Azərbaycanın dünya miqyasında idman ölkəsinə çevrilməsi Ulu öndər Heydər Əliyevin gənclər siyasətinin parlaq qələbəsidir

Bakı:

25 °C

60 %

1 m/s

AZ RU EN

Ana səhifə / YAP xəbərləri / Azərbaycanın dünya miqyasında idman ölkəsinə çevrilməsi Ulu öndər Heydər Əliyevin gənclər siyasətinin parlaq qələbəsidir

Azərbaycanın dünya miqyasında idman ölkəsinə çevrilməsi Ulu öndər Heydər Əliyevin gənclər siyasətinin parlaq qələbəsidir

19.12.2013 [09:21]

YAP İsmayıllı rayon təşkilatı rayon idmançıları ilə birgə “dəyirmi masa” keçirib
Yeni Azərbaycan Partiyası (YAP) İsmayıllı rayon təşkilatı “Azərbaycanın dünya miqyasında idman ölkəsinə çevrilməsi Ulu öndər Heydər Əliyevin gənclər siyasətinin parlaq qələbəsidir” mövzusunda rayon idmançıları ilə birgə “dəyirmi masa” keçirib. Tədbiri giriş sözü ilə açan YAP İsmayıllı rayon təşkilatının sədri Əzizə Vahabova qeyd edib ki, Ulu öndər Heydər Əliyevin ölkəmizə hələ birinci rəhbərliyi dövründə digər sahələrlə yanaşı, bədən tərbiyəsi və idmanın inkişafına xüsusi diqqət və qayğı ilə yanaşılıb. Natiq bildirib ki, bunun əyani sübutu olaraq 1970-ci illərdə təkcə Bakı şəhərində 250 idman meydançasının və şəhərciyin salınmasını, 1973-cü ildə ölkənin paytaxtında möhtəşəm idman sarayının tikilməsini, 1974-cü ildə respublikanın 36 rayonunda 59 uşaq-gənclər idman məktəbinin fəaliyyət göstərməsini misal çəkmək olar: “Danılmaz faktdır ki, 1990-cı illərdə bütün sahələrdə olduğu kimi, idmana qayğı da unudulmuşdu. Bütün idman qurğuları dağıdılmış, respublikanın ən böyük stadionu bərbad vəziyyətə salınmışdı. Ulu öndərin yenidən hakimiyyətə qayıdışından sonra idmana münasibət kökündən dəyişdi. Bədən tərbiyəsi və idmanın inkişafı dövlət siyasətinin prioritet sahələrindən birinə çevrildi. Qısa zaman kəsiyində müstəqil Azərbaycanın digər mühüm sahələrlə yanaşı, həm də bir idman ölkəsi olaraq beynəlxalq aləmdə tanınması və olimpiya hərəkatına qoşulması geniş vüsət aldı. Dövlət idman siyasətinin həyata keçirilməsində əvəzsiz xidmətləri olan Ulu öndər idman həyatında dönüş ili olan 1994-cü ildə Gənclər və İdman Nazirliyinin yaradılması haqqında Fərman imzaladı. Ulu öndərin diqqət və qayğısı sayəsində 1997-ci ildə Azərbaycan idmanı özünün ən mühüm mərhələsinə qədəm qoydu. Cənab İlham Əliyevin Milli Olimpiya Komitəsinin prezidenti seçilməsi ölkəmizdə idmanın daha böyükmiqyaslı tərəqqisinə, Azərbaycanın dünya idman ailəsinin üzvü olmasına, idmançılara dövlət qayğısının artırılmasına, maddi-texniki bazanın möhkəmlənməsinə geniş üfüqlər açdı”.
Tədbirdə bildirilib ki, 2000-ci ildən etibarən müasir tipli olimpiya idman komplekslərinin tikilib istifadəyə verilməsinə başlanılıb və son illərdə ölkəmizdə saysız-hesabsız mötəbər beynəlxalq turnirlər, dünya, Avropa çempionatları keçirilib.
Çıxış edən İsmayıllı Olimpiya Kompleksinin direktoru Tofiq Hümbətov, idmançılar Nurlan Salmanzadə, Vüsal Ağayev və digərləri Ulu öndər Heydər Əliyevin hər zaman idmana, idmançılara qayğısından, möhtərəm Prezidentimiz cənab İlham Əliyevin bu siyasəti uğurla davam etdirməsindən danışıblar. Bundan başqa, “dəyirmi masa”da son iki ildə İsmayıllı idmançılarının da qazandığı nailiyyətlərdən və öncüllər sırasında olmasından bəhs edilib.
Pərviz SADAYOĞLU

Paylaş:

Baxılıb: 1335 dəfə