Dövlət Feldyeger Xidmətinin 10 illik yubileyi qeyd olunub

Bakı:

25 °C

39 %

3 m/s

Əlaqə

AZ RU EN

Ana səhifə / Sosial / Dövlət Feldyeger Xidmətinin 10 illik yubileyi qeyd olunub

Dövlət Feldyeger Xidmətinin 10 illik yubileyi qeyd olunub

12.04.2014 [09:57]

Aprelin 11-də Azərbaycan Respublikasının Nazirlər Kabineti yanında Dövlət Feldyeger Xidmətinin yaradılmasının 10 illik yubileyi münasibətilə tədbir keçirilib.
AzərTAc xəbər verir ki, Dövlət Feldyeger Xidmətinin əməkdaşları əvvəlcə Fəxri xiyabanda xalqımızın Ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üstünə tər güllər düzülüb.
Sonra Şəhidlər xiyabanına gələn Dövlət Feldyeger Xidmətinin əməkdaşları Azərbaycanın azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, məzarları üzərinə gül dəstələri düzüb, “Əbədi məşəl” abidəsinin önünə əklil qoyublar.
Yubiley tədbiri Azərbaycan Respublikasının dövlət himni və Dövlət Feldyeger Xidmətinin marşının səsləndirilməsi ilə başlanıb.
Prezident Administrasiyasının sənədlərlə və vətəndaşların müraciətləri ilə iş şöbəsinin müdiri Süleyman İsmayılov dövlətimizin başçısı İlham Əliyevin Dövlət Feldyeger Xidməti əməkdaşlarının ali xüsusi rütbələr, orden və medallarla təltif edilməsi haqqında sərəncamlarını oxuyub.
Dövlət Feldyeger Xidməti əməkdaşlarını yubiley münasibətilə təbrik edən Süleyman İsmayılov çıxışında bildirib ki, Ulu öndər Heydər Əliyevin təşəbbüsü ilə 2003-cü ildə “Feldyeger rabitəsi haqqında” Azərbaycan Respublikasının Qanunu təsdiq edilib. Bu Qanun əsasında Azərbaycan Prezidenti İlham Əliyevin imzaladığı 2004-cü il 12 aprel tarixli Fərmanla Azərbaycan Respublikasının Nazirlər Kabineti yanında Dövlət Feldyeger Xidməti yaradılıb və müstəqil qurum kimi fəaliyyətə başlayıb. Ötən müddət ərzində bir çox başqa aktlar qəbul edilib, Dövlət Feldyeger Xidmətinin normativ-hüquqi bazası daha da möhkəmləndirilib. Xidmətin fəaliyyəti ayrı-ayrı vaxtlarda Rabitə və Daxili İşlər nazirliklərinin, digər orqanların tərkibində davam etsə də, onun gördüyü iş dövlət idarəçiliyində vacib amillərdən biri olub.
Dövlət Feldyeger Xidmətinin rəisi, feldyeger xidməti general-leytenantı Ədalət Paşayev hələ qədim dövrlərdən təməli qoyulan bu xidmət növünün tarixindən bəhs edib.
Prezident İlham Əliyevin Dövlət Feldyeger Xidmətinə göstərdiyi diqqət və qayğıya görə minnətdarlığını bildirən Ədalət Paşayev, Xidmət əməkdaşlarının onların qarşısında qoyulan vəzifələrin öhdəsindən bundan sonra da layiqincə gələcəklərinə əminliyini bildirib.
Sonra çıxış edənlər Dövlət Feldyeger Xidmətinin inkişafında Ümummilli lider Heydər Əliyevin xidmətlərindən danışıb, qurumun maddi-texniki bazasının möhkəmləndirilməsi, şəxsi heyətin peşəkarlığının artırılması istiqamətində görülən tədbirlərdən bəhs ediblər.

Paylaş:

Baxılıb: 1181 dəfə