“Xocalı soyqırımı 22 il sonra: şagirdlərin gözü ilə” mövzusunda tədbir keçirilib

Bakı:

18 °C

88 %

3 m/s

Əlaqə

AZ RU EN

Ana səhifə / Sosial / “Xocalı soyqırımı 22 il sonra: şagirdlərin gözü ilə” mövzusunda tədbir keçirilib

“Xocalı soyqırımı 22 il sonra: şagirdlərin gözü ilə” mövzusunda tədbir keçirilib

21.02.2014 [09:14]

Dünən Nizami rayon İcra Hakimiyyətinin və Yeni Azərbaycan Partiyası (YAP) Nizami rayon təşkilatının birgə təşkilatçılığı ilə “Xocalı soyqırımı 22 il sonra: şagirdlərin gözü ilə” mövzusunda tədbir keçirilib.
AzərTAc xəbər verir ki, tədbirdə YAP Nizami rayon təşkilatının sədri, Milli Məclisin deputatı Sədaqət Vəliyeva çıxış edərək bildirib ki, miqyasına və dəhşətlərinə görə Xocalı qırğını təkcə Azərbaycan xalqına qarşı deyil, bütövlükdə insanlıq əleyhinə törədilmiş bir soyqırımıdır.
S.Vəliyeva qeyd edib ki, Xocalı soyqırımının beynəlxalq müstəvidə tanıdılması və erməni faşizminin ifşası ilə bağlı ilk təşəbbüs Ulu öndər Heydər Əliyevin xalqın təkidli tələbi ilə ikinci dəfə hakimiyyətə qayıdışından sonrakı dövrə təsadüf edib. Ümummilli liderin siyasi kursunun layiqli davamçısı Prezident İlham Əliyev isə Azərbaycan həqiqətlərinin, o cümlədən Xocalı soyqırımının dünya ictimaiyyətinə çatdırılmasını səfirliklərimiz və diaspor təşkilatlarımız qarşısında vacib məsələ kimi müəyyənləşdirib. Prezident İlham Əliyevin təşəbbüsü ilə dünya ictimaiyyətinin diqqətini Xocalı soyqırımına yönəltmək üçün dövlət başçısının, ölkənin siyasi elitasının iştirakı ilə ümumxalq yürüşü də keçirilib. Prezident İlham Əliyev bu il fevralın 13-də “Xocalıya ədalət” kampaniyasının keçirilməsi ilə bağlı tədbirlər haqqında” Sərəncam imzalayıb.
Milli Məclisin deputatı bildirib ki, bu gün Heydər Əliyev Fondu da Xocalı faciəsi ilə bağlı həqiqətlərin dünya ictimaiyyətinə daha geniş coğrafiyada çatdırılması, onun soyqırımı aktı kimi tanıdılması istiqamətində mühüm addımlar atır. Heydər Əliyev Fondunun prezidenti, UNESCO-nun və İSESCO-nun xoşməramlı səfiri, Milli Məclisin deputatı Mehriban xanım Əliyevanın xüsusi səyi nəticəsində Azərbaycan həqiqətləri dünyanın hər yerində nümayiş etdirilir. Heydər Əliyev Fondunun dəstəyi ilə müxtəlif ölkələrdə Xocalı soyqırımının qurbanlarının xatirəsini anma mərasimləri keçirilir.
S.Vəliyeva qeyd edib ki, Xocalı soyqırımı haqqında bütün faktların dünya dövlətlərinə çatdırılması istiqamətində atılan ən mühüm addımlardan biri də Heydər Əliyev Fondunun vitse-prezidenti Leyla Əliyevanın təşəbbüsü ilə təsis edilmiş, bu gün 50-dən artıq ölkədə yüzlərlə könüllünün iştirakı ilə uğurla davam etdirilən “Xocalıya ədalət!” beynəlxalq kampaniyasıdır.
Sonda tədbir iştirakçıları şagirdlərin əl işləri ilə tanış olublar. Sərgidə həm hazır şəkillər, həm də istedadlı şagirdlərin canlı olaraq çəkdikləri rəsmlər nümayiş etdirilib.

Paylaş:

Baxılıb: 1292 dəfə