Azərbaycan Prezidenti İlham Əliyev Bakının Səbail rayon İcra Hakimiyyəti binasının əsaslı yenidənqurma işlərindən sonrakı vəziyyəti ilə tanış olub

Bakı:

24 °C

59 %

3 m/s

AZ RU EN

Ana səhifə / Gündəm / Azərbaycan Prezidenti İlham Əliyev Bakının Səbail rayon İcra Hakimiyyəti binasının əsaslı yenidənqurma işlərindən sonrakı vəziyyəti ilə tanış olub

Azərbaycan Prezidenti İlham Əliyev Bakının Səbail rayon İcra Hakimiyyəti binasının əsaslı yenidənqurma işlərindən sonrakı vəziyyəti ilə tanış olub

23.11.2013 [12:56]

Azərbaycan Respublikasının Prezidenti İlham Əliyev noyabrın 22-də Bakının Səbail rayon İcra Hakimiyyətinin Üzeyir Hacıbəyli küçəsində yerləşən binasının əsaslı yenidənqurma işlərindən sonrakı vəziyyəti ilə tanış olub.
Dövlətimizin başçısının tapşırığı ilə son illər paytaxtın sosial-iqtisadi inkişafı çərçivəsində görülən tədbirlər, icra edilən müasir infrastruktur layihələri ilə yanaşı, müxtəlif icra strukturlarında çalışan əməkdaşların iş şəraitinin daha da yaxşılaşdırılması istiqamətində də məqsədyönlü tədbirlər həyata keçirilir. Müasir memarlıq üslubu ilə seçilən Səbail rayon İcra Hakimiyyətinin inzibati binasının əsaslı şəkildə yenidən qurulması paytaxtın görkəminə xüsusi yaraşıq verir.
Səbail rayon İcra Hakimiyyətinin başçısı Asif Əsgərov görülən işlər barədə Prezident İlham Əliyevə məlumat verib. Binanın girişində xalqımızın Ümummilli lideri Heydər Əliyevin büstü qoyulub, Ulu öndərin və Azərbaycan Prezidenti İlham Əliyevin fəaliyyətinə həsr olunmuş fotostendlər quraşdırılıb. Bildirilib ki, bina əsaslı şəkildə yenidən qurulub, burada çalışan əməkdaşlar üçün ən müasir tələblərə cavab verən şərait yaradılıb. Sovet dövründə rayon partiya və icraiyyə komitələrinin fəaliyyət göstərdiyi binada əsaslı təmir və yenidənqurma işləri nəticəsində əlavə mərtəbə inşa olunub, fasad yenilənib. Təmir zamanı bina, ilk növbədə dəmir-beton konstruksiyalarla möhkəmləndirilib, yenidənqurma işlərində keyfiyyətli yerli inşaat materiallarından da istifadə olunub. Yüksək tələblərə cavab verən işıqlandırma, havalandırma sistemlərinin quraşdırıldığı bina ən müasir avadanlıqlarla təchiz olunub. Binadakı iş otaqlarının hamısı müasir tələblər səviyyəsində qurulub və lazımi texniki vasitələrlə təmin edilib. İnzibati binanın kommunikasiya və rabitə xətləri də yeniləri ilə əvəz olunub. İş otaqlarının, iclas və konfrans zallarının təmirində dünyanın qabaqcıl şirkətlərinin istehsalı olan keyfiyyətli materiallardan istifadə olunub. Birinci mərtəbədəki 200 yerlik iclas zalında rayon və respublika əhəmiyyətli tədbirlərin keçirilməsi üçün yüksək şərait yaradılıb.
Binaya bitişik 6 mərtəbəli yeni korpusda inşaat işlərinin davam etdirildiyi bildirilib. Qeyd olunub ki, yeni korpusun 2-ci mərtəbəsində ən müasir tələblərə cavab verən yüksək texniki imkanlara malik konfrans zalı yaradılıb. Burada vətəndaşlarla onlayn video qəbulların həyata keçirilməsi nəzərdə tutulub. Sakinlər binaya gəlmədən rayon İcra Hakimiyyətinin nümayəndələri və məsul şəxslərlə birbaşa videoəlaqə yarada biləcəklər. Binada rayonun bütün ərazisi üzrə vahid elektron xəritə-məlumat bazası yaradılıb. Sistem rayon təsərrüfatının idarə olunmasında artıq ən yeni texnoloji vasitə kimi tətbiq edilməyə başlanıb. Elektron xəritənin köməyi ilə planlaşdırma aparılır və həyata keçirilən işlər haqqında operativ məlumatlar əldə edilir.
Dövlətimizin başçısının tapşırığı ilə rayonun Badamdar qəsəbəsində inşa olunacaq yeni idman zalının layihəsi ilə də tanışlıq olub. 2400 kvadratmetr ərazisi olacaq bu idman zalında ən müasir şəraitin yaradılacağı bildirilib.
Görülən işlərlə yaxından tanış olan Prezident İlham Əliyev müvafiq tapşırıqlarını verib.

Paylaş:

Baxılıb: 2039 dəfə