“İdeoloji işin təşkili və informasiya müharibəsində gənclərin rolu”na həsr olunmuş toplantı keçirilib

Bakı:

19 °C

94 %

2 m/s

AZ RU EN

Ana səhifə / YAP xəbərləri / “İdeoloji işin təşkili və informasiya müharibəsində gənclərin rolu”na həsr olunmuş toplantı keçirilib

“İdeoloji işin təşkili və informasiya müharibəsində gənclərin rolu”na həsr olunmuş toplantı keçirilib

30.11.2022 [12:06]

29 noyabr 2022-ci il tarixdə Xocavənd Rayon İcra Hakimiyyətində YAP Xocavənd rayon təşkilatı və Xocavənd rayon İcra Hakimiyyətinin birgə təşkilatçılığı ilə partiya üzvü olan Xocavəndli gənclərin o cümlədən, Ərazi Partiya təşkilatları, idarə müəssisə əməkdaşlarının “Rayonda ideoloji işin təşkili və informasiya müharibəsində gənclərin rolu”na həsr olunmuş toplantı keçirilmişdir. Tədbiri açıq elan edən Xocavənd Rayon İcra Hakimiyyətinin başçısı Eyvaz Hüseynov bildirib ki, bu gün müasir dünya bizdən daha operativ və novator yanaşma tələb edir. Ölkəmizdə vətəndaş cəmiyyəti quruculuğunun genişləndiyi, demokratiyanın bərqərar olduğu, ərzilərimizin işğaldan azad olunduğu dövrdə cəmiyyətimizdə gedən proseslərin düzgün qiymətləndirilməsi, Prezident İlham Əliyevin həyata keçirdiyi siyasətin hər bir Azərbaycan vətəndaşı tərəfindən dərindən dərk edilməsi həyati zərurətə çevrilib. Bununla əlaqədar ideoloji iş, xüsusilə bu işin həlledici sahəsi olan təbliğat işinin gücləndirilməsi və səmərəliliyinin artırılması son dərəcə böyük əhəmiyyət kəsb edir. Maarifləndirmə tədbirlərinin əhəmiyyətinə diqqət çəkən başçı təbliğat işində Ulu Öndərin irsinin, Cənab Prezidentin siyasətinin, Müzəffər Ali Baş Komandan-xalq-ordu birliyinin, Vətən Müharibəsi Zəfəri, Azərbaycançılıq, dövlətçilik, vətənpərvərlik mövzularına geniş yer verilməli olduğunu bildirdi.

Başçı təbliğat işlərində gənclərin yaxından iştirakının vacibliyindən danışaraq bildirib ki, 44 günlük Vətən müharibəsi zamanı və ondan sonrakı proseslərdə Azərbaycan gəncləri müstəsna rol oynayıblar. Gəncləri Azərbaycan həqiqətləri, tarixi, bu günü, mədəniyyəti, milli-mənəvi dəyərləri, ölkəmizin inkişafı, həyata keçirilən tədbirlərlə bağlı sosial şəbəkələrin təqdim etdiyi imkanlardan geniş istifadə etməyə çağırdı. Xocavənd gənclərinin hər zaman öndə olduğunu qeyd edən başçı çıxışında gənclərimizin informasiya müharibəsində bundan sonra da əzmlə çalışacaqlarına əminliyini ifadə etdi.

Sonra, YAP Xocavənd rayon təşkilatının sədri Vüsal Hüseynov çıxış edərək bildirmişdir ki, hakim bir partiyanın minlərlə üzvlərindən biri olaraq bizlər sosial şəbəkələrdə aktivlik göstərməliyik. YAP Xocavənd rayon təşkilatı olaraq aparat əməkdaşları tapşırıqları vaxtında yerinə yetirir, mobil qurupa əlavə edilən gənclərimiz də inanırıq ki, bundan sonra verilən tapşırıqları vaxtında yerinə yetirəcək. Cənab Prezidentin təbliğatında fəal iştirak etmək hər birimizin borcudur. Döyüşçü qardaşlarımız cəbhədə, bizlərdə sosial şəbəkədə ölkəmizə qarşı uzanan xain əllərin qırılmasında fəal olmalıyıq. Hazırda rahat, azad, demokratik, bir ölkədə yaşamağımızın səbəbi Cənab Prezident İlham Əliyevin apardığı siyasətdir. Bizlərdə onu əsas tutaraq Cənab Prezidentin ətrafında sıx birləşib, sədri olduğu partiyanın işlərində aktiv olmalıyıq.

Tədbirdə fəal YAP üzvü- Başçının müavini-İctimai-siyasi və humanitar məsələlər şöbəsinin müdiri Əfsanə Quliyeva idarə, müəssisə və təşkilat əməkdaşlarının sosial şəbəkələrdə rolu mövzusunda tədbir iştirakçılarına geniş hesabat təqdim etmişdir.

Sonda Xocavənd rayon İcra Hakimiyyətində könüllü fəaliyyət göstərən gənclərə sertifikatlar təqdim edilmiş və Yeni Azərbaycan Partiyasının 30 illiyinə həsr edilmiş müxtəlif idman və Nə? Harada? nə zaman? İntellektual yarışında final mərhələsində iştirak edən gənclərə, o cümlədən Yeni Azərbaycan Partiyasının fəal üzvü olaraq, partiya dəyərlərinin təbliğində və ictimai proseslərdə aktiv iştirak edən gənclərimiz təşəkkürnamələrlə təltif edilmişdir.

Paylaş:

Baxılıb: 439 dəfə