Avropa Gənclər Forumunun nümayəndə heyəti Gəncədə

Bakı:

24 °C

57 %

2 m/s

Əlaqə

AZ RU EN

Ana səhifə / Siyasət / Avropa Gənclər Forumunun nümayəndə heyəti Gəncədə

Avropa Gənclər Forumunun nümayəndə heyəti Gəncədə

30.08.2014 [09:43]

Avropa Gənclər Forumunun nümayəndə heyətinin üzvləri avqustun 29-da Gəncəyə səfərə gəliblər.
AzərTAc xəbər verir ki, Gəncə şəhər İcra Hakimiyyətində keçirilən görüşdə İcra Hakimiyyətinin başçısı Elmar Vəliyev qonaqları Azərbaycanın bu qədim şəhərinin ictimai-siyasi və mədəni həyatı ilə barədə ətraflı məlumatlandırıb. Gəncənin 2016-cı il üçün Avropanın Gənclər Paytaxtı seçilməsini dövlətimizin başçısı İlham Əliyevin həyata keçirdiyi gənclər siyasətinin uğurlu nəticəsi kimi dəyərləndirən İcra Hakimiyyətinin başçısı sonra bu mühüm tədbirə aparılan hazırlıq işlərindən danışıb. Qeyd edib ki, hazırda şəhərdə inşa edilən Gənclər Mərkəzində tamamlanma işləri görülür. 2016-cı ilədək bir çox layihələrin icrası üçün hazırlıq işlərinə başlanılıb. Şəhərin infrastrukturunda başlanan yeniliklərin bir hissəsi başa çatdırılıb.
Görüşdə Avropa Gənclər Forumunun prezidenti Piter Matyasiç çıxış edərək iki il əvvəl Gəncədə olduğunu xatırladıb. Bildirib ki, bu müddətdə burada gördüyü yeniliklər onu çox sevindirir. Xüsusilə Gəncədə gənclərin fəallığının artırılması istiqamətində məqsədyönlü tədbirlərin həyata keçirilməsi təqdirəlayiqdir. Sevindirici haldır ki, gənclərin hər bir təşəbbüsü şəhər İcra Hakimiyyəti tərəfindən dəstəklənir.
Səfərin məqsədini açıqlayan Avropa Gənclər Forumunun prezidenti Piter Matyasiç bildirib ki, nümayəndə heyətinin üzvləri Gəncədə olacaqları müddətdə Avropa Gənclər Paytaxtları Şəbəkəsinin institutlaşması ilə bağlı müzakirələr aparılacaq, “Gəncə Avropa Gənclər Paytaxtı 2016” çərçivəsində görülmüş işlərin monitorinqi keçiriləcək. Bundan əlavə, Avropa Gənclər Paytaxtı ilində yeni təcrübələrin bölüşdürülməsi, Gəncədə fəaliyyət göstərən gənclər təşkilatlarının fəaliyyəti, “Gəncə Avropa Gənclər Paytaxtı 2016” ilə əlaqədar keçirilən tədbirlərdə onların yeri və rolu, gələcək planlar və yeni ideyalar, birgə layihələrlə əlaqədar fikir mübadilələri aparılacaq.
Görüşdə Gəncədə fəaliyyət göstərəcək Gənclər Mərkəzinin gələcəkdə Avropa Şurasının Gənclər Mərkəzi statusu əldə etməsi ilə bağlı müzakirələr, həmçinin, Avropa Gənclər Paytaxtları Şəbəkəsi tərəfindən bu statusun qəbul olunması məqsədilə hazırlanacaq bəyannamə ətrafında fikir mübadiləsi aparılıb.
Sonra Avropa Gənclər Forumunun baş katibi Alan Pall, Braqa şəhərinin gənclər sektorunun rəhbəri De Sousa Santos Carlos Manuel, Saloniki şəhərinin gənclər və idman idarəsinin rəisi Papaioannou Çaralampos, Klij Napoka şəhərinin “Avropa Gənclər Paytaxtı 2015” komitəsinin rəhbəri Floran Mihai Paul və başqaları çıxış edərək gəncəli gəncləri gələcəkdə Avropa Gənclər Forumu ilə əlaqələrin genişləndirilməsi üçün daha fəal olmağa çağırıblar, onları reallaşdırılması nəzərdə tutulan layihələrin icrasında görmək arzusunda olduqlarını bildiriblər.
Sonda Avropa Gənclər Forumunun prezidentinə və nümayəndələrinə xatirə hədiyyələri təqdim olunub.
Həmin gün Avropa Gənclər Forumu nümayəndələrinin “RAMADA plaza” otelində şəhər gəncləri ilə görüşü keçirilib.

Paylaş:

Baxılıb: 726 dəfə