Penitensiar müəssisələrdə epidemioloji cəhətdən gərgin mühit yoxdur

Bakı:

26 °C

51 %

4 m/s

Əlaqə

AZ RU EN

Ana səhifə / Sosial / Penitensiar müəssisələrdə epidemioloji cəhətdən gərgin mühit yoxdur

Penitensiar müəssisələrdə epidemioloji cəhətdən gərgin mühit yoxdur

08.08.2020 [00:53]

Azərbaycan Prezidenti İlham Əliyevin ölkəmizdə yeni növ koronavirus (COVID-19) pandemiyasının geniş yayılmasının qarşısının alınması, əhalinin sağlamlığının qorunması ilə bağlı tövsiyə və tapşırıqları bütün dövlət qurumları kimi, Ədliyyə Nazirliyi tərəfindən də daim diqqət mərkəzində saxlanılır, bu istiqamətdə genişmiqyaslı tədbirlər fasiləsiz həyata keçirilir.

Fəaliyyətində hər zaman şəffaflığa, ictimaiyyətlə əlaqələrə xüsusi önəm verən Ədliyyə Nazirliyi vətəndaşların ədliyyə orqanlarına əlçatanlığının təmin olunması, ədliyyə fəaliyyəti barədə mütəmadi məlumatlandırılması məqsədilə həm vətəndaş cəmiyyəti nümayəndələrinin, həm də kütləvi informasiya vasitələrinin, eləcə də nazirliyin rəsmi saytlarının və sosial şəbəkələrdə səhifələrinin imkanlarından geniş istifadə edilir. Dövlətimizin başçısının tapşırıqlarının icrası istiqamətində xüsusi karantin rejimi dövründə nazirliyin rəsmi “Facebook” səhifəsində davamlı olaraq ədliyyənin ayrı-ayrı fəaliyyət istiqamətləri üzrə canlı yayımların keçirilməsi də məhz əhalinin hüquqi maarifləndirilməsinə xidmət edir.

AZƏRTAC xəbər verir ki, bu istiqamətdə həyata keçirilən tədbirlərdən biri kimi, avqustun 8-də “Ədliyyə fəaliyyəti: ictimai müzakirə” mövzusunda onlayn qaydada ictimai müzakirə təşkil olunub.

İctimai müzakirədə iştirak edən Ədliyyə Nazirliyinin Tibb Baş İdarəsinin rəis müavini İftixar Qurbanov və Tibb Baş İdarəsinin Müalicə işinin təşkil idarəsinin rəisi Füzuli Hüseynov Ədliyyə Nazirliyində tibb xidmətinin təşkili işi barədə məlumat veriblər.

Bildirilib ki, pandemiya dövründə Ədliyyə Nazirliyinin bütün struktur qurumları kimi, Tibb Baş İdarəsi də gücləndirilmiş iş rejimində fəaliyyət göstərir. İdarə fəaliyyətini koronavirusla mübarizəyə səfərbər edib, eyni zamanda, Operativ Qərargahın qərarlarının, eləcə də Ədliyyə Nazirliyi üzrə verilmiş göstəriş, əmr və sərəncamların icrasına yönəldib.

Qeyd edilib ki, ölkə ərazisinə daxil olan şəxslərdə yeni növ koronavirus infeksiyası aşkarlandığı andan Ədliyyə Nazirliyi tərəfindən genişmiqyaslı tədbirlər planı təsdiqlənib. Bu plan çərçivəsində bütün tabe qurumlarda profilaktik işlərə başlanılıb. Demək olar ki, bütün müəssisələr üzrə sanitar nəzarət postları qurulub. Bu postlar fərdi mühafizə vasitələri, termometrlər, dezinfeksiyaedici avadanlıq və digər vasitələrlə təchiz edilib. Hər bir qurumda infeksiyaya nəzarət üçün lazımi şərait yaradılıb və işlər bu gün də davam etdirilir. Penitensiar müəssislərə daxil olan bütün nəqliyyat vasitələrinin, ərazinin dezinfeksiyasına başlanılıb. Eyni zamanda, əməkdaşlar, məhkumlar arasında tibbi maska gəzdirməyin, fiziki məsafənin saxlanılmasının əhəmiyyəti, əllərin yuyulması və digər təlimatlar üzrə bütün göstərişlər çatdırılıb.

Xüsusi vurğulanıb ki, bu istiqamətdə işin ən yüksək səviyyədə təşkilini daim ciddi nəzarətdə saxlayan Ədliyyə Nazirliyinin rəhbərliyi tərəfindən maarifləndirmə işinin önəmi diqqətə alınmaqla, hələ ilk vaxtlardan etibarən əməkdaşların bu infeksiya ilə mübarizə istiqamətində məlumatlandırılması, onlara lazımi biliklərin aşılanması ilə bağlı tabe qurumlara müvafiq göstərişlər verilib. Məhz bu istiqamətdə atılan ilk addımlardan biri kimi, yoluxma faktı aşkarlanacağı təqdirdə həmin şəxslərin dərhal müalicəsinin təmin edilməsi, təmaslara nəzarət olunması, karantin qaydalarına riayət olunmasına diqqət yetirilməsi və digər qabaqlayıcı tədbirləri görmək üçün mütəxəssislər ayrıldı, ixtisaslaşmış müalicə müəssisəsinin nəzdində xüsusi şöbələr müəyyənləşdirildi. Həmin şəxslər Həkimlərin Təkmilləşdirmə İnstitutunda kurslarda iştirak etdilər. Hazırda bu proseslər həyata keçirilir və bütün penitensiar müəssisələrdə epidemioloji cəhətdən gərgin mühit yoxdur, infeksiyaya tam nəzarət olunur. Nəzarət tədbirləri fasiləsiz davam etdirilir. Bu gün əsas işimiz təmasların müəyyənləşdirilməsinə, infeksiyanın aşkarlanmasına, kontaktların nəzarətdə saxlanılmasına, tək-tək aşkarlanmış yoluxma hallarının müalicəsinin və müşahidəsinin təmin edilməsinə yönəldilib.

Paylaş:

Baxılıb: 503 dəfə