Əsli Kazımova: Moskva səfəri Azərbaycan Prezidentinin növbəti diplomatik qələbəsidir

Bakı:

23 °C

55 %

1 m/s

Əlaqə

AZ RU EN

Ana səhifə / Siyasət / Əsli Kazımova: Moskva səfəri Azərbaycan Prezidentinin növbəti diplomatik qələbəsidir

Əsli Kazımova: Moskva səfəri Azərbaycan Prezidentinin növbəti diplomatik qələbəsidir

22.01.2021 [09:20]

“Noyabrın 10-da Azərbaycan, Rusiya və Ermənistanın dövlət və hökumət başçılarının imzaladıqları üçtərəfli Bəyanat ölkəmizin Vətən müharibəsindəki qələbəsini rəsmiləşdirməklə yanaşı, Cənubi Qafqaz regionunda yeni siyasi-iqtisadi reallıqlar yaratdı. Bu yeni reallıqlar bölgədə sülhün və təhlükəsizliyin təmin ediləcəyi təqdirdə iqtisadi inkişaf üçün əsaslı zəmin formalaşdırır. Yanvarın 11-də Moskvada Azərbaycan, Rusiya prezidentləri və Ermənistanın baş naziri arasında baş tutan üçtərəfli görüş məhz bu yeni situasiyanın müzakirəsi, müharibədən sonrakı mərhələdə regionun iqtisadi potensialından səmərəli istifadə edilməsi və ən əsası təhlükəsizliyin təmin olunması baxımından olduqca mühüm əhəmiyyət daşıyır”.
Bu fikirləri qəzetimizə açıqlamasında Azərbaycan Sosial Rifah Partiyasının sədri Əsli Kazımova deyib. Ə.Kazımovanın sözlərinə görə, Azərbaycan, Rusiya və Ermənistanın dövlət və hökumət başçılarının Moskva görüşü və görüşün nəticəsi kimi meydana çıxan üçtərəfli bəyanat haqqında danışarkən bir sıra mühüm məqamlara diqqət çəkə bilərik. İlk növbədə, onu qeyd edək ki, Moskva səfəri Azərbaycan Prezidentinin növbəti diplomatik qələbəsidir. Moskvada keçirilən görüş çərçivəsində imzalanan bəyanat bir daha təsdiq edir ki, regionun gələcək inkişaf perspektivi iqtisadi əməkdaşlığın həyata keçirilməsindən asılıdır. “Bu sənədi bölgənin gələcək inkişaf konsepsiyası da adlandıra bilərik. Bəyanatda Azərbaycan-Naxçıvan-Türkiyə quru yolunun açılması ilə bağlı müddəa öz əksini tapıb. Bəhs olunan yol həm Azərbaycan, həm də region dövlətləri üçün olduqca mühüm əhəmiyyət daşıyan bir nəqliyyat-kommunikasiya xəttidir. Əminliklə bildirirəm ki, bu kommunikasiya xətti gələcək illərdə dünyada yüksək potensiala malik yükdaşıma dəhlizlərindən birinə çevrilə bilər”, - deyən Ə.Kazımova onu da əlavə edib ki, Moskva görüşü 10 noyabr 2020-ci il tarixli üçtərəfli Bəyanatla yaranan yeni reallığı bir daha təsdiqlədi. Onun fikrincə, Prezident İlham Əliyev qətiyyətli və qalib sərkərdə, dövlət başçısı kimi regionun gələcək inkişafı istiqamətində möhkəm iradə nümayiş etdirir. Bu isə, bölgədə yeni əməkdaşlıq platformalarının yaranmasını şərtləndirir. Bu mənada, Moskvada qəbul edilən bəyanat regionda gələcək iqtisadi inkişafın təməli kimi dəyərləndirilməlidir.
PƏRVİZ

Paylaş:

Baxılıb: 554 dəfə