İnformasiya vasitələri yalnız həqiqəti əks etdirməlidir

Bakı:

24 °C

60 %

1 m/s

Əlaqə

AZ RU EN

Ana səhifə / YAP xəbərləri / İnformasiya vasitələri yalnız həqiqəti əks etdirməlidir

İnformasiya vasitələri yalnız həqiqəti əks etdirməlidir

29.07.2024 [10:39]

Dövlətimizin başçısı İlham Əliyev Cari ilin 20 iyul tarixində "Yalan məlumatların ifşası: Dezinformasiyaya qarşı mübarizə" mövzusunda düzənlənən II Şuşa Qlobal Media Forumunun açılış mərasimində çıxışı zamanı səsləndirdiyi fikirlərlə, dünyanın müxtəlif ölkələrindən gəlmiş jurnalistlərin, beynəlxalq ekspert və politoloqların suallarına verdiyi ətraflı cavablarla bir sıra vacib məqamlara aydınlıq gətirdi. Yalan məlumatların ifşasına həsr olunmuş Qlobal Forum dezinformasiya ilə mübarizə baxımından mühüm əhəmiyyət kəsb edirdi. Tədbirdə iştirak edən media nümayəndələri cəmiyyəti düzgün məlumatlandırmaq üçün bütün imkanlardan istifadə edirlər. Ancaq nə etmək olar ki, kimlərdənsə asılı vəziyyətdə qalan media subyektləri dezinformasiya yaymağa sanki adət edib. Belə məlumatları yayanlar, ümumilikdə media adına ləkədir.

Azərbaycan haqqında beynəlxalq mediada yayılan məlumatların həqiqətə uyğun olmadığını qeyd edən Prezident İlham Əliyev ölkəmizin uzun illər bu dezinformasiyanın qurbanı olduğunu vurğuladı.Prezident İlham Əliyev çıxışında qeyd etdi ki, Cənubi Qafqaz regionunda tarixi transformasiya prosesləri baş verir. Ənənəvi ittifaqlar zəifləyib və yeni əməkdaşlıq formatları meydana gəlib. Bu, region xalqlarının təhlükəsizlik hissini gücləndirir və münaqişələrin keçmişdə qaldığını göstərir. Ermənistan və Azərbaycan arasındakı münaqişə dövründə erməni diasporunun və ermənipərəst siyasətçilərin Azərbaycana qarşı hücumlar etdiyini və yanlış məlumatlar yaydığını bildirdi. Bunun nəticəsində Azərbaycan dünya ictimaiyyətinə təcavüzkar kimi təqdim edilib və beynəlxalq sanksiyalara məruz qalıb.

Dövlət başçısı qeyd etdi ki, “biz istərdik ki, Azərbaycanda və regionda baş verən hadisələr obyektiv şəkildə işıqlandırılsın. Vaxt keçdikcə siyasi dairələrdə - Qərbdə reallıq daha çox üzə çıxır və Azərbaycana bərabər tərəfdaş kimi yanaşılır. Sovet İttifaqının süqutundan sonra Qərbdə və keçmiş sovet respublikalarının çoxunda belə bir fikir var idi ki, irəli getməyin və mövcudluğunu təmin etməyin yeganə yolu böyük ölkələrin diktəsi altında yaşamaqdır”.Ermənistan ötən əsrin əvvəllərində torpaqlarımızı işğal altına alanda Azərbaycanın 8 milyon əhalisi var idi ki, onun da 1 milyonu erməni təcavüzü nəticəsində doğma ev-eşiklərini tərk etmək, qaçqınlıq və məcburi köçkünlük taleyi yaşamaq məcburiyyətində qalmışdı. İnsanların illər boyunca qurub yaratdıqları evlərini tərk etmək və çadırlarda, vaqonlarda, yarımçıq tikililərdə yaşamaq məcburiyyətində qalmaları əsl faciə idi.

Cənab Prezident çıxışında Azərbaycanın tarixi ədalətin bərpası və beynəlxalq əməkdaşlığın genişləndirilməsi istiqamətində atdığı addımların əhəmiyyətini bir daha ortaya qoymuş oldu. Azərbaycanın obyektiv şəkildə işıqlandırılması və regional sabitliyin təmin edilməsi üçün beynəlxalq ictimaiyyətin dəstəyi vacibdir. Bu çıxış Azərbaycanın müstəqil xarici siyasətini və iqtisadi inkişafını davam etdirmək əzmini nümayiş etdirir.

Rövşən Əhmədov

YAP Ağcabədi rayon təşkilatının sədri

Paylaş:

Baxılıb: 500 dəfə