Qazın bahalaşması Ermənistanda bütün sahələrdə ciddi qiymət artımına rəvac verəcək
10.01.2019 [09:52]
Mütəxəssislər bahalaşmanın son nəticədə əhalinin kütləvi etiraz aksiyalarına başlamasına gətirib çıxaracağını bildirirlər
Yeni ilin ilk həftəsindən Ermənistanda ilkin tələbat mallarının bahalaşması əhali arasında təşviş yaradıb. Gözlənildiyi kimi, Rusiya tərəfinin güzəştli şərtlərlə Ermənistana qaz satışını dayandırması və hazırda daxildə istehlakçıları təmin edən Rusiyanın törəmə müəssisəsinin də qazın satış qiymətini artıracağı ehtimalı bahalaşmanın bütün sahələrə sirayət etməsi təhlükəsini gündəmə gətirir.
Məlum olduğu kimi, işğalçı ölkənin baş naziri səlahiyyətlərini icra edən Nikol Paşinyanın uğursuz Moskva səfərindən dərhal sonra Rusiyanın Ermənistana satdığı qazın 10 faiz həcmində (hər min kubmetrinə görə 15 dollar) bahalaşması xəbəri yayıldı. Yayılan məlumatlara görə, qazın qiymətinin artması əhalinin güzəranına təsirsiz ötüşməyəcək. Bunu “news.am” saytına açıqlama verən iqtisadçı Vardan Bostançıyan da təsdiq edib. Onun sözlərinə görə, N.Paşinyanın “ölkə əhalisi qazın qiymətinin artmasını hiss etməyəcək” şəklində əvvəllər verdiyi vədlərə baxmayaraq, Ermənistan hökuməti bu xərcləri subsidiyalaşdırmaq üçün vəsait tapa bilmir: “Bu vəziyyət iqtisadiyyatdan başı çıxan əksər şəxslərdə sual yaradır. Aydındır ki, bu vəsaitlər heç bir yerdən əldə edilə bilməz. Ya təsərrüfat subyektləri qiymətləri azaltmaq məcburiyyətində qalacaq, ya da bu subsidiyalaşdırma dövlət büdcəsi hesabına həyata keçiriləcək. Bu və ya digər şəkildə, bütün xərclər istehlakçı tərəfindən ödəniləcək”. V.Bostançıyan qeyd edib ki, bu halda əhalinin sosial-iqtisadi problemlərinin həllinə yönəldilməli olan vəsaitlər qaz tariflərinə subsidiyalaşdırılacaq, bu isə qəbuledilməzdir.
Bu məsələyə münasibət bildirən “Maariflənən Ermənistan” partiyasının üzvü Gevork Qorqisyan N.Paşinyanın məlum bəyanatını reallığa uyğun gəlməyən “populizm” adlandırıb. Onun sözlərinə görə, hökumət vətəndaşların əlavə xərclərini subsidiya etməyi qərara alırsa, bu, dövlət büdcəsi hesabına həyata keçirilməlidir: “Dövlətin isə vətəndaşlar tərəfindən vergilər formasında büdcəyə ödənilən vəsaitdən başqa gəlir sahəsi yoxdur”.
G.Qorqisyan mövcud qaz tariflərini də absurd adlandırıb və vurğulayıb ki, qaz da daxil olmaqla tariflərin artımı ölkədə mövcud olan mürəkkəb sosial-iqtisadi vəziyyətə, qiymətqoymaya və ümumiyyətlə, iqtisadiyyata mənfi təsir göstərəcək. Partiya nümayəndəsi qiymətlərin artmasına görə əhalinin kütləvi etiraz aksiyalarına başlamasını da istisna etməyib.
Rusiya mətbuatı isə yazır ki, N.Paşinyanın əhaliyə verdiyi vədlər yalnız boş sözlərdən ibarətdir. “Kommersant” qəzetinin məlumatına görə, Ermənistanda əsas təchizatı həyata keçirən Rusiyanın “Qazprom” şirkəti sərmayə qoyuluşunu azalda, habelə onun törəmə müəssisəsi olan “Qazprom-Ermənistan” QSC hər min kubmetr üçün 10 faizədək artıma görə daxili qiymətləri də artıra bilər. Ekspertlərin rəyinə əsasən, əvvəllər qaz güzəştli qiymətə alındığına görə indi bu törəmə müəssisə daxili endirimi ləğv edə, üstəlik ölkənin qaz təchizatı üzrə daxili infrastrukturuna investisiya qoyuluşunu dayandıra bilər. Həmin qəzetə açıqlama verən “Raiffeisenbank”ın əməkdaşı Andrey Polişuk hesab edir ki, “Qazprom” və Ermənistan hökuməti arasında imzalanmış yeni müqavilələr “Qazprom-Ermənistan” QSC-nin marjasının azaldılmasına gətirib çıxara bilər. Rusiya Milli Energetika Təhlükəsizliyi Fondunun nümayəndəsi Aleksey Grivaç da “Qazprom”un infrastruktur sərmayələrinin təmini üçün “Qazprom-Ermənistan” QSC-yə verdiyi güzəştin qismən ləğv olunacağını bəyan edib.
