Şəfəq İbişova: Xalq-iqtidar birliyi sayəsində ölkəmiz bütün çətinliklərin öhdəsindən gələcək

Bakı:

20 °C

52 %

2 m/s

AZ RU EN

Ana səhifə / YAP xəbərləri / Şəfəq İbişova: Xalq-iqtidar birliyi sayəsində ölkəmiz bütün çətinliklərin öhdəsindən gələcək

Şəfəq İbişova: Xalq-iqtidar birliyi sayəsində ölkəmiz bütün çətinliklərin öhdəsindən gələcək

17.07.2020 [08:09]

“COVID-19 pandemiyası elan olunduğu ilk günlərdən Prezident İlham Əliyevin rəhbərliyi ilə dövlət tərəfindən həyata keçirilən sistemli tədbirlər Azərbaycanın bu sınaqdan da üzüağ çıxacağına əminlik yaradıb. Pandemiyaya qarşı mübarizədə Azərbaycan milli birliyin və həmrəyliyin nəticəsində uğurlar əldə edib. Dövlət başçısının bəşəriyyətə meydan oxuyan yeni növ koronavirus infrksiyasına qarşı mübarizə çərçivəsində atdığı həm düşünülmüş, qətiyyətli, həm də humanist addımlar bu gün də bu “savaş”a öz töhfəsini verir və ölkənin bu bəladan ən az itki ilə çıxmasını təminat yaradır”.
Bu fikirləri Yeni Azərbaycan Partiyası (YAP) Suraxanı rayon təşkilatının 84 saylə tam orta məktəb üzrə ərazi ilk partiya təşkilatının sədri Şəfəq İbişova deyib.
Ş.İbişovanın sözlərinə görə, bu qlobal pandemiya ilə mübarizə beynəlxalq əməkdaşlıq və həmrəylik tələb edir: “Pandemiyaya qarşı mübarizədə Azərbaycanın həm daxili, həm də xarici müstəvidə göstərdiyi nümunə bu baxımdan təqdirəlayiqdir. Bəşəriyyətin sınağa çəkildiyi bir dövrdə Prezident İlham Əliyev bəyan etdi ki, beynəlxalq həmrəylik nümayiş etdirməklə və səmərəli əməkdaşlıqla dünya ictimaiyyəti COVID-19-a qalib gələ bilər”.
“Azərbaycan Prezidentinin təşəbbüsü ilə istər aprelin 10-da Türk Şurasının dövlət və hökumət başçılarının, mayın 4-də isə Qoşulmama Hərəkatının Təmas Qrupunun COVID-19 pandemiyasına həsr olunmuş videokonfrans formatında Zirvə görüşlərinin baş tutması, istərsə də Ümumdünya Səhiyyə Təşkilatına edilən könüllü ianə və 30-a yaxın ölkəyə humanitar yardım edilməsi göstərdi ki, Azərbaycan koronavirus pandemiyasına qarşı mübarizədə qlobal həmrəylik və əməkdaşlıq üçün səylə çalışır”, - deyə Ş.İbişova bildirib.
Onun sözlərinə görə, Azərbaycan dövlətinin apardığı siyasət sübut etdi ki, koronavirusla mübarizə dövründə biz hamımız eyni cəbhədəyik və uğur yalnız bütün insanların, bütün ölkələrin qorunduğu zaman əldə ediləcək: “Beynəlxalq müstəvidə Prezident İlham Əliyevin BMT Baş Assambleyasının xüsusi sessiyasının keçirilməsi təşəbbüsünün dəstəklənməsi Azərbaycanın dünya miqyasında əhəmiyyətli rol oynadığıını bir daha sübut etdi”, - deyən Ş.İbişova əminliyini bildirib ki, xalq-iqtidar birliyi sayəsində ölkəmiz bütün çətinliklərin öhdəsindən gələcək. Qlobal miqyasda pandemiyaya qarşı həmrəylik və əməkdaşlığın gücləndirilməsinə ölkəmizin verdiyi töhfələr isə bəşəriyyətin xilasına yönəlmiş bir addım kimi tarixə düşəcək.

Paylaş:

Baxılıb: 576 dəfə