Yeni Azərbaycan Partiyası Pirallahı rayon təşkilatı Gənclər Birliyi təsis olunub

Bakı:

29 °C

51 %

2 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Pirallahı rayon təşkilatı Gənclər Birliyi təsis olunub

Yeni Azərbaycan Partiyası Pirallahı rayon təşkilatı Gənclər Birliyi təsis olunub

03.03.2015 [09:50]

Fevralın 28-də Yeni Azərbaycan Partiyası (YAP) Pirallahı rayon təşkilatı Gənclər Birliyinin təsis konfransı keçirilib. Tədbirdə YAP Pirallahı rayon təşkilatının sədri Manaf Manafov, Pirallahı rayon İcra Hakimiyyəti başçısının müavini Vəzir Səfixanov, “Səs” qəzetinin baş redaktoru Bəhruz Quliyev iştirak ediblər.
Konfransı giriş sözü ilə açan YAP Pirallahı rayon təşkilatının sədri Manaf Manafov bildirib ki, Azərbaycan gəncliyinin inkişafı və gənclər siyasətinin formalaşması Ümummilli liderimiz Heydər Əliyevin adı ilə bağlıdır. M.Manafov bu gün həmin siyasətin Prezident İlham Əliyev tərəfindən uğurla davam etdirildiyini vurğulayıb.
Tədbirdə çıxış edən Pirallahı gənclərinin təmsilçiləri, o cümlədən, Pirallahı bələdiyyəsinin əməkdaşı Aytən Əliyeva, YAP Pirallahı rayon təşkilatının təlimatçısı Cavid Babayev və başqaları Azərbaycan dövlətinin həyata keçirdiyi gənclər siyasəti barədə danışıblar. Çıxışlarda ölkəmizdə gənclərin inkişafı üçün hərtərəfli şəraitin yaradıldığı, həmçinin, YAP Gənclər Birliyinin Azərbaycanın ən böyük, güclü gənclər təşkilatı olduğu vurğulanıb.
Daha sonra konfransa seçilmiş nümayəndələr YAP Pirallahı rayon təşkilatı Gənclər Birliyinin təsis edilməsinə yekdilliklə səs veriblər. Nümayəndələr, həmçinin, ümumi səsvermə ilə Gənclər Birliyi İdarə Heyətinin 11 nəfərdən ibarət tərkibini, sədrini və onun müavinlərini seçiblər. Orxan Babayev YAP Pirallahı rayon təşkilatı Gənclər Birliyinin sədri, Aytən Əliyeva və Rüfət Məmmədov isə sədrin müavinləri seçiliblər.
Yeni seçilmiş YAP Pirallahı rayon təşkilatı Gənclər Birliyi İdarə Heyətinin üzvlərini, sədrini və onun müavinlərini təbrik edən, yeni fəaliyyət sahəsində uğurlar arzulayan Pirallahı rayon İcra Hakimiyyəti başçısının müavini Vəzir Səfixanov bildirib ki, 1993-cü ilin iyununda Ulu öndər Heydər Əliyevin xalqın təkidli tələbi ilə yenidən hakimiyyətə gəlməsi ölkəmizin bir çox problemlərinin, o cümlədən, gənclərin problemlərinin öz həllini tapması ilə nəticələndi. Məhz Ümummilli lider Heydər Əliyevin müəyyənləşdirdiyi və Prezident İlham Əliyevin davam etdirdiyi dövlət gənclər siyasəti nəticəsində bu gün gənclər cəmiyyətdə öz yerlərini tutublar və Azərbaycanın işıqlı gələcəyinin qurucularına çevriliblər. Prezident İlham Əliyevin həyata keçirdiyi dövlət siyasəti və bu siyasət nəticəsində gənclərin təhsil, sosial müdafiə və işlə təminatı sahələrində atılan məqsədyönlü addımlar gənclərin Yeni Azərbaycan Partiyasına axınını gücləndirib.
“Səs” qəzetinin baş redaktoru Bəhruz Quliyev vurğulayıb ki, YAP bu gün nəinki Azərbaycanın, eləcə də Cənubi Qafqaz regionunun ən böyük siyasi təşkilatıdır. Bu isə özlüyündə həmin böyük qüvvənin gənclər qurumu olaraq YAP Gənclər Birliyinin, o cümlədən, YAP Pirallahı rayon təşkilatı Gənclər Birliyinin üzvlərinin üzərinə əlavə məsuliyyətlər qoyur. YAP Pirallahı rayon təşkilatı Gənclər Birliyi İdarə Heyətinin üzvlərini, sədrini və onun müavinlərini təbrik edən natiq onların hər birinə bu məsuliyyətli fəaliyyət sahəsində uğurlar arzulayıb.

Paylaş:

Baxılıb: 1044 dəfə