Prokuror Menendezi rədd edir...

Bakı:

24 °C

66 %

3 m/s

Əlaqə

AZ RU EN

Ana səhifə / Xarici siyasət / Prokuror Menendezi rədd edir...

Prokuror Menendezi rədd edir...

29.12.2023 [11:16]

Bob isə Ağ Ev rəhbərliyinin “humanist davranışlarına” bel bağlayır

Ermənipərəst mövqeyə malik, Azərbaycana və Türkiyəyə qarşı çıxışları ilə “yadda qalan”, sonda isə rüşvət və korrupsiyaya bulaşdığı aydın olan amerikalı senator Robert Menendez hüquqi məsuliyyətdən yayınmağa çalışır. Belə ki, bir müddət öncə qızıl külçələr şəklində rüşvət aldığı iddia edilən, sonradan isə Misirin xeyrinə işləməkdə gunahlandırılan Menendez korrupsiya ittihamı ilə bağlı məhkəmə prosesinin təxirə salınmasına dair müraciət ünvanlamışdı. Korrupsioner ermənipərəst Menendezin məhkəmə prosesi gələn ilin mayın 6-na nəzərdə tutulur. Ötən həftə Bob Menendez və digər müttəhimlərin vəkilləri işin mürəkkəbliyini, hökumət tərəfindən məhkəmə prosesinə dair məlumatların təqdim edilməsi vaxtını və materialların həcminin böyüklüyünü əsas gətirərək, hakimdən məhkəməni gələn il iyulun əvvəlinə təxirə salmağı xahiş etmişdilər. Amma görünən budur ki, Bob Menendezin korrupsiya ittihamı ilə bağlı məhkəmə prosesinin təxirə salınmasına dair müraciəti rədd edilə bilər. “New York Post” nəşrinin yazdığına görə, ABŞ-ın Nyu-York ştatının Cənub dairəsinin federal prokuroru Damian Uilliams ermənipərəst senator Bob Menendezin korrupsiya ittihamı ilə bağlı məhkəmə prosesini Nyu-Cersi ştatında keçiriləcək ilkin seçkiyə qədər təxirə salmağa dair müraciətini rədd etməyi xahiş edib.

Siyasi dəyərləndirmələrə görə, Menendezin bu arzusu yeni hökumətdən “amnistiya” istəmək niyyətidir. Menendez hər seçkinin əvvəlində olduğu kimi, bu dəfə də Ağ Ev rəhbərliyinin hansısa “humanist davranışlarına” bel bağlayır. Məhkəmənin təxirə salınmasına gəldikdə isə hökm çıxarılacağı təqdirdə Menendezə “yardım etmək” o qədər də asan olmayacaq. Səbəb isə onun günahlandırıldığı ittihamların motividir.

Qeyd edək ki, Robert Menendezin başına gələn bütün “macəralar” məhz onun ikinci evliliyindən sonra - erməni əsilli Nadine Arslanyanla birgə yaşayışından sonra baş verib. “Arslanyan” soyadını Menendezə dəyişən Nadine Livan əsilli ermənidir. Bu evlilik Bob Menendezin yalnız şəxsi həyatını deyil, həm karyerasını, həm də bütövlükdə, düşüncələrini dəyişdi. Arslanyanla tanış olduqdan sonra rüşəvətə, korrupsiyaya bulaşan, təmsil etdiyi dövlətin mənafeyinə zidd mövqe tutan, hətta rüşvət alaraq siyasi bəyanatlar verən Menendez irəli sürülən ittihama görə xarici ölkələrə casusluq belə edibmiş - onu dövlət məmurlarının xarici qüvvələrin agenti kimi xidmət etməsini qadağasını açıq şəkildə pozduğu qeyd olunub. Məsələ ilə bağlı “The New York Times”ın araşdırmasında bildirilir ki, görünür, ABŞ-də ilk dəfə olaraq vəzifədə olan senator 2-ci Dünya Müharibəsi dövrünün Xarici Agentlərin Qeydiyyatı Aktında nəzərdə tutulan davranışları pozub.

“Qızıl külçə” korrupsiya faktı isə Bob Menendezin yeganə korrupsiya əməli deyil. Senatorun özü və erməni əsilli arvadı əvvəllər də bu qəbildən olan ittihamlarla üzləşib. Amerka KİV-ində Menendezin cinayət əməlləri ilə bağlı çoxsaylı məqalələr işıq üzü görüb. Verilən məlumatlara görə, o, 2017-ci ildə rüşvət almaqda ittiham olunub və federal korrupsiya məhkəməsi ilə üzləşib. Bob Menendezin fırıldaqçı dostu Salomon Melgen ilə cinayət əlaqəsində olduğu məhkəmələrdə dəfələrlə araşdırılıb. Prokurorlar iddia edirdilər ki, Melgen bir neçə il ərzində yaşlı xəstələri lazımsız göz müalicələrindən keçməyə razı salaraq “Medicare”- dən 73 milyon dollar (bəzi mənbələrdə isə 128 milyon dollar) oğurlayıb. Salomon Melgen Amerikada Demokratlar Partiyasına ianə edən iş adamı kimi tanınır. Melgen 2012-ci ildə Menendezin yenidən seçilməsinə kömək edə biləcək qurumlara 660 min dollar ianə verib, onun uçuşlarının pulunu ödəyib. Melgen, həmçinin senatorun aldığı bahalı hədiyyələrin hesabını bağlayıb. O cümlədən Paris otelinə 4934 dollar ödəyib. Məlumatlara görə, Manhetten federal prokurorları araşdırma apararaq senator və ya onun həyat yoldaşının siyasi lütflər müqabilində daha hansı “hədiyyələr” aldığını öyrənməyə çalışırlar. İddialar arasında senatorun qadın dostlarına, Braziliyadan, Ukraynadan və Dominikan Respublikasından viza almaq üçün də qanunsuz əməllərə əl atdığı yer alıb. Bob Menendezin Senatdakı ofisinin 6 əməkdaşı bu işlə məşğul olub...

SADİQ

Paylaş:

Baxılıb: 1165 dəfə