Binəqədi rayonunda daha bir layihə reallaşdırılır

Bakı:

26 °C

54 %

3 m/s

Əlaqə

AZ RU EN

Ana səhifə / Sosial / Binəqədi rayonunda daha bir layihə reallaşdırılır

Binəqədi rayonunda daha bir layihə reallaşdırılır

20.11.2013 [09:08]

Mənzil-kommunal sektorunda islahatların sürətləndirilməsi, eləcə də yeni idarəetmə metodlarının tətbiqi ilə bağlı beynəlxalq təcrübənin öyrənilməsi istiqamətində İqtisadiyyat və Sənaye Nazirliyi tərəfindən Avropa İttifaqının yardımı ilə “Mənzil-kommunal sahəsində islahatlara dəstək” adlı layihənin icrasına başlanılıb. Layihə çərçivəsində bu sahənin mövcud vəziyyətinin iqtisadi və hüquqi cəhətdən təhlil olunaraq qiymətləndirilməsi, mənzil mülkiyyətçilərinin müştərək cəmiyyətlərinin yaradılmasının dəstəklənməsi nəzərdə tutulub.
Bakı şəhərində pilot layihə olaraq Binəqədi rayonunda mənzil mülkiyyətçilərinin müştərək cəmiyyətlərinin yaradılması və həmin cəmiyyətlər vasitəsilə idarəetmənin təşkilinin formalaşdırılması nəzərdə tutulur. Bununla bağlı Binəqədi rayon İcra Hakimiyyəti başçısının “Azərbaycan Respublikası Mənzil Məcəlləsinin icrası ilə əlaqədar tədbirlər haqqında” 27 may 2013-cü il tarixli sərəncamına əsasən komissiya yaradılıb. Komissiyaya mikrorayonlarda, xüsusən rayon İcra Hakimiyyəti tərəfindən əsaslı təmir olunan və fasadları üzlənmiş binalarda, habelə abadlaşdırılmış məhəllələrdə maarifləndirmə, izahat və təbliğat işlərinin aparılması tapşırılıb, habelə çoxmənzilli binaların mülkiyyətçilərinə binanın idarəedilməsi üsullarının seçilməsi, həmçinin, idarəedilmə üsulu seçilmiş binalarda müvafiq sənədlərin hazırlanması və dövlət qeydiyyatına alınması məsələlərinə hərtərəfli dəstək və kömək göstərilməsi tövsiyə edilib.
Rayon İcra Hakimiyyəti tərəfindən sakinlərlə keçirilən görüş və qəbullarda mənzil mülkiyyətçiləri müştərək cəmiyyətlərinin çoxmənzilli binaların idarə edilməsində daha səmərəli üsul olduğu barədə mütəmadi məlumat verilir. Belə görüşlərdən biri də 9-cu mikrorayondakı Həmzə Babaşov küçəsində yaşayan sakinlərlə olub. Gorüşdə rayon İcra Hakimiyyətinin başçısı Xaləddin İsgəndərov, İcra Hakimiyyəti aparatının Ərazi idarəetmə və yerli özünüidarəetmə orqanları ilə iş şöbəsinin müdiri Ramiz Göyüşov, İqtisadiyyat və Sənaye Nazirliyinin mənzil-kommunal siyasəti şöbəsinin müdir müavini Elşən Əsədov, Avropa İttifaqının eksperti Cerzi Fişer Mənzil Təsərrüfatının idarə olunmasında mövcud vəziyyət, yeni idarəetmə formaları, onların seçilməsi və üstünlükləri barədə tədbir iştirakçılarına ətraflı məlumat verib, sakinləri maraqlandıran sualları cavablandırıblar. Qeyd edilib ki, yeni idarəetmə metodlarının yaradılması ilə əlaqədar maarifləndirici materiallar hazırlanaraq, yaxın günlərdə sakinlərə paylanacaq.
Görüşdə, həmçinin, vurğulanıb ki, mənzil təsərrüfatlarının yeni idarəetmə metodlarının keçirilməsində əsas çətinliklərdən biri çoxmənzilli binaların ümumi istifadə yerlərinin əsaslı təmirə ehtiyacı olması ilə əlaqədardır. Məhz buna görə də, Binəqədi rayon İcra Hakimiyyəti əsas diqqəti bu istiqamətə yönəldib. Belə ki, son il yarım ərzində 268 binanın zirzəmisində su və kanalizasiya xətləri əsaslı təmir edilərək, dəyişdirilib, 44 çoxmənzilli binada əsaslı təmir işləri başa çatdırılıb, 5 binada işlər davam etdirilir. Artıq 8-ci mikrorayonda S.S.Axundov 4, İ.Dadaşov 91 və 91a binalarının sakinləri tərəfindən mənzil mülkiyyətçiləri müştərək cəmiyyəti təsis edilərək sənədlər qeydiyyatdan keçmək üçün Ədliyyə Nazirliyinə təqdim edilib.
Binəqədi rayonunda bu istiqamətdə ardıcıl işlərin aparılması davam etdirilir.
NADİR

Paylaş:

Baxılıb: 1638 dəfə