Daşkəsən rayonunda geniş yenidənqurma və quruculuq işləri həyata keçirilir

Bakı:

22 °C

61 %

5 m/s

Əlaqə

AZ RU EN

Ana səhifə / Sosial / Daşkəsən rayonunda geniş yenidənqurma və quruculuq işləri həyata keçirilir

Daşkəsən rayonunda geniş yenidənqurma və quruculuq işləri həyata keçirilir

24.01.2014 [08:59]

Rayon İcra Hakimiyyəti başçısının Qaraqollar inzibati ərazi dairəsi üzrə nümayəndəsi hesabat verib
Daşkəsən rayon İcra Hakimiyyəti başçısının şəhər, qəsəbə və kənd inzibati ərazi dairələri üzrə nümayəndəliklərinin (İƏDÜN) illik hesabat yığıncaqlarının keçirilməsi davam edir. Belə yığıncaqlardan biri də dünən Qaraqollar İƏDÜN-də baş tutub. İlk olaraq rayon İcra Hakimiyyəti başçısının Qaraqollar inzibati ərazi dairəsi üzrə nümayəndəsi Elbrus Bayramovun mərüzəsi dinlənilib. E.Bayramov 2013-cü il ərzində nümayəndəliyin gördüyü işlərdən, cari ildə qarşıda duran vəzifələrdən və onları narahat edən problemlərdən danışıb.
Daşkəsən rayon İcra Hakimiyyəti başçısı Əhəd Abıyev 1500 nəfərdən çox əhalisi olan Qaraqollar kəndində keçirilən hesabat yığıncağında çıxış edərək ölkəmizdə gedən böyük və sürətli inkişaf, quruculuq, abadlıq işlərindən danışıb. İH başçısı qeyd edib ki, Prezident İlham Əliyevin apardığı sosial-iqtisadi siyasət nəticəsində ölkəmizdə bütün sahələr üzrə uğurlu nəticələr əldə edilib: “Azərbaycan kosmos ailəsinin üzvüdür. Dünyanın ən nüfuzlu təşkilatı olan BMT-nin Təhlükəsizlik Şurasına sədrlik edib. Bir çox beynəlxalq əhəmiyyətli tədbirlərə Azərbaycan dövləti layiqincə ev sahibliyi edir. Ölkəmizin uğurları beynəlxalq ictimaiyyət tərəfindən yüksək qiymətləndirilir”.
Ə.Abıyev onu da qeyd edib ki, bu gün mövcud olan problemlərimiz ardıcıllıqla həll olunmaqdadır. “Özünüz canlı şahid olaraq görürsünüz ki, Zağalı-Kollu-Çıraqlı avtomobil yolunun əsaslı təmiri uğurla davam etdirilir”.
Daha sonra Prezident İlham Əliyevin bütün regionlara olduğu kimi, Daşkəsənə və daşkəsənlilərə də böyük diqqət və qayğı göstərdiyini söyləyən Əhəd Abıyev vurğulayıb ki, son illərdə rayonda 7 məktəb, 1 uşaq bağçası tikilib, neçə-neçə uşaq bağçası və ümumtəhsil məktəbi əsaslı təmir olunub, müasir avadanlıqlarla təchiz edilib: “Rayonumuzda hər 30 şagirdə 1 kompyuter düşür. Ümumiyyətlə, ölkəmizdə təhsilin keyfiyyətinin artırılması, uşaqların təlim-tərbiyəsinin gücləndirilməsi istiqamətində ardıcıl tədbirlər həyata keçirilir. Təhsilə diqqət və qayğı günbəgün artmaqdadır. Daşkəsən rayonunda da bunu əyani surətdə görürük. Rayonumuzda əgər 2012-ci ildə ali məktəblərə 27 nəfər, orta ixtisas məktəblərinə isə 12 nəfər qəbul olunmuşdusa, 2013-cü ildə ölkənin müxtəlif ali məktəblərinə 43 nəfər, orta ixtisas məktəblərinə isə 26 nəfər qəbul olunub. Bu, göstərilən diqqət və qayğının nəticəsidir və inanırıq ki, bu uğurlarımız gələcəkdə davam etdiriləcək. Bu il Daşkəsəndə daha 14 məktəbin tikintisi, ucqar dağ kəndlərinə gedən yolların əsaslı təmiri və tikintisi nəzərdə tutulub. Əmin ola bilərsiniz ki, möhtərəm Prezidentimizin diqqət və nəzarəti altında bu il də böyük tikinti, quruculuq, abadlıq, yenidənqurma işləri davam etdiriləcək. Daşkəsənin xoş gələcəyi var”.
Hesabat yığıncağında çıxış edən kənd sakinləri göstərilən diqqət və qayğıya, görülən bütün işlərə görə, Prezident İlham Əliyevə öz dərin minnətdarlıqlarını bildiriblər. Kənd sakinləri, həmçinin, onları narahat edən digər problemlərlə bağlı təkliflərini, istək və arzularını səsləndiriblər. Edilmiş təklif və müraciətlər yerindəcə müsbət həllini tapıb.
Hesabat yığıncağında Azərbaycan Respublikası Prezidenti Administrasiyanın məsul işçisi Rüfət Əliyev çıxış edib.

Paylaş:

Baxılıb: 1486 dəfə