Zərifə xanım Əliyevanın əziz xatirəsi daim qəlblərdə yaşayacaq

Bakı:

19 °C

72 %

8 m/s

Əlaqə

AZ RU EN

Ana səhifə / Sosial / Zərifə xanım Əliyevanın əziz xatirəsi daim qəlblərdə yaşayacaq

Zərifə xanım Əliyevanın əziz xatirəsi daim qəlblərdə yaşayacaq

29.04.2015 [10:21]

Binəqədi rayonunda akademik Zərifə Əliyevanın anadan olmasının 92-ci ildönümü münasibətilə tədbir keçirilib
Aprelin 27-də Binəqədi rayonunda görkəmli oftalmoloq alim, akademik Zərifə xanım Əliyevanın anadan olmasının 92-ci ildönümü münasibətilə tədbir keçirilib. Binəqədi rayon İcra Hakimiyyəti və Yeni Azərbaycan Partiyası (YAP) Binəqədi rayon təşkilatının birgə təşkilatçılığı ilə keçirilən tədbirin iştirakçıları əvvəlcə Azərbaycan tibb elminə misilsiz töhfələr bəxş etmiş Zərifə xanım Əliyevanın adını daşıyan parkda görkəmli alimin abidəsi önünə tər çiçəklər düzüb, onun əziz xatirəsinə dərin ehtiramlarını bildiriblər.
Tədbirdə çıxış edən YAP Siyasi Şurasının üzvü, partiyanın Nəsimi rayon təşkilatının sədri, millət vəkili Məlahət İbrahimqızı Zərifə xanım Əliyevanı peşəkar həkim olmaqla yanaşı, həm də fəal ictimai xadim kimi xarakterizə edib. Millət vəkili həkim peşəsini vicdanla yerinə yetirən oftalmoloq alimin insanların sağlamlığının qorunmasında, xəstəliklərin qarşısının alınmasında göstərdiyi səylərə toxunaraq onun öz həmvətənlərinin qayğısına qalan humanist insan olduğunu diqqətə çatdırıb.
YAP Siyasi Şurasının üzvü, Azərbaycan Memarlıq və İnşaat Universitetinin rektoru, millət vəkili Gülçöhrə Məmmədova çıxışında insanlara nur bəxş etmək missiyası, qayğıkeşliyi, nəcibliyi ilə könüllərdə özünə əbədi yer qazanmış Zərifə xanım Əliyevanı istər elmi fəaliyyətində qazandığı uğurlar, istərsə də öz fərdi keyfiyyətləri ilə ailəsinin və vətəninin adını ucaldan şəxsiyyət kimi səciyyələndirib.
Ölkəmizdə qonaq olan Belçika parlamentinin senatoru Gülər Turan öncə Belçika parlamentində maraqlarını təmsil etdiyi Anadolu türklərinin salamlarını çatdıraraq tədbirdə iştirakından məmnunluğunu bildirib. Natiq eyni zamanda, həm onun, həm də tədbirdə iştirak edən gənclərin Zərifə xanım Əliyeva haqqında geniş məlumat əldə etmələrinə şərait yaratdıqları üçün təşkilatçılara təşəkkür edib.
YAP Siyasi Şurasının üzvü, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova deyib ki, Zərifə xanım Əliyeva istedadlı alim və bacarıqlı pedaqoq olmaqla yanaşı, eyni zamanda, qayğıkeş, xeyirxah və işgüzar qadın idi. O, xalqımızın xilaskarı, Ulu öndər Heydər Əliyev kimi dahi şəxsiyyətin həyat yoldaşı, bu gün ölkəmizi yeni qələbələrə aparan Azərbaycan Prezidenti İlham Əliyevin anası olub.
Binəqədi rayon İcra Hakimiyyətinin başçısı Xaləddin İsgəndərov çıxışında Zərifə xanım Əliyevanı Azərbaycan xalqının sərvəti kimi səciyyələndirib. Natiq görkəmli oftalmoloq alimin bütün insani keyfiyyətləri ilə əsl Azərbaycan qadınının ideal obrazını yaratdığını, əziz xatirəsinin tanınmış həkim, novator alim, eyni zamanda qayğıkeş ana, sədaqətli ömür-gün yoldaşı kimi daim qəlblərdə yaşayacağını qeyd edib.
Daha sonra tədbir 276 saylı tam orta məktəbin şagirdlərinin ifasında ədəbi-bədii kompozisiya ilə davam edib.
Sonda qonaqlar Zərifə Əliyeva adına parkda təşkil edilən fotosərgi ilə tanış olublar.

Paylaş:

Baxılıb: 823 dəfə