Heydər Əliyevin xilaskarlıq missiyası Azərbaycanın müstəqilliyinin əbədiliyini təmin etdi

Bakı:

23 °C

58 %

2 m/s

Əlaqə

AZ RU EN

Ana səhifə / YAP xəbərləri / Heydər Əliyevin xilaskarlıq missiyası Azərbaycanın müstəqilliyinin əbədiliyini təmin etdi

Heydər Əliyevin xilaskarlıq missiyası Azərbaycanın müstəqilliyinin əbədiliyini təmin etdi

23.06.2022 [17:09]

Danılmaz faktdır ki, Azərbaycan xalqının nicatı, ictimai-siyasi, iqtisadi və mədəni həyatının bütün sahələrində dirçəlişi Ulu Öndərin adı ilə bağlıdır.

Azərbaycanın demokratik və bəşəri dəyərlərə sadiq müstəqil bir dövlət kimi formalaşması ümummilli lider Heydər Əliyevin 1993-cü ilin iyununda xalqın təkidli tələbi ilə hakimiyyətə qayıdışının nəticəsi, uğurlu siyasi fəaliyyətinin bəhrəsidir. Ulu öndər Azərbaycanın müstəqilliyinin möhkəmləndirilməsini, xalqın birliyinin təmin olunmasını, ictimai-siyasi sabitlik və iqtisadi dirçəliş üçün zəmin yaradılmasını özünün dövlətçilik strategiyasının əsas istiqamətləri kimi müəyyənləşdirdi. Milyonların sevimlisi olan Heydər Əliyev müasir Azərbaycan dövlətinin xilaskarı, memarı və qurucusu kimi tarixə düşmüşdür.

Azərbaycan tarixində silinməz izlər qoymuş Ulu Öndərin bizlərə bəxş etdiyi saysız-hesabsız tarixi günlər vardır ki, xalqımız bu tarixləri əsl bayram kimi qeyd edərək dahi şəxsiyyəti daim böyük hörmət və ehtiramla anır. Məhz 15 iyun xalqın xilaskar oğlunun Azərbaycanda yenidən hakimiyyətə qayıtdığı gün Qurtuluş günü elan olundu. Bu gün Azərbaycan tarixində xüsusi bir səhifə kimi tarixə çevrildi. Bu Qurtuluş günü həm də Azərbaycanı böyük bir təhlükədən – dövlətçiliyini itrmək, dünya xərtəsindən silinmək, məhv olmaq təhlükəsindən qurtulduğu gün, Azərbaycan dövlətçiliyinin sübutu günü idi. Böyük lider qısa zaman kəsiyində Azərbaycanı bütün bəlalardan xilas edərək, öz missiyasının öhdəsindən yüksək səviyyədə gəldi və Ali Sovetin sədri kimi ilk gündən parlamentarizm ənənələrinə sadiq qalaraq aşkarlıq prinsipinə üstünlük verdi.

Ali Sovetin sədri Heydər Əliyevin 1993-cü il 24 iyunda Prezident səlahiyyətlərinin icra etməyə başlaması ilə Azərbaycan Respublikasının xarici siyasətində böyük dönüş yarandı. Bir ictimai-iqtisadi formasiyadan digərinə keçid dövründə Respublikanın qarşısında duran strateji vəzifə və hədəflər məharətlə müəyyənləşdirildi və kiçik bir ölkə Ulu Öndərin uğurlu siyasəti sayəsində qısa müddət ərzində dünyada tanınan nüfuzlu bir dövlətə çevrildi.

