Sanksiyalar əsassızdır

Bakı:

28 °C

45 %

2 m/s

Əlaqə

AZ RU EN

Ana səhifə / YAP xəbərləri / Sanksiyalar əsassızdır

Sanksiyalar əsassızdır

10.10.2024 [14:26]

Əlişah Rəcəbov

YAP Ağdaş rayon təşkilatının sədri

Azərbaycan əməkdaşlıqda maraqlı olan ölkədir. Təbii ki, istənilən öklə ilə əməkdaşlıqda milli maraqlarımız hər zaman əsas götürülür. Öz ərazi bütüövlüyü və suverenliyini bərpa etdikdən sonra bir sıra ölkələr ölkəmizlə əməkdaşlığa xüsusi maraq göstərmiş və əlaqələr qurmağa başlamışlar. Lakin Azərbaycanın qələbəsini həzm etməkdə çətinlik çəkən bəzi Qərb ölkələri erməni lobbisinin təsiri ilə ölkəmizə qarşı sanksiyalar tətbiq etməyə cəhdlər edirlər. Ölkəmizə qarşı tətbiq ediləcək sanksiyalar siyasətinin heç bir perspektivi yoxdur. Çünki bu sanksiyalar tamamilə əsassız və qeyri-qanunidir. Azərbaycana qarşı qərəzli yanaşmanın, ikili standartların göstəricisidir. Prezident İlham Əliyev oktyabrın 8-də Moskvada “Rossiya-1” televiziya kanalına müsahibəsində də bildirdi ki, Azərbaycan qarşı sanksiyalar 1992-ci ildə, ərazilərimizin Ermənistanın işğalı altında olduğu bir vaxtda ölkəmizin “Ermənistanı blokadada saxlaması” barədə qondarma ittihamla tətbiq edilmişdi. Bu sanksiyalar 2001-ci ildə, ABŞ-ın öz yüklərini hava, quru və dəniz yolu ilə Azərbaycan ərazisindən Əfqanıstana tranzit daşımalı olduğu vaxt aradan qaldırılmışdı. Partiya mənsubiyyətindən asılı olmayaraq, Birləşmiş Ştatların Prezidenti ABŞ Əfqanıstandan qaçana qədər hər il bu sanksiyaları öz qərarı ilə ləğv edirdi. Bundan sonra Azəraycana qarşı həmin sanksiyalar yenidən tətbiq olundu. Bu fakt özlüyündə təsdiq edir ki, bütün bunlar nankorluq və selektiv yanaşmadır. Azərbaycan istənilən sanksiyalara qəti şəkildə qarşıdır. Beynəlxalq ictimaiyyət də sanksiyalarla bağlı öz mövqeyini vahid qaydada bildirməlidir.

Dünya yalnız Amerika və Fransadan ibarət deyil. Azərbaycanla hər bir sahdə yüksək səviyyəli əməkdaşlıq əlaqələri olan çoxlu sayda ölkələr mövcuddur. Həmçinin dünya ictimaiyyətinin Azərbaycana hörməti yüksək səviyyədədir. COP29 iqlim konfransın Bakıda keçirilməsi haqqında 200-ə yaxın ölkənin yekdil qərarı bunun əlamətidir. Ölkəmizin beynəlxalq tədbirlərin yüksək səviyyədə keçirilməsi sahəsində böyük təcrübəsi vardır. Gələn il ölkəmizdə III MDB Oyunları keçiriləcək. Gəncə şəhəri idman paytaxtına çevriləcək. Yarışlar, həmçinin Azərbaycanın 10-dan çox şəhərində keçiriləcək. Bir halda ki, Azərbaycanın MDB ölkələrinin əksəriyyəti ilə yüksək səviyyəli əməkdaşlıq əlaqələri mövcuddur. Azərbaycan MDB-yə üzv dövlətlərlə əməkdaşlığa böyük əhəmiyyət verir.

Oktyabrın 8-də Moskvada Müstəqil Dövlətlər Birliyi Dövlət Başçıları Şurasının iclasında çıxışı zamanı Prezident İlham Əliyev Azərbaycanın MDB-yə üzv dövlətlərlə əlaqələrindən bəhs etdi. Ölkə başçısı vurğuladı ki, MDB Humanitar Əməkdaşlıq Şurasının qərarına əsasən, Azərbaycanın Şərqi Zəngəzur bölgəsinin Laçın şəhəri 2025-ci ildə MDB-nin mədəniyyət paytaxtı elan edilib. Laçın Azərbaycanın 30 ilə yaxın müddətdə Ermənistanın işğalı altında olmuş şəhərlərindən biridir və demək olar ki, tamamilə dağıdılmışdı. Bu gün Laçın artıq bərpa olunub. Burada yeni həyat başlayıb, keçmiş məcburi köçkünlər qayıdıblar. Laçının MDB-nin mədəniyyət paytaxtı elan edilməsi həm laçınlılar, həm də bütün Azərbaycan xalqı tərəfindən böyük minnətdarlıqla qarşılanıb.

Paylaş:

Baxılıb: 548 dəfə