İmişli rayon Ağsaqqallar Şurasının növbədəti iclası keçirildi

Bakı:

20 °C

50 %

1 m/s

Əlaqə

AZ RU EN

Ana səhifə / Xəbər lenti / İmişli rayon Ağsaqqallar Şurasının növbədəti iclası keçirildi

İmişli rayon Ağsaqqallar Şurasının növbədəti iclası keçirildi

17.01.2025 [11:48]

16 yanvar 2025- ci il tarixində İmişli rayon Ağsaqqallar Şurasının növbədəti iclası keçirildi.

İclası açıq elan edən lmişli rayon Ağsaqqallar Şurasının sədri Saleh Səmədovun təklifi ilə Ulu Öndər Heydər Əliyevin, 20 Yanvar şəhidlərinin, həmçinin 44 günlük Vətən Müharibəsi zamanı torpaqlarımızın işğaldan azad olunması uğrunda canlarından keçən şəhidlərimizin və son dövrlərdə dünyasını dəyişən ağsaqqallarımızın xatirəsi bir dəqiqəlik sükutla yad edildi.

İclasda İmişli rayon Ağsaqqallar Şurasının sədri Saleh Səmədov, sədrin birinci müavini Vahid Tağıyev, Aparat rəhbəri Murad Seyidov, millətlərarası münasibətlər üzrə sədrin köməkçisi Adil Kərimov, Ağsaqqallar Şurasının təsis etdiyi "Xalq sözü" qəzetinin baş redaktoru Nizami Aslanoğlu və ərazi təşkilatlarının sədrləri iştirak edirdi.

İclasda çıxış edən şura sədri Saleh Səmədov 15 yanvar 2025 - ci il tarixində Bakı şəhərində Qərbi Azərbaycan icmasının üzvləri ilə keçirilən müşavirə barədə ətraflı məlumat verdi. Sədr Saleh Səmədov çıxışı zamanı xüsusi olaraq qeyd etdi ki, müavinlərədə Azərbaycan Ağsaqqallar Şurasının sədri, millət vəkili hörmətli professor Eldar Quliyev, Qərbi Azərbaycan İcması idarə heyətinin sədri millət vəkili Əziz Ələkbərli, Azərbaycan Ağsaqqallar Şurası sədrinin birinci müavini, Qərbi Azərbaycan İcmasının Ağsaqqallar Şurasının sədri, millət vəkili, akademik Əhliman Əmiraslanov, AMEA-NIN prezidenti, Azərbaycan Ağsaqqallar Şurasının idarə heyətinin üzvü, akademik İsa Həbibbəyli, Azərbaycan Ağsaqqallar Şurasının sədr müavinləri - millət vəkili, professor Eldar İbrahimov, Bayram Yusifov, akademik Abel Məhərrəmov, Qərbi Azərbaycan İcmasının Nəzarət Təftiş komissiyasının sədri, professor Vahid Novruzov, həmçinin şuranın idarə heyətinin üzvləri Millət vəkili, professor Aqiyə Naxçıvanlı, professor İbrahim Quliyev və Akif Rəfiyev, Aparat rəhbəri Ramin Həsənli, eləcə də Azərbaycan Ağsaqqallar Şurasının rayon təşkilatlarının sədrləri - SALEH SƏMƏDOV, Arif Hümbətov, Mürvət Əsgərov, Baba Bayramı, Ramin Məmmədov və icmanın rəsmi şəxsləri iştirak edirdi.

Müşavirədə çıxış edənlər Qərbi azərbaycanlıların öz ata-baba yurdlarına dönüşünün həqiqət və qaçılmaz olmasının aktuallığı bir daha vurğulandı.

Qürur hissi ilə qeyd etmək yerinə düşər ki, müşavirədə İmişli rayon Ağsaqqallar Şurasının müsbət fəaliyyəti yüksək qiymətləndirildi. Müşavirədə çıxış edən Azərbaycan Ağsaqqallar Şurasının rəhbər heyəti İmişli rayon Ağsaqqallar Şurasının fəaliyyətini yüksək qiymətləndirdi və gələcək fəaliyyətlərində uğurlar arzuladı.

Bizim əməyimizə verilən bu yüksək qiymət məsuliyyətimizi daha da artırır və eyni zamanda gələcək işlərimizə stimul verir.

Sonra 20 Yanvar faciəsi haqqında məlumat verən natiq xüsusi olaraq vurğuladı ki, 20 Yanvar faciəsinə hüquqi - siyasi qiymət məhz Ulu Öndər Heydər Əliyevin əzmkarlığı və cəsarəti sayəsində verildi. Ümummilli Lider Heydər Əliyevin uzaqgörən siyasəti nəticəsində 20 Yanvar faciəsi Azərbaycanda "Hüzn günü" elan olundu və hər ilin 20 Yanvar günü, saat 12-00 da bütün Azərbaycan ərazisində bir dəqiqəlik sükut elan edildi və həmin zaman respublikanın bütün bölgələrində avtomobillər, qatarlar və gəmilər bir dəqiqə siqnal verərək Azərbaycan həqiqətlərini dünyaya çatdırırlar.

Bu il o qanlı faciədən 35 il ötməsinə baxmayaraq xalqımız 20 Yanvar şəhidlərinin xatirəsini hörmət və ehtiramla yad etmək üçün dəmir yumruq ətrafında birləşərək onların ruhunu yad edəcəklər.

Biz də İmişli rayon Ağsaqqallar Şurasının üzvləri saat 11-00- da İmişli rayonunda şəhidlərimizin xatirəsinə ucaldılmış abidənin önünə əklil və gül dəstələrini qoymaqla qəhrəman şəhidlərimizin ruhuna öz dərin hörmət və ehtiramımızı bildirəcəyik.

Şuranın sədri Saleh Səmədov sonra çıxışı zamanı xüsusi olaraq vurğuladı ki, yuxarıda qeyd etdiyim kimi Azərbaycan Ağsaqqallar Şura üzvləri və şəxsən şuranın sədri hörmətli professor Eldar Quliyev İmişli rayon Ağsaqqallar Şurasının fəaliyyətini yüksək qiymətləndirlər. Bütün bu nailiyyətlərimizə yüksək səviyyədə qiymət verin Azərbaycan Ağsaqqallar Şurasının sədri, hörmətli professor Eldar Quliyev İmişli rayon Ağsaqqallar Şurasının dörd nəfər üzvünü mükafatlandırılıb.

Mustafayev İlham Qaroğan oğlu - Muğuzallı ərazi təşkilatının sədri - 65 yaşının tamam olması münasibəti ilə "Fəxri Fərman"la, Əliyev Şahin Bəhmən oğlu - İmişli rayon mərkəzi xəstəxanası ərazi təşkilatının sədri 55 yaşının tamam olması münasibətilə Azərbaycan Ağsaqqallar Şurasının "Fəxri Fərmanı" ilə, İmişli rayon Ağsaqqallar Şurasının təsisçiliyi ilə nəşr olunan "Xalq sözü" qəzetinin baş redaktoru Nizami Aslanoğlunun 55 yaşının tamam olması münasibətilə Azərbaycan Ağsaqqallar Şurasının "Fəxri Fərmanı" ilə təltif olunublar.

İmanov Familin uzunmüddətli təqdirəlayiq əmək fəaliyyətinə və 70 illik yubileyi münasibətilə ilə Azərbaycan Ağsaqqallar Şurasının "Fəxri Ağsaqqal Döş nişanı" ilə təltif olunur.

Təltif və təqdimatdan sonra tədbir iştirakçıları xatirə şəkli çəkdirdilər.

Paylaş:

Baxılıb: 526 dəfə