Hakim partiyadan "VHP"-yə sərt cavab

Bakı:

23 °C

76 %

8 m/s

Əlaqə

AZ RU EN

Ana səhifə / Siyasət / Hakim partiyadan "VHP"-yə sərt cavab

Hakim partiyadan "VHP"-yə sərt cavab

11.08.2011 [02:23]

Mübariz Qurbanlı: Kimlərsə süni bir hay-küy qaldırmaq, nələrisə tərsinə yozmaq istəyirlər
“Azərbaycan Respublikasında seçki komissiyalarının formalaşması qaydası qanunla tənzimlənir. Seçki Məcəlləsində məntəqə, dairə və Mərkəzi Seçki Komissiyasının hansı forma və prinsiplərlə formalaşdırılması dəqiq şəkildə ifadə edilib”. Bu sözləri “SİA”ya açıqlamasında Yeni Azərbaycan Partiyasının İcra katibinin müavini, Milli Məclisin deputatı Mübariz Qurbanlı deyib.
Onun sözlərinə görə, hakim partiya da Seçki Məcəlləsinə müvafiq olaraq seçki komissiyalarına namizədlər irəli sürür və həmin qayda əsasında da məntəqə, dairə və MSK-da hakim partiyanın irəli sürdüyü şəxslər komissiya üzvləri kimi fəaliyyət göstərir: “Seçki komissiyalarının formalaşmasında Milli Məclisdə təmsil olunan və say çoxluğu təşkil edən hakim partiya, Milli Məclisdə azlıq təşkil edən siyasi partiyalar, eyni zamanda, Milli Məclisdə təmsil olunan və heç bir siyasi partiyanın üzvü olmayan deputatlar adından komissiyalara namizədlər irəli sürülür. Bunun da qaydaları açıq şəkildə qanunda öz əksini tapıb.
Bir məsələni də qeyd etmək istərdim ki, partiyalar tərəfindən irəli sürülən şəxslər dairə, məntəqə və MSK-da fəaliyyətə başladıqdan sonra onlar siyasi mənsubiyyət daşımırlar. Onlar heç bir siyasi partiyanın marağını və yaxud ki, nizamnamə tələblərini həyata keçirmirlər. Seçki komissiyalarına üzv olan şəxslər seçki komissiyasının üzvü kimi yalnız qanun qarşısında cavabdeh olur və qanunla fəaliyyət göstərir. Yəni, seçki komissiyalarına hansi siyasi partiya namizəd irəli sürürsə sürsün o şəxs orada fəaliyyət göstərdikdə partiyanın üzvü kimi çıxış etmir və çıxış edə bilməz”.
Mübariz Qurbanlı, həmçinin, Vətəndaş Həmrəyliyi Partiyasının (VHP) “Partiyaların əvəzində yerlər Yeni Azərbaycan Partiyasının nümayəndələrinə təhvil verilir” bəyanatına da münasibət bildirib: “Burada kimlərsə süni bir hay-küy qaldırmaq, nələrisə tərsinə yozmaq istəyirlər. Hesab edirəm ki, bu düzgün deyil. çünki yenə vurğulayıram ki, parlamentə çoxluq təşkil edən Yeni Azərbaycan Partiyası məntəqələrdə, dairələrdə və Mərkəzi Seçki Komissiyasında müəyyən edilən qaydada namizədlər irəli sürür.
Bundan artığını irəli sürməyib, sürməyəcəkdə və buna da ehtiyac yoxdur. İrəli sürərsə də təbii ki, bu da qanuna zidd olar. Parlamentdə azlıq təşkil edən siyasi partiyalar namizədlərini müəyyən olunan qaydalar əsasında irəli sürür. “Orada kimsə kiminsə yerini mənimsədi. Kimsə kiminsə yerinə şəxs irəli sürdü” fikrini səsləndirmək mən hesab edirəm ki, çox sadəlövh bir yanaşmadır”.

Paylaş:

Baxılıb: 1078 dəfə