Laçın rayonundan olan gənclər hərbi ixtisaslara yiyələnməkdə maraqlıdırlar

Bakı:

24 °C

54 %

1 m/s

Əlaqə

AZ RU EN

Ana səhifə / Sosial / Laçın rayonundan olan gənclər hərbi ixtisaslara yiyələnməkdə maraqlıdırlar

Laçın rayonundan olan gənclər hərbi ixtisaslara yiyələnməkdə maraqlıdırlar

28.03.2014 [09:07]

Martın 27-də Rəşid Behbudov adına Azərbaycan Dövlət Mahnı Teatrında Laçın rayonu ictimaiyyətinin nümayəndələri, ziyalılar, Qarabağ müharibəsi iştirakçıları, bu rayonun orta ümumtəhsil məktəblərində təhsil alan şagirdlər və onların valideynləri ilə görüş keçirilib.
AzərTAc xəbər verir ki, tədbirdə Laçın rayon İcra Hakimiyyətinin başçısı Akif Səlimov çıxış edərək görüşün şagirdlərin hərbi ixtisaslara yiyələnmələrinə maraqlarının artırılmasını stimullaşdırmaq məqsədilə keçirildiyini deyib.
Bildirilib ki, əraziləri işğal olunmuş rayonlar üzrə orta ümumtəhsil məktəblərinin şagirdlərinin xüsusi təyinatlı təhsil müəssisələrində tədris prosesinə cəlb olunmalarına üstünlük verilməsi barədə Laçın rayon İcra Hakimiyyətinin başçısı tərəfindən Azərbaycan Respublikasının Nazirlər Kabinetinə müraciət edilib.
Qeyd olunub ki, müraciətə əsasən, Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov aidiyyəti üzrə müvafiq tədbirlərin görülməsi və həyata keçirilən işlər barədə məlumat, rəy və təkliflərin Nazirlər Kabinetinə bildirilməsi barədə göstəriş verib.
Tədbirdə Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov çıxış edərək bildirib ki, Prezident İlham Əliyev tərəfindən həyata keçirilən tədbirlər nəticəsində bu gün Azərbaycan Silahlı Qüvvələri Cənubi Qafqazın ən güclü və modern ordusuna çevrilib. Ə.Həsənov Azərbaycan Respublikası Silahlı Qüvvələrinin Ali Baş Komandanı İlham Əliyevin ordumuzun inkişafı üçün yaratdığı şərait müqabilində gənclərin hərbi ixtisaslara yiyələnmələrinin vacibliyini vurğulayıb, işğal altında olan bütün torpaqlarımızın dövlətimizin başçısının apardığı məqsədyönlü siyasət nəticəsində düşməndən azad ediləcəyinə, ərazi bütövlüyümüzün bərpa olunacağına əminliyini bildirib.
Vurğulanıb ki, Silahlı Qüvvələrimizin maddi-texniki bazasının gücləndirilməsi və müasir silahlarla təchiz edilməsi bir daha Azərbaycan ordusunun qarşıya qoyulan vəzifələri qısa müddətdə və yüksək keyfiyyətlə yerinə yetirməyə qadir olduğunu sübut edir.
Baş nazirin müavini gənclərin hərbçi kimi yetişməsi üçün onlara milli və hərbi-vətənpərvərlik ruhunun aşılanmasına məhz orta məktəb illərindən başlamağın vacibliyini diqqətə çatdırıb. Bildirib ki, bunun üçün gənclər hərbi ixtisaslara maraq göstərməli və Azərbaycanın ərazi bütövlüyünün bərpa edilməsi məqsədilə Vətəninə bağlı və sədaqətli zabit kimi yetişməlidirlər.
Yığıncaqda Laçın rayonundan olan məcburi köçkün Əlibəy İbrahimov hərbi təhsil almaq arzusunda olduğunu bildirib, Azərbaycan ordusunun zabiti kimi şərəfli bir peşəni seçdiyi üçün fəxr etdiyini deyib.
Görüşdə “Qarabağ Müharibəsi Əlilləri, Veteranları və Şəhid Ailələri” İctimai Birliyinin sədri, ehtiyatda olan zabit Mehdi Mehdiyev və Müdafiə Nazirliyinin zabiti Əfqan Əliyev tədbirin əhəmiyyətindən danışıb, belə görüşlərin davamlı keçirilməsinin vacibliyini vurğulayıblar.

Paylaş:

Baxılıb: 1164 dəfə