YAP Nərimanov rayon təşkilatında 20 Yanvar faciəsinin 31-ci ildönümünə həsr olunmuş tədbir keçirilib

Bakı:

19 °C

50 %

2 m/s

AZ RU EN

Ana səhifə / YAP xəbərləri / YAP Nərimanov rayon təşkilatında 20 Yanvar faciəsinin 31-ci ildönümünə həsr olunmuş tədbir keçirilib

YAP Nərimanov rayon təşkilatında 20 Yanvar faciəsinin 31-ci ildönümünə həsr olunmuş tədbir keçirilib

20.01.2021 [09:56]

Yeni Azərbaycan Partiyası (YAP) Nərimanov rayon təşkilatı və təşkilatın Gənclər Birliyi 20 Yanvar faciəsinin 31-ci ildönümünə həsr olunmuş videokonfrans formatında tədbir keçirib. Əvvəlcə tədbirdə şəhidlərin xatirəsi bir dəqiqəlik sükutla yad edilib.
Tədbiri giriş sözü ilə açan YAP Nərimanov rayon təşkilatının sədri Təmraz Tağıyev bildirib ki, Mixail Qorbaçov başda olmaqla keçmiş SSRİ rəhbərliyinin Azərbaycana qarşı qərəzli, ermənipərəst siyasətinə, torpaqlarımıza iddia edən Ermənistanın siyasətinin dəstəklənməsinə, ozamankı respublika rəhbərliyinin xəyanətkar mövqeyinə etiraz olaraq ayağa qalxmış xalqa qarşı sovet ordusunun hərbi birləşmələrinin təcavüzü günahsız insanların ölümü ilə nəticələnib. Onun sözlərinə görə, ölkənin o zamankı rəhbərlərinin cəsarətsiz mövqeyindən fərqli olaraq, həmin vaxt Moskvada yaşayan Ümummilli Lider Heydər Əliyev həyatını təhlükədə qoyaraq Azərbaycan nümayəndəliyinə gəldi, 20 Yanvar qırğınını törədənləri pisləyən kəskin bəyanatla çıxış etdi. Məhz Ulu Öndər Heydər Əliyevin Azərbaycan rəhbərliyinə yenidən qayıdışından sonra 20 Yanvar hadisələrinə siyasi-hüquqi qiymət verildi, ağır cinayəti törədənlərin adları açıqlandı, 20 Yanvar - Ümumxalq Hüzn Günü elan edildi.
Təşkilat sədri qeyd edib ki, məğrur xalqımızın azadlıq uğrunda mübarizəsinin davamı olaraq 2020-ci ilin 27 sentyabr tarixindən başlayaraq cəmi 44 gün ərzində Müzəffər Ali Baş Komandan İlham Əliyevin və qüdrətli Azərbaycan Ordusunun gücü sayəsində 30 ilə yaxın işğal altında olan torpaqlarımızın azadlığa qovuşması ilə şəhidlərimizin qanı yerdə qalmadı.
YAP Nərimanov rayon təşkilatı Gənclər Birliyinin sədri, təşkilatın baş məsləhətçisi Nərminə Yunusova çıxış edərək 20 Yanvar faciəsinin xalqımızın tarixi yaddaşında şanlı səhifələrindən biri olduğunu bildirib və 31 il öncə müstəqillik, suverenlik uğrunda mübarizəyə qalxmış xalqımızın başına gətirilən faciədən bəhs edib.
Sonra YAP Nərimanov rayon təşkilatı Gənclər Birliyinin sədr müavinləri Vüsal Əliyev, Tamerlan Əkbərov, Faiq Məmmədli və fəal gənclər çıxış edərək 1990-cı ilin 20 yanvar gününün Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olduğunu, bu tarixin dünyanın hər yerində Azərbaycanın azadlığı və suverenliyi uğrunda mübarizənin simvolu kimi qeyd edildiyini söyləyiblər. Bildirilib ki, Azərbaycan gəncləri azadlıq mübarizəsinin önündə gedən aparıcı qüvvə olub. Və bu mübarizə məntiqi sonluqla yekunlaşıb.

Paylaş:

Baxılıb: 831 dəfə