Tarixi hadisə

Bakı:

24 °C

52 %

0 m/s

Əlaqə

AZ RU EN

Ana səhifə / YAP xəbərləri / Tarixi hadisə

Tarixi hadisə

27.05.2025 [20:04]

Azərbaycan Xalq Cümhuriyyətinin Milli Şurası 1918-ci il mayın 28-də İstiqlal Bəyannaməsini imzalamışdır. İstiqlal Bəyannaməsi İmzalanmaqla ölkəmizin müstəqilliyi dünyaya bəyan edildi. Müsəlman aləmində ilk demokratik respublika olan Azərbaycan Xalq Cümhuriyyətinin yaradılması tarixi hadisə idi.

Cəmi 23 ay mövcud olmasına baxmayaraq Azərbaycan Xalq Cümhuriyyəti bu aylar ərzində çox böyük işlər görə bilmişdir. Azərbaycanın ilk parlamenti, hökuməti yaradılmış, dövlət atributları təsis olunmuşdur. Ölkəmizin sərhədləri müəyyən edilmiş, dövlət quruculuğu sahəsində mühüm tədbirlər həyata keçirilmişdir.

Milli müstəqilliyin möhkəmləndirilməsində yeni fəaliyyətə başlamış parlamentin qəbul etdiyi qanunlar mühüm rol oynamışdır.

Bakı Dövlət Universitetinin yaradılması Cümhuriyyətin təhsilə çox böyük diqqət yetirilirdiyini nümayiş etdirir. İlk dəfə olaraq qadınlara səsvermə hüququ verən qanun da məhz o dövrdə qəbul edilmişdir.

Azərbaycan xalqının ümummilli lideri Heydər Əliyev Azərbaycan Xalq Cümhuriyyətinin qurucularına, onların fəaliyyətinə hər zaman yüksək qiymət vermişdir. Ulu öndərin “28 May günü Azərbaycan xalqı üçün əziz gündür. Çünkü 1918-ci ildə məhz 28 Mayda Azərbaycanın qabaqcıl insanları Azərbaycanın müstəqilliyi haqqında istiqlal bəyannaməsini qəbul ediblər və ondan sonra da Azərbaycan Xalq Cümhuriyyəti qurulubdur” deməsi bunun bariz nümunəsidir.

Bu gün Prezident İlham Əliyev Ulu öndər Heydər Əliyevin əsasını qoyduğu möhtəşəm siyasi kursu zamanın tələblərinə uyğun olaraq uğurla davam etdirir. Dövlətimizin başçısı Azərbaycan Xalq Cümhuriyyətnin qurucularının müstəqillik uğurda apardıqları mübarizəni, 23 ay ərzindəki fəaliyyətini olduqca yüksək qiymətləndirir.

Prezident İlham Əliyevin Bakı şəhərinin mərkəzində Azərbaycan Xalq Cümhuriyyətinin şərəfinə abidə ucaldılması haqqında imzaladığı sərəncam, 2018- ci ili ölkəmizdə “Azərbaycan Xalq Cümhuriyyəti ili” elan edilməsi, “Azərbaycan Xalq Cümhuriyyətinin qurucuları ölkəmiz, xalqımız üçün çox böyük işlər görmüşlər. Azərbaycan dövləti və xalqı Azərbaycan Xalq Cümhuriyyətinin qurucularının xatirəsini əziz tutur. Onların xatirəsi bizim qəlbimizdə yaşayır” fikirləri bunun bariz nümunəsidir.

“Müstəqilliyimizin qorunması, möhkəmlənməsi ən vacib məsələlərdən biridir. 1918-ci ildə qurulmuş Azərbaycan Xalq Cümhuriyyəti cəmi 23 ay yaşadı. Müstəqil Azərbaycan Azərbaycan Xalq Cümhuriyyətinin varisidir və onların niyyətlərini biz həyatda təmin etdik, həyata keçirdik. Əminəm ki, müstəqillik yolunda bizim inkişafımız davamlı olacaq, uğurlu olacaq və Azərbaycanın dövlət müstəqilliyi əbədi olacaq!” deyən Prezident cənab İlham Əliyevin sayəsində bu gün Azərbaycan Xalq Cümhuriyyətinin varisi olan müstəqil, demokratik, qüdrətli Azərbaycan heç zaman olmadığı qədər güclü və qüdrətlidir.

Sahib Şükürov,

YAP Göyçay rayon təşkilatının sədri

Paylaş:

Baxılıb: 357 dəfə