Azərbaycan enerji ehtiyatlarının etibarlı tranzit yolu

Bakı:

15 °C

67 %

8 m/s

Əlaqə

AZ RU EN

Ana səhifə / YAP xəbərləri / Azərbaycan enerji ehtiyatlarının etibarlı tranzit yolu

Azərbaycan enerji ehtiyatlarının etibarlı tranzit yolu

10.03.2026 [11:21]

Azərbaycan zəngin təbii ehtiyatlara, xüsusilə neft və təbii qaz resurslarına malik olan ölkələrdən biridir. Coğrafi mövqeyinə görə ölkəyə mühüm strateji üstünlük verir və Azərbaycan Avropa ilə Asiya arasında yerləşir. Məhz bu üstünlük nəticəsində Azərbaycan yalnız enerji ehtiyatlarının istehsalçısı deyil, həm də onların beynəlxalq bazarlara daşınmasında etibarlı tranzit ölkəsi kimi çıxış edir. Enerji layihələri və boru kəmərləri vasitəsilə Azərbaycan regionun enerji təhlükəsizliyinin bərpa edilməsində mühüm rol oynayır.

Azərbaycanın enerji siyasəti müstəqillik dövründən etibarən ölkənin iqtisadi inkişafının əsas istiqamətlərindən biri olmuşdur. Xəzər dənizində yerləşən zəngin neft və qaz yataqlarının işlənməsi nəticəsində ölkənin enerji gücü daha da artmışdır. Bu ehtiyatların dünya bazarına çıxarılması üçün bir sıra böyük beynəlxalq layihələr həyata keçirilmişdir. Azərbaycanın həyata keçirdiyi enerji strategiyası Xəzər regionun enerji ehtiyatlarının dünya bazarına çıxarılmasına geniş imkanlar yaradır. Müasir neft və qaz kəmərləri vasitəsilə enerji resurslarını təhlükəsiz və fasiləsiz şəkildə müxtəlif ölkələrə göndərir. Bu layihələr dünya ölkələri arasında iqtisadi əməkdaşlığın güclənməsinə və enerji təhlükəsizliyinin təmin olunmasına mühüm faktordur.

Azərbaycan Respublikasının Prezidenti Cənab İlham Əliyev Cənubi Qaz Dəhlizi Məşvərət Şurası çərçivəsində keçirilən Nazirlərin XII iclasında etdiyi çıxışında Azərbaycanın enerji ehtiyatlarının etibarlı tranzit ölkəsi kimi rolunu xüsusi vurğulamışdır. Dövlət başçısı qeyd etmişdir ki, Azərbaycan beynəlxalq enerji layihələrinin həyata keçirilməsində etibarlı tərəfdaş kimi tanınır və ölkəmiz enerji resurslarının təhlükəsiz və davamlı şəkildə daşınmasına töhfə verir.

Cənab Prezident çıxışında həmçinin vurğulamışdır ki, həyata keçirilən enerji layihələri regionda sabitliyin və iqtisadi inkişafın təmin olunmasına xidmət edir. Azərbaycanın enerji siyasəti qarşılıqlı və etibarlı əməkdaşlıq prinsipinə əsaslanır. Azərbaycanın tranzit ölkə kimi tanınan əsas işlərdən biri də Bakı-Tbilisi-Ceyhan neft kəmərinin olmasıdır. Bu kəmər köməyi ilə Xəzər ətrafında çıxan neft Gürcüstan və Türkiyə ərazisindən keçərək Aralıq dənizinə və oradan da dünya bazarlarına gedir.Bu layihə region ölkələri arasında iqtisadi əməkdaşlığın möhkəmlənməsinətöhfə verir.

Digər mühüm layihə isə Cənub Qaz Dəhlizidir. Bu layihə vasitəsilə Azərbaycan qazı Avropa ölkələrinə ixrac olunur. Bu dəhlizə TANAP və TAP kimi boru kəmərləri daxildir. Bu layihələr Avropanın enerji təhlükəsizliyinin təmin olunmasına və enerji mənbələrinin şaxələndirilməsinə böyük töhfə verir.Azərbaycan yalnız öz enerji ehtiyatlarını deyil, həm də digər region ölkələrinin enerji resurslarının daşınmasında mühüm tranzit rolunu oynayır. İnkişaf etmiş nəqliyyat və enerji infrastrukturu ölkənin bu sahədə etibarlı tərəfdaş kimi tanınmasına səbəb olmuşdur.

Azərbaycan enerji ehtiyatlarının hasilatı ilə yanaşı, onların təhlükəsiz və etibarlı şəkildə dünya bazarına çatdırılmasını təmin edən mühüm tranzit ölkələrdən biridir. Bu rol ölkənin iqtisadi inkişafına, beynəlxalq nüfuzunun artmasına və regionda digər enerji təhlükəsizliyinin möhkəmlənməsinə böyük töhfə verir.

Fatimə Səfərova

YAP Naxçıvan şəhər təşkilatının fəalı

Paylaş:

Baxılıb: 347 dəfə