Ölkəmizdə idmana xüsusi diqqət var

Bakı:

17 °C

77 %

9 m/s

Əlaqə

AZ RU EN

Ana səhifə / YAP xəbərləri / Ölkəmizdə idmana xüsusi diqqət var

Ölkəmizdə idmana xüsusi diqqət var

29.12.2025 [16:20]

Məlumdur ki, son illərdə ölkəmizdə idmanın inkişafı dövlət siyasətinin əsas prioritetlərindən birinə çevrilmişdir. Yeri gəlmişkən, qeyd etmək lazımdır ki, regionlarda müasir idman komplekslərinin inşası, federasiyaların fəaliyyətinin gücləndirilməsi, idmançıların sosial müdafiəsinin yaxşılaşdırılması və məşq prosesinin təkmilləşdirilməsi bu sahədə ardıcıl və sistemli işlərin aparıldığını göstərir. Əldə olunan nəticələr məhz bu siyasətin məntiqi nəticəsidir.

Xüsusilə qeyd etmək lazımdır ki, 2025-ci il Azərbaycan idmanı üçün mühüm uğurlar və yaddaqalan nailiyyətlərlə zəngin bir il kimi tarixə düşmüşdür. İl ərzində idmançılarımız beynəlxalq arenalarda əldə etdikləri qələbələrlə ölkəmizin idman nüfuzunu daha da yüksəltmiş, Azərbaycan bayrağını nüfuzlu yarışlarda dalğalandırmışlar. Bu uğurların məntiqi yekunu olaraq Prezident İlham Əliyevin idmançılarla keçirdiyi görüş dövlətin idmana verdiyi yüksək dəyərin bariz nümunəsi olmuşdur. Görüş zamanı dövlət başçısı idmançılarımızın əzmini, peşəkarlığını və vətənpərvərliyini xüsusi qeyd etmiş, onların qazandıqları uğurların bütün xalq üçün qürur mənbəyi olduğunu vurğulamışdır. Prezident İlham Əliyev bildirmişdir ki, idman sahəsində qazanılan nailiyyətlər təkcə medallarla ölçülmür, eyni zamanda gənclərin sağlam və məqsədyönlü ruhda formalaşmasına xidmət edir.

Onu da qeyd etmək lazımdır ki, bu görüşün ictimai əhəmiyyəti xüsusilə böyükdür. İlk növbədə, Prezidentin idmançılarla birbaşa ünsiyyəti cəmiyyətdə dövlət-idmançı münasibətlərinin möhkəmliyini nümayiş etdirir, gənclər arasında idmana marağı artırır. Gənc nəslin bu görüşdən aldığı mesaj ondan ibarətdir ki, zəhmət və əzm dövlət tərəfindən qiymətləndirilir və hər bir uğur diqqətdən kənarda qalmır. Eyni zamanda, bu görüş cəmiyyətdə sağlam həyat tərzinin təbliği baxımından mühüm rol oynayır. İdmançılar nümunəvi obraz kimi gənclərə motivasiya verir, onları zərərli vərdişlərdən uzaq durmağa və fiziki fəallığa təşviq edir. Prezidentin çıxışında səsləndirdiyi fikirlər idmanın sosial birləşdirici gücünü bir daha ön plana çıxarmışdır. Görüş zamanı idmançılar da çıxış edərək dövlət başçısına göstərilən diqqət və qayğıya görə minnətdarlıqlarını bildirmiş, qazanılan uğurların arxasında dövlətin ardıcıl dəstəyinin dayandığını qeyd etmişlər. Bu qarşılıqlı etimad mühiti dövlətlə idman ictimaiyyəti arasında sıx əməkdaşlığın mövcudluğunu əyani şəkildə göstərmişdir. Görüşün ictimai təsiri onun geniş media işıqlandırılmasında və cəmiyyətdə yaratdığı müsbət rezonansda da özünü göstərmişdir. Bu hadisə insanların dövlətin idmana göstərdiyi qayğını bir daha aydın görməsinə şərait yaratmış, milli həmrəyliyi və qürur hissini gücləndirmişdir. Sonda Prezident İlham Əliyev bütün idmançılara, məşqçilərə və bu sahədə çalışan mütəxəssislərə təşəkkürünü bildirərək, onlara yeni qələbələr arzulamışdır. Dövlət başçısı vurğulamışdır ki, idmanın inkişafı Azərbaycanın gələcəyinə qoyulan sərmayədir və bu istiqamətdə həyata keçirilən siyasət bundan sonra da ardıcıl şəkildə davam etdiriləcəkdir.

Ən əsası, 2025-ci ilin idman yekunlarına həsr olunmuş bu görüş təkcə bir hesabat xarakteri daşımamış, eyni zamanda cəmiyyət üçün mühüm mesajlar verən, gəncləri motivasiya edən və dövlətin idmana strateji yanaşmasını əks etdirən əlamətdar hadisə olmuşdur. Bu görüş bir daha sübut etmişdir ki, Azərbaycan idmanı güclü dövlət dəstəyi və xalqın birliyi ilə yeni zirvələrə doğru inamla irəliləyir.

Şəmsi Nəcəfov,

YAP Göygöl rayon təşkilatı üzrə “24 № li Yol İstismarı “ Məhdud Məsuliyyətli Cəmiyyəti ərazi partiya təşkilatının sədri

Paylaş:

Baxılıb: 456 dəfə