Göygöl rayonunda 27 sentyabr - Anım Günü ilə əlaqədar tədbir keçirilib

Bakı:

24 °C

58 %

0 m/s

Əlaqə

AZ RU EN

Ana səhifə / YAP xəbərləri / Göygöl rayonunda 27 sentyabr - Anım Günü ilə əlaqədar tədbir keçirilib

Göygöl rayonunda 27 sentyabr - Anım Günü ilə əlaqədar tədbir keçirilib

24.09.2024 [14:46]

Yeni Azərbaycan Partiyası (YAP) Göygöl rayon təşkilatı üzrə Respublika Süni Mayalanma Mərkəzi ərazi partiya təşkilatında “Zəfər gününün başlanğıcı - 27 sentyabr” mövzusunda tədbir keçirilib. Öncə Ulu Öndər Heydər Əliyev və ölkəmizin müstəqilliyi, ərazi bütövlüyünün təmin olunması uğrunda şəhid olan Vətən övladlarının xatirəsi bir dəqiqəlik sükutla yad edilib.

Tədbiri giriş sözü ilə açan Yeni Azərbaycan Partiyası (YAP) Göygöl rayon təşkilatının sədr müavini Zamir Hüseynov bildirib ki, ölkəmizin ərazi bütövlüyü uğrunda həlak olan şəhidlərimizə ehtiram əlaməti olaraq Azərbaycan Respublikasının Prezidenti cənab İlham Əliyevin 2020-ci il 2 dekabr tarixli Sərəncamı ilə hər il sentyabrın 27-si Azərbaycan Respublikasında Anım Günü kimi qeyd edilməsi qərara alınıb. Z.Hüseynov onu da vurğulayıb ki, 44 günlük Vətən müharibəsində böyük qəhrəmanlıq və şücaət göstərən əsgər və zabitlərimiz, bütövlükdə xalqımız birlik nümayiş etdirərək, düşməni darmadağın ediblər: “Məhz güclü dövlət siyasəti, xalqın birliyi və hərbçilərimizin qəhrəmanlığı sayəsində Qarabağ torpaqları qısa zaman kəsiyində düşmən tapdağından azad olunub”.

Sonra məruzə ilə çıxış edən Respublika Süni Mayalanma Mərkəzi ərazi partiya təşkilatının sədri Ramin Abbasov qeyd edib ki, Müzəffər Ordumuz 44 günlük Vətən müharibəsində misilsiz qəhrəmanlıq göstərərək, işğal altında olan torpaqlarımızı mənfur düşməndən azad edib: “Ali Baş Komandan İlham Əliyevin rəhbərliyi altında Azərbaycan Ordusu Zəfər Tariximizə qızıl hərflərlə yeni səhifə yazdı. Bu gün Prezident, Müzəffər Ali Baş Komandan İlham Əliyevin rəhbərliyi altında tariximizin ən şərəfli günlərini yaşayır, bütün dünyada qalib dövlət, məğrur xalq kimi tanınırıq. Bir daha sübut olundu ki, qüdrətli ordu ilə güclü dövlət anlayışı vəhdət təşkil edir”. Qeyd olunub ki, şəhid ailələrinin, əlillərin və müharibə iştirakçılarının sosial müdafiəsinin gücləndirilməsi istiqamətində dövlətimiz tərəfindən ardıcıl olaraq sistematik tədbirlər həyata keçirilir.

Tədbirdə çıxış edən digər natiqlər Azərbaycan xalqının 44 günlük Vətən müharibəsi zamanı birlik və həmrəylik nümayiş etdirib, şəhidlərimiz igidlik salnaməsi yazıblar. Vurğulanıb ki, illər keçsə də, gələcək nəsillər onları hər zaman böyük minnətdarlıq duyğusu ilə yad edəcək. Xüsusi olaraq qeyd edilib ki, Göygöl rayonunda yaşayan şəhid ailələri, qazilər və müharibə iştirakçılarının hər birinə dövlət tərəfindən qayğı göstərilir. O da qeyd edilib ki, müqəddəs, şərəfli şəhid adı daşıyan, Vətənin müstəqilliyi, işğal altında olan torpaqların azad olunması naminə ölümü gözə alan gənclərimizin əziz xatirəsi daim xalqımızın qəlbində yaşayacaq.

Paylaş:

Baxılıb: 598 dəfə