Qusarda “Heydər Əliyev irsi və Azərbaycanın müasir şəhərsalma strategiyası” mövzusunda konfrans keçirilib

Bakı:

25 °C

62 %

5 m/s

AZ RU EN

Ana səhifə / YAP xəbərləri / Qusarda “Heydər Əliyev irsi və Azərbaycanın müasir şəhərsalma strategiyası” mövzusunda konfrans keçirilib

Qusarda “Heydər Əliyev irsi və Azərbaycanın müasir şəhərsalma strategiyası” mövzusunda konfrans keçirilib

24.04.2026 [17:27]

Qusar rayon Heydər Əliyev Mərkəzində Yeni Azərbaycan Partiyası Mərkəzi Aparatının təşəbbüsü və rayon İcra Hakimiyyətinin dəstəyi ilə “Şəhərsalma və Memarlıq İli” çərçivəsində “Heydər Əliyev irsi və Azərbaycanın müasir şəhərsalma strategiyası” mövzusunda konfrans keçirilib.

Konfransın işində Qusar Rayon İcra Hakimiyyətinin başçısı Sahir Məmmədxanov, Azərbaycan Milli Elmlər Akademiyasının müxbir üzvi, fizika-riyaziyyat elmlər doktoru, professor,YAP Veteranlar Şurasının üzvü Misir Mərdanov, YAP Mərkəzi Aparatı təşkilatı şöbəsinin baş məsləhətçisi Orxan Bayramov, YAP Qusar rayon təşkilatının sədri David İbramxəlilov, partiya fəalları və rayon ictimaiyyətinin nümayəndələri iştirak ediblər.

Tədbir öncəsi Ümummilli Lider Heydər Əliyevin abidəsi ziyarət olunaraq əziz xatirəsi ehtiramla yad edilib.Daha sonra “Şəhərsalma və Memarlıq İli”nə həsr olunmuş sərgiyə baxış keçirilib.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib və mövzu ilə bağlı videoçarx nümayiş olunub.

Konfransı giriş sözü ilə YAP Qusar rayon təşkilatının sədri David İbramxəlilov açaraq mahiyyətini izah edib.O, bildirib ki, Prezident İlham Əliyevin Azərbaycan Respublikasında 2026-cı ilin “Şəhərsalma və Memarlıq İli” elan edilməsi haqqında Sərəncamı bu istiqamətdə elmi-tədqiqatların inkişafına, əlverişli infrastrukturun reallaşmasına stimul olacaq.

Rayon İcra Hakimiyyətinin başçısı Sahir Məmmədxanov çıxış edərək qeyd edib ki, Ümummilli Lider Heydər Əliyevin ölkəyə rəhbərlik etdiyi dövrlər Azərbaycanın şəhərsalma və memarlığının inkişafında mühüm mərhələ təşkil edib. O, bu siyasətin Prezident İlham Əliyev tərəfindən uğurla davam etdiyini, işğaldan azad olunmuş ərazilərdə o cümlədən Qusar rayonunda geniş quruculuq işlərinin aparıldığını, müasir yaşayış məntəqələrinin yaradıldığını və tarixi irsin bərpa olunduğunu bildirib.

Konfransın işində iştirak edən YAP Veteranlar Şurasının üzvü Misir Mərdanov ölkə başçısının rəhbərliyi ilə son illər respublikamızda həyata keçirilən genişmiqyaslı bərpa və yenidənqurma layihələri,Qarabağ bölgəsində tətbiq olunan innovativ və yaşıl şəhərsalma yanaşmalarının bu sahəyə verdiyi strateji əhəmiyyətindən geniş məlumat verib.

Tədbirə dəvət almış rayonun baş memarı Şahabbas Saruxanov və Dövlət Şəhərsalma və Arxitektura komitəsi nəzdində Bakı Dövlət Layihə İnstitutunun memarı Cabbar Muradov müasir Azərbaycanın şəhərsalma və memarlıq siyasətinin əsaslarının Ulu Öndər Heydər Əliyev tərəfindən formalaşdırıldığını və bu gün Prezident İlham Əliyev tərəfindən uğurla davam etdirildiyini, xüsusilə Qarabağ və Şərqi Zəngəzur iqtisadi rayonlarında aparılan genişmiqyaslı bərpa və quruculuq işlərinin Azərbaycanın bu sahədə yeni inkişaf mərhələsinə qədəm qoyduğunu vurğulayıblar.

Tədbirin sonunda rayonun ictimai-siyasi həyatında fəal iştirak edən bir qrup partiya fəalına fəxri fərman və xatirə hədiyyəsi, yeni qəbul olunmuş üzvlərə vəsiqələr təqdim olunub.

Paylaş:

Baxılıb: 597 dəfə