YAP Gənclər Birliyinin sədr müavini Ramin Məmmədovun Brüsseldə nəşr edilən "BullsEye" jurnalında məqaləsi dərc olunub

Bakı:

22 °C

64 %

8 m/s

AZ RU EN

Ana səhifə / YAP xəbərləri / YAP Gənclər Birliyinin sədr müavini Ramin Məmmədovun Brüsseldə nəşr edilən "BullsEye" jurnalında məqaləsi dərc olunub

YAP Gənclər Birliyinin sədr müavini Ramin Məmmədovun Brüsseldə nəşr edilən "BullsEye" jurnalında məqaləsi dərc olunub

01.03.2012 [01:15]

Məlum olduğu kimi, Yeni Azərbaycan Partiyası (YAP) beynəlxalq əlaqələr çərçivəsində Avropa Xalqları Partiyası ilə fəal əməkdaşlıq edir. Eyni zamanda, YAP-ın Gənclər Birliyi də Avropanın bu nüfuzlu partiyasının gənclər təşkilatları ilə əlaqələrə malikdir.
Qeyd edək ki, Avropa Xalqları Partiyasının iki gənclər təşkilatı mövcuddur. Bunlardan biri Avropa Xalqları Partiyasının Gənclər Birliyi, digəri isə Avropa Demokrat Tələbə Gənclər Təşkilatıdır. Hər iki təşkilat mütəmadi olaraq öz fəaliyyətləri, müzakirə etdikləri məsələlərlə bağlı onlara məxsus olan KİV-lərdə çıxışlar, yazılar nəşr edirlər. “BullsEye” jurnalı da Avropa Demokrat Tələbə Gənclər Təşkilatının bir nəşri kimi fəaliyyət göstərir. Bu jurnalda Avropa Xalqları Partiyasının ideologiyasının daşıyıcıları olan gənclərin, bütövlükdə Avropa gənclərinin müxtəlif mövzularla bağlı məqalələri nəşr olunur. Böyük tarixçəsi olan bu jurnal Brüsseldə nəşr edilir.
Bildiyimiz kimi, Yeni Azərbaycan Partiyasının Gənclər Birliyi ötən ildən etibarən Avropa Demokrat Tələbə Gənclər Təşkilatı ilə əlaqələrə malikdir və təşkilatın tədbirlərində fəal iştirak edir. Bu əməkdaşlığın nümunəsi olaraq “BullsEye” jurnalının son sayında YAP Gənclər Birliyinin sədr müavini Ramin Məmmədovun “Azərbaycan Avropanın enerji təhlükəsizliyinin yüksəldilməsinə cəhd göstərir” adlı məqaləsi dərc olunub. Məqalədə Avropa enerji təhlükəsizlik sisteminin nədən ibarət olduğu, bu sistemin əsası olan karbohidrogen ehtiyatlarının hansı ölkələrdə mövcudluğu, enerji daşıyıcılarının hansı kəmərlərlə Avropaya nəql edildiyi barədə geniş məlumat verilib.
Müəllif, eyni zamanda, Avropa enerji təhlükəsizliyi sisteminə Azərbaycan Respublikasının töhfəsi, ixracatçı və tranzit ölkə kimi Avropa enerji təhlükəsizliyi sistemində roluna toxunub. O, məqaləsində bildirir ki, bu rol Azərbaycanın sadəcə olaraq neft ixracatçısı və tranzit ölkə olmasından ibarət deyil. “Azərbaycan Avropanın enerji təhlükəsizliyində fəal iştirakçıdır” - deyə, məqalədə vurğulanır. YAP Gənclər Birliyinin sədr müavini öz məqaləsində onu da qeyd edir ki, Azərbaycan Avropaya yönəlik açıq siyasət aparır və bu qitəyə tranzit koridorundan daha səmərəli istifadə etmək şəraiti də yaradır.
“Beləliklə də, biz Avropaya nə qədər yaxın olduğumuzu və Avropa ilə Şərq arasında dialoqda önəmli rol oynadığımızı bir daha nümayiş etdiririk” - deyə, bildirilən məqalədə müəllif Azərbaycanın bu yöndəki imkanlarını “BullsEye” jurnalı vasitəsilə geniş formada avropalıların diqqətinə çatdırıb.
N.BAYRAMLI

Paylaş:

Baxılıb: 1390 dəfə