“Multikulturalizmin Azərbaycan modeli - dini radikalizmə və ekstremizmə qarşı maarifləndirmə” layihəsi çərçivəsində növbəti tədbir keçirilib

Bakı:

17 °C

88 %

4 m/s

AZ RU EN

Ana səhifə / Sosial / “Multikulturalizmin Azərbaycan modeli - dini radikalizmə və ekstremizmə qarşı maarifləndirmə” layihəsi çərçivəsində növbəti tədbir keçirilib

“Multikulturalizmin Azərbaycan modeli - dini radikalizmə və ekstremizmə qarşı maarifləndirmə” layihəsi çərçivəsində növbəti tədbir keçirilib

10.06.2016 [09:59]

Azərbaycan Respublikası Uşaq və Tələbə Gənclər Dünyası İctimai Birliyinin təşkilatçılığı və Azərbaycan Respublikası Prezidenti yanında Gənclər Fondunun maliyyə yardımı ilə “Multikulturalizmin Azərbaycan modeli - dini radikalizmə və ekstremizmə qarşı maarifləndirmə” layihəsi çərçivəsində növbəti tədbirlər keçirilib. Təhsil Nazirliyinin dəstəyi ilə Sabunçu rayonunda yerləşən 198 saylı məktəbdə, eləcə də Zabratdakı 71 saylı və Suraxanı rayonundakı 275 saylı məktəblərdə keçirilən tədbirlərdə Bəxtimşah Tağıyeva əvvəlcə Azərbaycan Respublikası Uşaq və Tələbə Gənclər Dünyası İctimai Birliyi haqqında məlumat verib, sonra layihənin əhəmiyyəti barədə danışıb.
Onun sözlərinə görə, dini tolerantlıq mühiti Azərbaycan cəmiyyətinin nümunəvi birgə yaşayış formasına çevrilib: “Azərbaycanda heç vaxt dini zəmində ayrı-seçkilik və qarşıdurma olmayıb, bu sahədə qarşılıqlı hörmətə və etimada əsaslanan mütərəqqi münasibətlər mövcud olub. Son illər ölkə Prezidenti İlham Əliyevin yürütdüyü daxili və xarici siyasət nəticəsində Bakı şəhəri dinlərarası və mədəniyyətlərarası dialoq mərkəzlərindən biri kimi tanınmağa başlayıb. Ölkəmizdə keçirilən çoxsaylı beynəlxalq tədbirlərdə dünyada milli və dini tolerantlığın gücləndirilməsi, multikultural dəyərlərin təbliği, dini zəmində ekstremizmə və ayrı-seçkiliyə qarşı birgə mübarizə yollarının araşdırılması, fərqli dinlərin və mədəniyyətlərin daşıyıcısı olan insanlar arasında dialoq və qarşılıqlı anlaşmanın bərqərar edilməsi və s. aktual problemlər geniş müzakirə olunur”.
Bildirilib ki, Azərbaycan digər müsəlman ölkələrindən dünyəviliyinə görə fərqlənir. Azərbaycan ərazisində nə qədər təbliğat aparsalar da, hər hansı ciddi problem yoxdur. Hələ də ölkədə dini sabitliyin pozulmasına yönəlmiş xarici təsirlər var, amma bu cür hallara qarşı ciddi mübarizə aparılır.
Vurğulanıb ki, bu gün bir çox ölkələrdə daxili və xarici qüvvələr missionerlik fəaliyyəti vasitəsi ilə sabitliyi pozur, müxtəlif dağıdıcı halların meydana çıxmasına şərait yaradırlar. Dünya təcrübəsi onu göstərir ki, radikal dini qruplaşmalara qarşı vətəndaş mövqeyi ortaya qoyulmalıdır.
Diqqətə çatdırılıb ki, tolerantlıq nümunəsi olan Azərbaycanda multikulturalizm həyat tərzinə çevrilib, bu baxımdan ölkəmiz dünyaya müsbət nümunə təqdim edə bilib. Bu gün ölkəmizdə bütün dinlərin və millətlərin nümayəndələri mehriban, sərbəst şəkildə yaşayırlar. Ölkədə 525 islam, 34 qeyri-islam təmayüllü dini icma, 11 kilsə, 6 sinaqoq fəaliyyət göstərir. 743-cü ildə tikilmiş Şamaxı məscidi keçən il ölkə başçısı tərəfindən əsaslı təmir və bərpa edilərək xalqın istifadəsinə verildi. Əgər müstəqillikdən əvvəl ölkədə 300-ə yaxın məscid var idisə, bu gün onların sayı 3366-dır. Bütün bunlar ölkədə hökm sürən tolerantlığın bariz nümunəsidir.
Tədbirin sonunda şagirdlərə müxtəlif hədiyyələr və sertifikatlar təqdim olunub.

Paylaş:

Baxılıb: 676 dəfə