Azərbaycanın dünya iqtisadiyyatındakı mövqeyi daha da güclənib

Bakı:

11 °C

82 %

4 m/s

Əlaqə

AZ RU EN

Ana səhifə / Siyasət / Azərbaycanın dünya iqtisadiyyatındakı mövqeyi daha da güclənib

Azərbaycanın dünya iqtisadiyyatındakı mövqeyi daha da güclənib

08.02.2011 [10:03]

İqtisadi siyasətin dünya iqtisadiyyatının konkret qanunauyğunluqlarına müvafiq surətdə icra edilməsi Azərbaycanın MDB məkanında böhrana ciddi surətdə uğramayan yeganə dövlət qismində çıxış etməsini şərtləndirib
“Azərbaycan MDB ölkələri içərisində iqtisadi böhrana uğramayan yeganə dövlətdir. Azərbaycan nəinki böhrana uğramadı, hətta bu ölkənin ümumi daxili məhsulunda artım müşahidə olunub”. Bu bəyanatla Müstəqil Dövlətlər Birliyinin (MDB) icraçı katibi Sergey Lebedev çıxış edib. O bildirib ki, böhran daha çox xarici maliyyə institutlarından asılı olan ölkələrə təsir edib: “Qazaxıstan, Rusiya, Ukrayna, Moldova, Ermənistan daha çox təsirə məruz qalıb. İqtisadi böhran daha çox Qırğızıstan və Tacikistana zərər vurub. Azərbaycan, Qazaxıstan və Rusiyanın iqtisadiyyatında isə hazırda dinamik inkişaf müşahidə edilir”, - deyə S.Lebedev bildirib.
ümumiyyətlə, statistik göstəricilərə nəzərə yetirdikdə məlum olur ki, dünya iqtisadiyyatının resessiya, bəzənsə “slump” adlandırılan işgüzar aktivliyin kəskin azalması və daralması ilə müşayiət olunan böhran dövründə Azərbaycan iqtisadiyyatı krizisin fəsadlarından çox cüzi təsirlənib. Bu da səbəbsiz deyil. Belə ki, dünyanın iqtisadi nəhənglərinin çox ciddi itkilərlə üzləşdiyi bir mərhələdə Azərbaycan hökumətinin operativ antiböhran tədbirləri sayəsində ölkəmiz qlobal maliyyə böhranına qarşı yüksək dayanıqlıq nümayiş etdirdi. Düzdür, Azərbaycan iqtisadiyyatının qlobal iqtisadiyyata açıq olması və inteqrasiyası dünya maliyyə böhranının ölkəmizin iqtisadiyyatına da müəyyən qədər təsir etməsinə səbəb olub. Amma neft gəlirlərinin səmərəli idarə edilməsi və strateji valyuta ehtiyatlarının formalaşdırılması, həmçinin, konservativ xarici borclanma strategiyası, iqtisadiyyatın şaxələndirilməsi və qeyri-neft sahələrinin inkişafı, regionların tarazlı inkişafı, özəl sektorun inkişaf etdirilməsi və sahibkarlığa dövlət dəstəyi kimi fundamental tədbirlər ölkəmizdə iqtisadiyyatın sabit artım tempinin davam etməsini şərtləndirib. Bu isə nəticə etibarilə üDM-nin, xarici ticarət dövriyyəsinin müsbət saldosunun, əhalinin gəlirlərinin və investisiya qoyuluşlarının artmasını təmin edib.
Beləliklə, sadalanan tədbirlərin yüksək səviyyədə həyata keçirilməsi və iqtisadi strategiyanın dünya iqtisadiyyatının konkret qanunauyğunluqlarına, tələblərinə və reallıqlarına müvafiq surətdə icra edilməsi Azərbaycanın MDB məkanında böhrana uğramayan yeganə dövlət qismində çıxış etməsini şərtləndirib. Yuxarıda sadalanan fundamental tədbirlərlə yanaşı, dövlətin maliyyə-büdcə siyasətinin effektiv səviyyədə təmin olunması, valyutanın sabitliyi, strateji valyuta ehtiyatlarından səmərəli istifadə, inflyasiyanın idarə olunan səviyyədə saxlanılması, büdcə kəsirinin minimum səviyyədə saxlanılması, uçot dərəcəsinin azaldılması, əmanətlərin sığortalanması, vergi yükünün azaldılması kimi vəzifələrin də yüksək səviyyədə yerinə yetirilməsi ölkəmizin beynəlxalq iqtisadi münasibətlər sisteminin nüfuz və güc iyerarxiyasında sürətlə irəliləməsini təmin edib.
Bütün bunların qanunauyğun nəticəsidir ki, ölkəmiz beynəlxalq miqyasda iqtisadi subyektlərin başlıca etibarlı strateji tərəfdaşlardan biri kimi çıxış etməkdədir. Belə ki, miqyasına görə regional, mahiyyətinə görə isə qlobal xarakterli layihələrdə Azərbaycan lokomotiv aktor kimi çıxış etməkdə və ölkələrarası ikitərəfli və çoxtərəfli əməkdaşlıq platformalarının formalaşmasında, inkişafında müstəsna rol oynamaqdadır. Bu isə Azərbaycanın dünya iqtisadiyyatında mövqeyini daha da gücləndirməkdədir...
NURLAN QƏLƏNDƏRLİ

Paylaş:

Baxılıb: 939 dəfə