Bəhlul Məmmədov: COVID-19 infeksiyasına qarşı mübarizədə Azərbaycan nümunəvi ölkələrdən hesab edilir

Bakı:

12 °C

94 %

5 m/s

AZ RU EN

Ana səhifə / YAP xəbərləri / Bəhlul Məmmədov: COVID-19 infeksiyasına qarşı mübarizədə Azərbaycan nümunəvi ölkələrdən hesab edilir

Bəhlul Məmmədov: COVID-19 infeksiyasına qarşı mübarizədə Azərbaycan nümunəvi ölkələrdən hesab edilir

25.08.2020 [08:52]

“Bütün dünyanı çənginə almış yeni növ koronavirus (COVID-19) infeksiyası ən inkişaf etmiş ölkələri belə ciddi çətinliklərlə üz-üzə qoyub. Məlum olduğu kimi, pandemiya təhlükəsi Azərbaycandan da yan keçməyib. Ümumdünya Səhiyyə Təşkilatının (ÜST) pandemiya elan etməmişdən qabaq ölkəmizdə koronavirus xəstəliyinə qarşı qabaqlayıcı tədbirlər görülməsi ciddi fəsadların qarşısını almağa kömək edib. “Bizim ən böyük prioritetimiz Azərbaycan vətəndaşı, onun sağlamlığıdır”, - deyən Prezdent İlham Əliyevin rəhbərliyi ilə son illərdə ölkədə 600-dən çox səhiyyə müəssisəsi tikilib və ya yüksək səviyyədə təmir edilib, ən müasir avadanlıq və inventarlarla təchiz olunub”.
Bu fikirləri Yeni Azərbaycan Partiyası (YAP) Suraxanı rayon təşkilatı 12 saylı Birləşmiş Şəhər Xəstəxanası üzrə ərazi ilk partiya təşkilatının sədri Bəhlul Məmmədov söyləyib.
Onun sözlərinə görə, bunun nəticəsidir ki, pandemiya ilə mübarizədə Azərbaycan nümunəvi ölkələrdən hesab edilir. Belə ki, pandemiya başlayandan indiyə qədər ölkənin ən müasir avadanlıqlarla təchiz edilmiş tibb müəssisələri COVID-19 xəstələri üçün ayrılıb, yeni xəstəxanalar inşa edilərək istifadəyə verilib, xəstələrin müalicəsi üçün digər xəstəxanalardan ən peşəkar tibb işçiləri bu işə cəlb edilib. Görülən işlərin və əldə edilən uğurların nəticəsdir ki, koronavirusa yoluxanların əksəriyyəti sağalaraq evə buraxılıb, hazırda cəmi 1700-1800 nəfər arasında aktiv xəstə müalicəsini davam etdirir.
B.Məmmədov deyib ki, qarşıdan payız-qış ayları gəlir və bu mövsümlərdə bir sıra əlamətləri COVID-19-la üst-üstə düşən kəskin-respirator xəstəliklər çoxalır: “Odur ki, bunları nəzərə alaraq Prezdent İlham Əliyevin göstəriş və tövsiyələri əsasında qabaqlayıcı tədbirlər həyata keçirilir. Mövcud xəstəxanaların yenidən hazırlanması, modul tipli xəstəxanaların sayının artırılması, hətta bəzi olimpiya-idman komplekslərinin pandemiya mübarizəyə cəlb olunması bu tədbirlərin bariz nümunəsidir”.
“Görülmüş bütün işlərə baxmayaraq, xüsusi karantin rejimində bir sıra yumşalmaların həyata keçirilməsi yoluxma riskinin çoxalmasına səbəb olur. Bu isə insanların məsuliyyətinin bir qədər də artırılmasını tələb edir. Xəstəliyin profilaktikasına əməl etmək, onun müalicəsindən qat-qat asandır. Buna görə də COVID-19 xəstəliyinə yoluxmamaq üçün vətəndaşlar qoruyucu maskadan istifadə etməli, sosial məsafə saxlamalı və şəxsi gigiyena qaydalarına ciddi əməl etməlidirlər”, - deyə B.Məmmədov bildirib.

Paylaş:

Baxılıb: 563 dəfə