3-cü prezident impiçment edildi

Bakı:

21°C

64%

5m/s

Əlaqə

AZ RU EN

Ana səhifə / Dünya / 3-cü prezident impiçment edildi

3-cü prezident impiçment edildi

05.04.2025 [10:39]

Koreya Respublikasının Konstitusiya Məhkəməsi Prezident Yun Sk Yolun impiçmentini təsdiqləyib. Məhkəmə heyətinin yekdilliklə çıxardığı qərarda göstərilir ki, Yun Sk Yol “hüquqi dövlətin və demokratik idarəetmənin əsas prinsiplərini pozub. Məhkəmənin qərarına əsasən, ölkədə 60 gün ərzində növbədənkənar prezident seçkiləri keçirilməlidir.

Xatırladaq ki, bundan öncə 2017-ci ildə Cənubi Koreyanın dövlət başçısı Pak Kın He də impiçmentə məruz qalmışdı.

Müxalifət ilə prezident arasında qarşıdurma

2024-cü ilin sonunda Cənubi Koreyada müxalif partiyalar prezidentin impiçment edilməsi ilə bağlı məsələ qaldırmışdı. Yun Sok Yol isə könüllü olaraq istefa vermək niyyətində deyildi. Müxalifəti Şimali Koreyaya rəğbət bəsləməkdə ittiham edən Yun Sok Yol dekabrın 3-də ölkədə hərbi vəziyyət elan etdi və paytaxt Seula ordu yeritdi. Hərbi vəziyyət fonunda şəhərin küçələrində ağır hərbi texnikalar hərəkət edirdi. Orduya parlamenti mühasirəyə almaq əmri verildi. Prezident Yun Sok Yol öz çıxışda bəyan etmişdi ki, onun hərbi vəziyyət rejimini tətbiqi etməkdə məqsədi ölkənin təhlükəsizliyini və azad konstitusiya quruluşunu Şimali Koreya yönümlü qüvvələrdən qorumaqdır. Onun sözlərinə görə, ona qarşı impiçment prosedurunu həyata keçirmək cəhdləri hakimiyyəti iflic etmək təhlükəsi yaradır. Həmin zaman Cənubi Koreyanın Müdafiə Nazirliyində də yüksək səviyyəli hərbi rəsmilərin iclası keçirildi. Koreya Quru Qoşunlarının Baş Qərargah rəisi Pak An Su ölkədə hərbi vəziyyətin tətbiqindən sonra komandir təyin edildi. Hərbi vəziyyət müddətində parlamentin, siyasi partiyaların və birliklərin, o cümlədən regional parlamentlərin fəaliyyətinə, hətta mitinqlərin keçirilməsinə qadağa qoyuldu.

Hərbi vəziyyətin elan olunmasına baxmayaraq, ölkə parlamenti geri çəkilmədi. Dekabrın 3-dən 4-nə keçən gecə ölkə parlamentində ölkədə hərbi vəziyyətin ləğv olunması məsələsi qaldırıldı və prezidentdən hərbi vəziyyətin ləğv olunmasını tələb edən qətnamə qəbul olundu. 190 deputat qətnamənin lehinə səs verdi. Nəticədə dövlət başçısı Yun Sok Yol təxminən 6 saat davam edən hərbi vəziyyət rejimini ləğv etmək məcburiyyətində qaldı. Hərbi vəziyyətin tətbiqində iştirak edən Cənubi Koreyanın bütün hərbi qulluqçuları daimi dislokasiya yerlərinə qayıtdılar. Dekabrın 14-də isə parlament prezidentin impiçment qərarını elan etdi. Səsvermə zamanı 204 deputat qərarın lehinə, 85 nəfər isə əlehinə səs verib.

Prezidentin həbsi

Dekabrın 31-də Cənubi Koreya məhkəməsi Korrupsiyaya Qarşı Mübarizə üzrə İstintaq İdarəsinin tələbi ilə Yun Sok Yolun həbsinə order verdi. O, qiyama rəhbərlik etmək maddəsi ilə ittiham edilirdi. Yerli KİV-in məlumatında qeyd olunur ki, yanvarın əvvəlində istintaq qrupunun nümayndələri Yun Sok Yolu həbs etmək üçün prezident iqamətgahına gəldilər. Lakin iqamətgahın qarşısında qrupun nümayəndələri ilə prezidentin mühafizə qüvvələri arasında qarşıdurma yaşandı. İstintaq qrupunun nümayəndələri iqamətgaha yaxınlaşanda dövlət başçısını mühafizə edən hərbçilər onların qarşısını kəsdi. Nəticədə, onlar yanvarın 3-də ərazini tərk etmək məcburiyyətində lar. Yanvarın 7-də Cənubi Koreya məhkəməsi yenidən Yun Sok Yolun həbsinə order verdi. O, yanvarın 19-da həbs olundu. Lakin martın 7-də Yun Sok Yol məhkəmə qərarı ilə həbsdən azad edildi.

YUNİS

Paylaş:

Baxılıb: 203 dəfə