Onu da qeyd edək ki, Rusiya şirkətlərinin Ermənistana sərmayə qoyuluşunu azaltmaq və ləğv etmək təhlükəsinin iqtisadi baxımdan olduğu qədər, siyasi səbəbləri də var. Çünki N.Paşinyan hakimiyyəti ələ keçirdikdən sonra cəmiyyətdə anti-Rusiya mövqeyinin dərinləşməsi bu ölkənin əsas sərmayə qoyuluşunu gerçəkləşdirən şirkətlərinə qarşı təzyiqlərlə də müşayiət olundu.
Belə ki, Dövlət Gəlirləri Komitəsi “Qazprom-Ermənistan”ın törəmə müəssisəsi olan “Avtoqaz” şirkətinin də daxil olduğu bir sıra qaz təchizatını həyata keçirən şirkətlərdə vergi pozuntularının aşkar edildiyini açıqladı. Daha sonra “Rusiya Dəmir Yolu” ASC-yə məxsus “Cənubi Qafqaz Dəmir Yolu” QSC-yə eyni ittiham irəli sürüldü. “Qazprom-Ermənistan” bu iddiaları rədd edir və iki il ərzində 27,6 milyon dollar zərər etdiyini bildirir. Ekspertlər hesab edirlər ki, yeni hökumət “Qazprom”un törəmə müəssisəsinə qarşı ciddi addımlar atmağa davam etsə, şirkətin daxildəki resursunun və sərmayəsinin Ermənistanda qalmasını gözləmək sadəlövhlük olardı.
Qaşqay ZİYƏDDİNOĞLU
Xəbər lenti
Hamısına baxSiyasət
05 May 19:41
Xəbər lenti
05 May 18:30
Dünya
05 May 18:25
Ədəbiyyat
05 May 17:12
Xəbər lenti
05 May 16:56
Sosial
05 May 14:38
Sosial
05 May 13:58
Xəbər lenti
05 May 13:04
Gündəm
05 May 12:37
Xəbər lenti
05 May 12:34
Xəbər lenti
05 May 10:15
Xəbər lenti
05 May 10:00
Siyasət
04 May 22:02
Xəbər lenti
04 May 22:00
Dünya
04 May 19:27
Dünya
04 May 18:26
Xəbər lenti
04 May 18:09
İdman
04 May 17:20
İqtisadiyyat
04 May 16:56
Sosial
04 May 15:21
Xəbər lenti
04 May 15:04
Siyasət
04 May 15:01
Xəbər lenti
04 May 14:42
İqtisadiyyat
04 May 14:40
Gündəm
04 May 14:38
Sosial
04 May 13:47
Dünya
04 May 12:48
Sosial
04 May 12:20
MEDİA
04 May 12:15
Sosial
04 May 12:00
Ədəbiyyat
04 May 11:50
Sosial
04 May 11:45
Xəbər lenti
04 May 11:40
İqtisadiyyat
04 May 11:30
Analitik
04 May 11:20
Siyasət
04 May 11:10
Siyasət
04 May 10:55
Xəbər lenti
04 May 10:50
Xəbər lenti
04 May 10:40
Gündəm
04 May 10:35
Gündəm
04 May 10:30
Gündəm
04 May 10:20
Siyasət
04 May 10:10
Xəbər lenti
04 May 10:00
Xəbər lenti
04 May 09:58
Xəbər lenti
04 May 09:50
Gündəm
03 May 19:18
YAP xəbərləri
03 May 17:54
Xəbər lenti
03 May 17:53
Xəbər lenti
03 May 17:27
Xəbər lenti
03 May 17:25
Xəbər lenti
03 May 17:04
Xəbər lenti
03 May 17:00
İqtisadiyyat
03 May 16:35
Xəbər lenti
03 May 16:05
Siyasət
03 May 15:39
Xəbər lenti
03 May 15:20
İdman
03 May 15:17
Xəbər lenti
03 May 15:16
Xəbər lenti
03 May 14:34
Dünya
03 May 14:16
Xəbər lenti
03 May 13:56
İqtisadiyyat
03 May 13:39
Xəbər lenti
03 May 13:05
Xəbər lenti
03 May 12:47
Xəbər lenti
03 May 12:40
Xəbər lenti
03 May 12:31
Siyasət
03 May 12:23
Xəbər lenti
03 May 12:17
Xəbər lenti
03 May 12:15