Heydər Əliyev
yeni azerbaycan logo

Ana səhifə / Siyasət / “Kaş ki, Anna Akopyan olardım”

“Kaş ki, Anna Akopyan olardım”

09.12.2021 [10:27]

Osmanqızı haqlıdır... çünki o, elə Paşinyanın başçısı olduğu ölkənin vətəndaşlığına layiqdir

Nurlan

Özünü “virtual aləmin qəhrəman obrazı”, yaxud “internet fenomeni” kimi görən və göstərməyə çalışan, xaricdən idarə olunan kanalda siyasi şoular təşkil edən Sevinc Osmanqızı  növbəti dəfə ifşa olunub. Əslində, bu, daha çox özünüfadədir. Çünki o, reallığı - əsl fikrini-zikrini, əqidəsini ifadə edib, hansı “dəyər”lərin daşıyıcısı olduğunu göstərib. Söhbət onun canlı efirdə “kaş ki, prezidentimiz Paşinyan olardı” cümləsindən gedir...

Doğrusu, S.Osmanqızının Ermənistanın baş nazirini dəstəkləməsi təəccüblü deyil. Ən azından ona görə ki, o, indiyə qədər işğalçı ölkənin mövqeyini dəfələrlə müdafiə edib, efirə çıxardığı “ekspert”lərin də eyni yanaşmasını təbliğ etməkdən çəkinməyib. Azərbaycana - xalqa, dövlətə qarşı əks-təbliğat işinin aparılmasına görə ermənilər Osmanqızına minnətdardırlar, desək, yanılmarıq. Amma onun Paşinyanı özünə “ideal” seçməsi - erməni baş naziri “mükəmməl siyasətçi” kimi görməsi təəccüblü olduğu qədər də gülünc və məntiqsizdir. Bir sözlə, bu, tragikomik mənzərədir. Bu məntiqlə deyə bilərik ki, Osmanqızı “kaş ki, işğalçı olardıq”, “kaş ki, müharibə cinayətlərinə yol verərdik”, “kaş ki, müharibədə darmadağın edilərək dünyaya rəzil olardıq”, “kaş ki, kapitulyasiya sənədini hansısa tində, küncdə-bucaqda imzalayardıq” və s.  kimi arzularla yaşayır. Elə bu mənzərə onu göstərir ki, Sevinc Osmanqızı özünü düşüncə, əqidə və mənəviyyat etibarilə “azərbaycanlı” hesab etmir...

Amma Osmanqızı haqlıdır: çünki o, elə Paşinyanın başçısı olduğu ölkənin vətəndaşlığına layiqdir. Ona görə də şəxsi arzularını bu reallığa uyğun səsləndirir. Onun növbəti arzu - diləyini “kaş ki, Anna Akopyan olardım” formasında dilə gətirməsi də təəccüb doğurmaz. Yeri gəlmişkən, Osmanqızının bəhs olunan fikirlərinə reaksiya verən bəzi sosial şəbəkə istifadəçiləri onun Akopyan ilə fiziki bənzərliyinə də diqqət çəkiblər. Söhbət üz və ya baş formasından deyil, baxışlardan, jestlərdən və mimikalardan gedir. Psixologiya elmi isə təsdiq edir ki, belə bənzərliklər adətən eyni xarakterə malik olmaqdan irəli gəlir. Eyni cür düşünənlər bənzər baxışlara sahib olurlar... Anna Akopyanla hissiyyat və düşüncə bənzərliyinə malik olan birinin Paşinyanı özünə ideal seçməsi isə təsadüfi və təəccüblü deyil. Əlavə sözə nə hacət?!

 

Paylaş
Baxılıb: 235 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Müsahibə

Xəbər lenti

Siyasət

İqtisadiyyat

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31