidir. Vətən müharibəsi dövründə Türkiyənin bütün dövlət strukrurları Azərbaycanın qələbəsi üçün bütün sahələrdə böyük əzmkarlıq göstərdilər. Beynəxalq səviyyədə nə qədər təzyiqlər olsa da, Türkiyə qardaşlıq dəstəyi mövqeyindən geri çəkilmədi. Müharibənin ilk saatlarından Türkiyə Prezidenti bildirdi ki, Azərbaycan tək deyil. Bu, həm Azərbaycanı ruhlandırdı, eyni zamanda, müdaxilə etmək fikrində olan bütün qüvvələri, dairələri dayandırdı.

İkinci Qarabağ müharibəsindən sonra Türkiyə-Azərbaycan qardaşlığı, birliyi daha yüksək pilləyə qalxıb. Bölgədə gedən işlər, əlbəttə ki, Türkiyə və Azərbaycanın fal iştirakı ilə aparılır. Siyasi təşəbbüslər, iqtisadiyyat və digər sahələrdə iş birliyimiz artıq beynəlxalq səviyyəyə yüksəlmişdir.

Türkiyə ilə Azərbaycan arasındakı sıx əməkdaşlıq, qardaşlıq əlaqələri türkdilli ölkələr arasındakı münasibətlərə də öz təsirini göstərir. Bunun əsas səbəblərindən biri Türkiyənin hazırda həm iqtisadi, həm siyasi, həm də digər sahələri əhat edən istiqamətlər üzrə dünyanın, inkişaf etmiş dövlətlərindən biri olması, digəri isə Azərbaycanın iqtisadiyyatın sürət tempinə, iri infrastruk layihələrinin reallaşdırılmasına və uğurlu islahatların aparılmasına görə regionda lider dövlətə çevrilməsidir.

Türkiyə Azərbaycan arasındakı dostluq-qardaşlıq münasibətləri əbədi və sarsılmazdır. Türk dünyasının ik lideri Ulu Öndər Heydər Əliyev və Mustafa Kamal Atatürkün dövlətlərimiz və millətimiz haqqında söylədikləri və bu gun hamımızın dilində əzbərə çevrilən müdrik kəlamları hər iki dövlətin gələcək nəsllərinə ata nəsihətidir.

Rövşən Əhmədov, YAP Ağcabədi rayon təşkilatının sədri.

Paylaş:

Baxılıb: 473 dəfə