Azərbaycan milli mətbuatının yaranmasının 138-ci ildönümü günündə jurnalistlərə Prezident İlham Əliyev tərəfindən yeni mənzillərin hədiyyə olunması Türkiyə mətbuatında geniş işıqlandırılıb

Bakı:

19 °C

62 %

7 m/s

AZ RU EN

Ana səhifə / Siyasət / Azərbaycan milli mətbuatının yaranmasının 138-ci ildönümü günündə jurnalistlərə Prezident İlham Əliyev tərəfindən yeni mənzillərin hədiyyə olunması Türkiyə mətbuatında geniş işıqlandırılıb

Azərbaycan milli mətbuatının yaranmasının 138-ci ildönümü günündə jurnalistlərə Prezident İlham Əliyev tərəfindən yeni mənzillərin hədiyyə olunması Türkiyə mətbuatında geniş işıqlandırılıb

25.07.2013 [10:04]

Azərbaycan milli mətbuatının yaranmasının 138-ci ildönümü günündə 155 jurnalistin Prezident İlham Əliyev tərəfindən yeni mənzillərlə mükafatlandırılması qardaş Türkiyə mətbuatında geniş işıqlandırılıb.
Türkiyənin nüfuzlu “Anadolu” agentliyi bu nadir hadisəni “Dünyada başqa örnəyi yox” yazısı ilə oxucularına çatdırıb. Qeyd olunub ki, Azərbaycanda Milli Mətbuat Günündə kütləvi informasiya vasitələri nümayəndələrinə mənzillər hədiyyə edilməsi ölkədə medianın inkişafına göstərilən böyük diqqətdir. Belə bir faktın dünyada bənzəri yoxdur.
Qardaş ölkənin ən çox tirajlı mətbuat orqanlarından biri olan “Sabah” qəzetində isə “İlham Əliyevdən jurnalistlərə ev hədiyyəsi” yazısı dərc olunub. Azərbaycan Prezidenti İlham Əliyev tərəfindən atılan belə bir addımın dünyada indiyədək mövcud olmadığı qeyd edilən yazıda bildirilir ki, dövlət başçısı ehtiyacı olan jurnalistlərə siyasi baxışlarını nəzərə almadan mənzillər hədiyyə etməklə söz və mətbuat azadlığını daim təmin edilməsinə xüsusi önəm verdiyini göstərir.
Türkiyənin ən nüfuzlu mətbuat orqanlarından biri olan “Hurriyət” qəzetində isə qeyd edilir ki, Azərbaycan Milli Mətbuatının yaranmasının 138-ci ildönümündə 155 jurnalistə ev hədiyyə olunub. Yazıda Azərbaycan Prezidenti İlham Əliyevin çıxışına istinadən bildirilir ki, jurnalistlərə evlərin verilməsi bundan sonra da davam edəcək.
“Star” qəzetində isə qeyd olunur ki, dünyanın heç bir dövlətində belə təcrübəyə rast gəlinməyib.
Türkiyənin televiziya kanallarında da bu məsələyə geniş yer ayrılıb. Qeyd olunub ki, Milli Mətbuat Günündə Azərbaycan Prezidenti İlham Əliyev tərəfindən yeni mənzillərin jurnalistlərə təntənəli şəraitdə təqdim olunması dövlətimizin başçısının ölkədə mətbuatın azad inkişafına diqqət və qayğısının təntənəsinə çevrilən mühüm bir hadisə kimi yaddaşlarda qalacaq.
Qardaş ölkənin digər xəbər portallarında da qeyd olunur ki, Azərbaycan Prezidenti İlham Əliyevin bu cür addımların davamlı olacağını bildirməsi ölkədə medianın inkişafına dəstək olacaq.

Paylaş:

Baxılıb: 1158 dəfə