Bakı Slavyan Universitetində “Azərbaycanşünaslığa giriş” kitabının təqdimatı olub

Bakı:

24 °C

61 %

3 m/s

Əlaqə

AZ RU EN

Ana səhifə / Sosial / Bakı Slavyan Universitetində “Azərbaycanşünaslığa giriş” kitabının təqdimatı olub

Bakı Slavyan Universitetində “Azərbaycanşünaslığa giriş” kitabının təqdimatı olub

07.02.2015 [11:02]

Fevralın 5-də Bakı Slavyan Universiteti (BSU) nəzdində fəaliyyət göstərən Azərbaycanşünaslıq Tədris-Mədəniyyət Mərkəzinin əməkdaşları tərəfindən hazırlanmış “Azərbaycanşünaslığa giriş” kitabının təqdimat mərasimi olub. Mərasimi giriş sözü ilə açan BSU-nun rektoru, professor Asif Hacıyev azərbaycançılıq ideyasının təbliğində və Azərbaycanşünaslıq elminin inkişafında BSU-nun rolundan danışıb: “Əsası Ulu öndər Heydər Əliyev tərəfindən qoyulmuş Bakı Slavyan Universitetində artıq 10 ildən çoxdur Azərbaycanşünaslıq Tədris-Mədəniyyət Mərkəzinin yaradılmasının strateji əhəmiyyəti vardır. Yarandığı gündən BSU-nun xarici ölkə universitetləri ilə əlaqələrində Azərbaycan dilinin, mədəniyyətinin, ümumilikdə, azərbaycanşünaslığın təbliği ön sırada dayanır”.
Ulu öndərin yaratdığı azərbaycançılıq məfkurəsinin milli birliyə, xaricdə ölkəmizin təbliğinə yönəldiyini deyən rektor bu gün həmin məfkurənin Prezident İlham Əliyev tərəfindən dövlət siyasətinin əsası kimi inkişaf etdirildiyini vurğulayıb. Rektor öz çıxışında kitabın ərsəyə gəlməsində AMEA-nın həqiqi üzvü, professor Kamal Abdullayevin xüsusi xidmətlərini qeyd edib.
Mərasimdə çıxış edən Bakı Beynəlxalq Multikulturalizm Mərkəzinin icraçı direktoru, professor Azad Məmmədov Azərbaycandakı və xaricdəki universitetlərdə “Multikulturalizmə giriş” və “Azərbaycan multikulturalizmi” fənlərinin tədrisinə başlanıldığını vurğulayaraq deyib ki, Prezident İlham Əliyevin təşəbbüsü ilə multikulturalizm dövlət siyasətinin ən önəmli istiqamətlərindən birinə çevrilib: “Multikulturalizmə aid olan fənlərin tədris edilməsində “Azərbaycanşünaslığa giriş” kitabı dərs vəsaiti olaraq xüsusi əhəmiyyət kəsb edir”.
BSU-nun tədris işləri üzrə prorektoru, professor Telman Cəfərov “Azərbaycanşünaslığa giriş” kitabının əhəmiyyətindən danışaraq bildirib ki, kitabın elektron variantının yaradılmasına və universitetin təhsil portalında yerləşdirilməsinə ehtiyac var.
Mərasim çərçivəsində Azərbaycan Respublikasının Prezidenti yanında Bilik Fondunun şöbə müdiri Abdulla Hacı Nəriman, BDU-nun dosenti Boran Əzizli, BSU əməkdaşlarından kitabın müəlliflərindən biri dosent Əsgər Əhməd, professorlar İlyas Həmidov, Rafiq Novruzov, Təvəkkül Şükürbəyli kitabla bağlı öz təəssüratlarını bölüşüblər. İştirakçılar kitabın xarici dillərə də tərcümə olunması fikrini irəli sürüblər.
Qeyd edək ki, kitabda Azərbaycanşünaslıq ixtisası üzrə təhsil alan tələbələr, Azərbaycan dili, tarixi, mədəniyyəti, incəsənəti, ədəbiyyatı, coğrafiyasını öyrənmək arzusunda olan əcnəbilər, habelə geniş oxucu kütləsi üçün nəzərdə tutulmuş oçerklər toplanıb. “Azərbaycanşünaslığa giriş” Azərbaycan Respublikası Təhsil Nazirliyinin müvafiq əmrinə əsasən dərs vəsaiti kimi təsdiq edilb. Kitabın ön sözü AMEA-nın həqiqi üzvü, Əməkdar elm xadimi, professor Kamal Abdullayev tərəfindən yazılıb. Əminliklə qeyd edə bilərik ki, oxucu bu kitab vasitəsilə vətənimizi daha yaxşı tanıyacaq və sevəcək.

Paylaş:

Baxılıb: 1953 dəfə