“Heydər Əliyev strategiyasının uğurlu davamı”

Bakı:

26 °C

53 %

9 m/s

Əlaqə

AZ RU EN

Ana səhifə / Sosial / “Heydər Əliyev strategiyasının uğurlu davamı”

“Heydər Əliyev strategiyasının uğurlu davamı”

24.12.2015 [09:38]

Qaradağda bu mövzuya həsr olunmuş konfrans keçirilib
Dünən Qaradağ rayonu Heydər Əliyev Mərkəzində Qaradağ rayon İcra Hakimiyyəti və Yeni Azərbaycan Partiyası (YAP) Qaradağ rayon təşkilatının təşkilatçılığı ilə “Heydər Əliyev strategiyasının uğurlu davamı” mövzusunda konfrans keçirilib. Konfransı Qaradağ rayon İcra Hakimiyyətinin başçısı Süleyman Mikayılov açaraq deyib ki, Türk dünyasının böyük oğlu, müasir müstəqil Azərbaycan dövlətinin memarı və qurucusu Heydər Əliyevin adı xalqımızın yaddaşına əbədi həkk olunub. Onun sözlərinə görə, Azərbaycanın yeni tarixinin bütöv bir mərhələsi bilavasitə dünya səviyyəli siyasətçi və dövlət xadimi, zəmanəmizin bənzərsiz şəxsiyyəti Heydər Əliyevin adı ilə bağlıdır. Ümummilli lider Heydər Əliyevin sarsılmaz polad iradəsi və qətiyyəti, xalqın tərəqqisi yolunda yorulmaq bilmədən çalışması, fədakar əməyi sayəsində müasir Azərbaycanın bünövrəsi ucaldılıb. Bu qüdrətli şəxsiyyətin müəyyən etdiyi yol dinamik inkişafı təmin edən strateji xətt olaraq ölkəmizə və xalqımıza daim uğur gətirib.
Tədbirdə çıxış edən Milli Məclisin Sosial siyasət komitəsinin sədr müavini Musa Quliyev vurğulayıb ki, Ümummilli lider Heydər Əliyevin müəyyənləşdirdiyi strategiyanın Prezident İlham Əliyev tərəfindən uğurla həyata keçirilməsi Azərbaycanın qarşısında böyük imkanlar açır: “Bu gün müstəqil Azərbaycan dövlətinin beynəlxalq aləmdə iqtisadi və siyasi mövqeyini daha da möhkəmləndirməsi, beynəlxalq qurumların hesabatlarında islahatçı ölkə kimi yer tutması, dünyanın nüfuzlu təşkilatlarının Azərbaycanın mövqeyini dəstəkləyən qərar və qətnamələr qəbul etməsi bir həqiqəti ortaya qoyur ki, ölkəmizin seçdiyi yol düzgündür və bu yol bizi daha uğurlu gələcəyə aparır”.
YAP Qaradağ rayon təşkilatının sədri və partiyanın Siyasi Şurasının üzvü, millət vəkili Aydın Hüseynov qeyd edib ki, əsası Ümummilli liderimiz Heydər Əliyev tərəfindən qoyulmuş və bu gün Prezident İlham Əliyev tərəfindən uğurla davam etdirilən düşünülmüş və məqsədyönlü siyasət nəticəsində bugünkü uğurlarımızın təməli qoyulub. Onun sözlərinə görə, Ulu öndər Heydər Əliyevin müəllifi olduğu neft strategiyası Azərbaycanı regionda əsl söz sahibinə çevirib. Bu gün Azərbaycanın iştirakı olmadan bölgədə hansısa iqtisadi və siyasi layihələrin həyata keçirilməsindən söhbət gedə bilməz.
Millət vəkili Mixail Zabelin isə vurğulayıb ki, son 12 ildə əldə olunmuş nailiyyətlər bir daha Azərbaycanın uğurlu inkişafı haqqında hər kəsdə aydın təsəvvür yaradır. Onun sözlərinə görə, bu gün Azərbaycanda elə bir sahə yoxdur ki, orada böyük inkişaf qeydə alınmasın. Sənaye, kənd təsərrüfatı, təhsil, elm, texnologiya və digər bütün sahələr cənab Prezidentin diqqət və qayğısı sayəsində öz inkişafının təntənəsini yaşayır. Təbii ki, bu günün uğurları gələcəyə daha böyük inamla irəliləməyə stimul verir.

Paylaş:

Baxılıb: 865 dəfə