Xəzər rayonunda “Sağlam gələcəyin memarları” adlı tədbir keçirilib

Bakı:

28 °C

56 %

7 m/s

Əlaqə

AZ RU EN

Ana səhifə / YAP xəbərləri / Xəzər rayonunda “Sağlam gələcəyin memarları” adlı tədbir keçirilib

Xəzər rayonunda “Sağlam gələcəyin memarları” adlı tədbir keçirilib

17.06.2026 [12:39]

17 iyun – Tibb işçilərinin peşə bayramı günü münasibətilə Xəzər Rayon İcra Hakimiyyəti və Yeni Azərbaycan Partiyası Xəzər rayon təşkilatının birgə təşkilatçılığı ilə “Sağlam gələcəyin memarları” adlı tədbir keçirilib.

YAP Xəzər rayon təşkilatının inzibati binasında baş tutan tədbirdə Xəzər Rayon İcra Hakimiyyətinin başçısı Elşən Salahov, YAP Xəzər rayon təşkilatının sədri Namiq Əhmədov, YAP İdarə Heyətinin üzvü Rauf Əliyev, millət vəkili Soltan Məmmədov, RİH başçısının müavinləri, RİH başçısı Aparatının əməkdaşları, rayon ərazisində fəaliyyət göstərən səhiyyə müəssisələrinin rəhbərləri və əməkdaşları iştirak ediblər.

İlk olaraq tədbir iştirakçıları Ümummilli Lider Heydər Əliyevin əziz xatirəsini dərin ehtiramla yad edərək büstünün önünə gül dəstələri qoyublar. Tədbir Azərbaycan Respublikasının Dövlət Himninin səsləndirilməsi, Ulu Öndər Heydər Əliyevin və ölkəmizin ərazi bütövlüyü uğrunda canlarını fəda etmiş şəhidlərin xatirəsinin bir dəqiqəlik sükutla yad edilməsi ilə başlanıb. Ardınca səhiyyə sahəsində görülən işlərə və tibb işçilərinin cəmiyyət həyatındakı roluna həsr olunmuş “Heydər Əliyev və Tibb” adlı sənədli film nümayiş etdirilib.

Çıxış edən Xəzər Rayon İcra Hakimiyyətinin başçısı Elşən Salahov tibb işçilərini peşə bayramı münasibətilə təbrik edərək, onların insanların sağlamlığının qorunması, tibbi xidmətin keyfiyyətinin yüksəldilməsi və əhalinin rifahının təmin olunması istiqamətindəki xidmətlərini yüksək qiymətləndirib. O, səhiyyə işçilərinin fədakar əməyinin cəmiyyət üçün mühüm əhəmiyyət daşıdığını, dövlət tərəfindən bu sahənin inkişafına xüsusi diqqət göstərildiyini vurğulayıb və tibb işçilərinə gələcək fəaliyyətlərində uğurlar arzulayıb.

Daha sonra YAP Xəzər rayon təşkilatının sədri Namiq Əhmədov çıxış edərək bildirdi ki, son illərdə ölkəmizdə səhiyyə sahəsinin inkişafı dövlət siyasətinin əsas prioritet istiqamətlərindən birinə çevrilib. Prezident cənab İlham Əliyevin rəhbərliyi ilə həyata keçirilən məqsədyönlü siyasət nəticəsində səhiyyə infrastrukturunun müasirləşdirilməsi istiqamətində mühüm addımlar atılıb. Tibbi xidmətlərin keyfiyyətinin yüksəldilməsi və əhalinin sağlamlığının qorunması istiqamətində geniş islahatlar həyata keçirilib. Bütün bu tədbirlər ölkəmizdə insan amilinə verilən yüksək dəyərin göstəricisidir. Əminik ki, Azərbaycan səhiyyəsi bundan sonra da inkişaf edərək vətəndaşlarımızın rifahına və sağlam həyatına mühüm töhfələr verəcəkdir.

Digər natiqlər – Rauf Əliyev və Soltan Məmmədov çıxışlarında tibb işçilərini peşə bayramı münasibətilə təbrik edərək, onların məsuliyyətli və şərəfli fəaliyyətindən, cəmiyyət üçün əhəmiyyətindən danışıblar. Səhiyyə işçiləri adından çıxış edən Xəzər Tibb Mərkəzinin direktoru Mübariz Ağayev və Sanator-Kurort Reabilitasiya Mərkəzinin direktoru Mürsəl Mürsəlov göstərilən diqqət və qayğıya görə minnətdarlıqlarını ifadə edərək, bundan sonra da üzərlərinə düşən vəzifələri məsuliyyətlə yerinə yetirəcəklərini bildiriblər.

Tədbirin sonunda səhiyyə sahəsində səmərəli fəaliyyət göstərən bir qrup tibb işçisi Xəzər Rayon İcra Hakimiyyəti başçısının və YAP Xəzər rayon təşkilatının Fəxri Fərmanları ilə təltif olunub.

Paylaş:

Baxılıb: 369 dəfə