Siyavuş Novruzov: “Milli şura”nın mitinqi xaricdən planlaşdırılmış aksiya idi

Bakı:

21 °C

73 %

6 m/s

Əlaqə

AZ RU EN

Ana səhifə / Daxili siyasət / Siyavuş Novruzov: “Milli şura”nın mitinqi xaricdən planlaşdırılmış aksiya idi

Siyavuş Novruzov: “Milli şura”nın mitinqi xaricdən planlaşdırılmış aksiya idi

14.10.2014 [10:02]

“Milli şura”nın mitinqi Azərbaycan xalqının, millətinin, dövlətinin əleyhinə iş aparanların müdafiəsinə hesablanmışdı”. Bunu SİA-ya Yeni Azərbaycan Partiyası (YAP) İcra katibinin müavini, millət vəkili Siyavuş Novruzov “Milli şura”nın oktyabrın 12-də keçirilən mitinqində yaşanan olaylara münasibət bildirərkən söyləyib.
“Bəs gəlin görək, mitinqin əsas mahiyyəti nə idi, söhbət nədən gedirdi? Hesab edirəm ki, bu mitinq Avropanın müxtəlif qurumlarının, o cümlədən, erməni lobbisinin təhriki və maliyyə dəstəyi ilə keçirilirdi. Məqsədləri də, guya, Azərbaycanda insan haqlarının pozulması və buna qarşı ölkə cəmiyyətinin etiraz etməsini dünyaya göstərmək idi. Lakin bu mitinqdə “Milli şura”nın qarşısına qoyduğu planların heç biri alınmadı. Birincisi, burada heç bir elektoratdan söhbət gedə bilməz. Çünki “Milli şura” ölmüş bir təşkilatdır, yenidən mitinq keçirməklə nəyisə sübut etmək olmaz. Digər tərəfdən, Azərbaycanda olan siyasi partiyalar, ictimai təşkilatların heç biri bu mitinqə öz dəstəyini göstərmədi. Həmin mitinqdə yalnız Müsavat Partiyası iştirak edirdi ki, onların da hərəsinin əlinə bir şəkil verib aşağıda saxlayırdılar. Beləcə, onlar say artırmaqla məşğul idilər.
Bu mitinqi Əli Kərimlinin İsa Qəmbər üzərində özünün qələbəsinin nümayişi kimi qiymətləndirmək olar. Hər kəs şahidi oldu ki, heç orada İsa Qəmbəri və Arif Hacılını tribunaya buraxmadılar. “Milli şura”nın mitinqi bütün hallarda xaricdən planlaşdırılmış aksiya idi. Təbii ki, Azərbaycanın qanunları istənilən bir vətəndaşın, təşkilatın sərbəst toplaşmaq azadlığına hörmətlə yanaşmağı tələb edir. Hər bir qurum və partiyanın mitinq keçirmək hüququ var. Hətta dövlət mitinqlərdə iştirak edən insanların təhlükəsizliyini qoruyur. Amma mitinqin təşkilatçıları öz üzərlərinə düşən öhdəliyi yerinə yetirmədilər. Mitinqdə terror təşkilatının bayrağını qaldırdılar. Bu baxımdan da “Milli şura”nın mitinqində Ermənistanın bayrağı belə qaldırılsaydı, heç də təəccüblənməzdim. Çünki onların müdafiə etdiyi insanların böyük əksəriyyəti erməni lobbisinə, Ermənistanın xüsusi kəşfiyyat orqanlarına xidmət edən şəxslərdir”, - deyə YAP İcra katibinin müavini bildirib.
Siyavuş Novruzov deyib ki, mitinqin təşkilatçıları Bakı şəhər İcra Hakimiyyətinə müraciət etdikdə mitinqlə bağlı bütün məsuliyyəti öz üzərlərinə (orada səsləndirilən şüarlar və s.) götürüblər: “Azərbaycan Respublikasının “Sərbəst toplaşmaq haqqında” qanununda göstərilir ki, etnik, dini, milli çağırışlara, təhqirlərə yol vermək olmaz. Amma onlar həmin mitinqdə “Sərbəst toplaşmaq haqqında” qanunun bütün müddəalarını pozdular. Bununla belə, onlar “İraq Şam İslam Dövləti” (İŞİD) terrorçu təşkilatının bayrağını qaldırdılar. Hesab edirəm ki, bu, onların təxribatı idi”.

Paylaş:

Baxılıb: 1615 dəfə