İlk növbədə ölkədə separatçılıq cəhdlərinin və vətəndaş qarşıdurmasının qarşısı alındı və cəbhədə atəşkəsə nail olundu. Heydər Əliyevin ölkə iqtisadiyatında köklü dəyişikliyə gətirib çıxaran və müstəqil dövlətimizə beynəlxalq nüfuz qazandıran yeni neft strategiyasının həyata keçirilməsinə məhz atəşkəsdən sonra başlanıldı və 1994-cü ilin sentyabrında dünyanın iri neft şirkətləri ilə “ Əsrin müqaviləsi” adlandırılan ilk neft müqaviləsi imzalandı. Bu müqavilə Azərbaycan iqtisadiyyatında əsaslı dönüş yaratdı, neftdən əldə edilən vəsaitlər Ulu Öndər Heydər Əliyev tərəfindən yaradılmış Azərbaycan Respublikası Dövlət Neft Fondunda toplanaraq ölkənin taleyüklü məsələlərinin həllinə və sosial problemlərin aradan qaldırılmasına yönəldildi. Dövlətimizin inkişafı təmin edildi, beynəlxalq nüfuzu artırılırdı. Ölkəmizin daxili imkanları durmadan artır, sabitliyimiz ən böyük sərvətimiz kimi daim qorunur, vətəndaşlarımızın rahat və sərbəst yaşaması istiqamətində mühüm addımlar atılırdı. Sosial sahədə gerçəkləşdirilən davamlı islahatlar insanların maddi-rifah halının, yaşayış şəraitinin daha da yüksəldilməsinə xidmət edirdi. Bir sözlə, əsasını ümummilli lider Heydər Əliyevin qoyduğu siyasi kursun dövlət başçısı İlham Əliyev tərəfindən davam etdirilməsi ölkəmizin bu günkü nailiyyətlərinin qazanılmasına və gələcəkdə uğurlu perspektivin əsasının qoyulmasına zəmin yaratdı.

Qürurla vurğulamalıyıq ki, artıq Azərbaycan dünyaya bir günəş kimi doğub. Bu günəşin işığı isə hər zaman xalqımızın xoşbəxt gələcəyinə işıq saçacaqdır. Məhz əldə olunan inkişafın nəticəsidir ki, 44 günlük Vətən müharibəsində xalqımız düşmən üzərində parlaq qələbə qazandı. Ulu öndərin hər zaman çıxışlarında “Biz tarixi torpaqlarımıza mütləq geri dönəcəyik, biz ərazi bütövlüyümüzü bərpa edəcək və düşmənə layiqli yerini göstərəcəyik” fikri reallaşdı. Ölkə Prezidenti, Müzəffər Ali Baş Komandan İlham Əliyevin rəhbərliyi ilə rəşadətli və yenilməz ordumuz erməni işğalçıları üzərində misli görünməmiş zəfərə imza atdı. Dövlət başçısının tarixi Şuşa şəhərimizin işğaldan azad olunması xəbərini xalqımıza çatdırarkən “Mən xoşbəxt adamam ki, ata vəsiyyətini yerinə yetirdim” ifadəsi hər bir azərbaycanlının sonsuz qüruruna səbəb oldu. Bəli, biz xoşbəxt xalqın nümayəndələriyik ki, ulu öndərimiz Heydər Əliyevin vəsiyyətini yerinə yetirən müzəffər Ali Baş Komandanımız var.

Qürurla deyə bilərik ki, bu gün azad Qarabağda dünyanı heyrətə gətirən böyük quruculuq və bərpa işləri aparılır, ölkənin öz imkanları hesabına maliyyə resurslarının yatırılması ilə yanaşı dünyanın böyük şirkətləri, iş adamları fəal şəkildə bu prosesə cəlb olunub. Şübhə yoxdur ki, yeni reallıqlar, ilk növbədə, məhz Azərbaycanın müstəqil dövlət kimi dünya miqyasında daha güclü mövqe əldə etməsi üçün real zəmin yaradır. Ona görə də, Prezident İlham Əliyevin təbirincə desək, əmin ola bilərik ki, bizim inkişafımız davamlı olacaq və Azərbaycanın dövlət müstəqilliyi əbədi yaşayacaqdır.

Vüqar İsayev,

YAP Göygöl rayon təşkilatının sədri

Paylaş:

Baxılıb: 638 dəfə