Heydər Əliyev
yeni azerbaycan logo

Ana səhifə / İqtisadiyyat / İtaliyalı mütəxəssislər Qida Təhlükəsizliyi Agentliyinin laboratoriyasında sınaqların aparılmasında iştirak ediblər

İtaliyalı mütəxəssislər Qida Təhlükəsizliyi Agentliyinin laboratoriyasında sınaqların aparılmasında iştirak ediblər

29.06.2018 [09:56]

Azərbaycan Respublikasının Qida Təhlükəsizliyi Agentliyinin (AQTA) 4 saylı sınaq laboratoriyasında İtaliyanın “Ferrero” şirkətinin nümayəndələri ilə birgə fındıq nümunəsində aflatoksin sınaqlarının aparılması üzrə təlim keçirilib.
Bu barədə AZƏRTAC-a agentliyin Kommunikasiya və informasiya texnologiyaları şöbəsindən məlumat verilib.
Təlimin məqsədi Azərbaycandan ixrac olunan fındığın keyfiyyətini və təhlükəsizliyini təmin edəcək davamlı qida zəncirinin qiymətləndirilməsi və aflatoksin sınağı əsasında praktik biliklərin təkmilləşdirilməsidir.
İtaliyalı mütəxəssislərə əvvəlcə fındığın yığımı, saxlanması, nümunələrin düzgün homogenizasiya edilərək seçilməsi, laboratoriyaya çatdırılması və sınaqların həyata keçirilməsinə dair prezentasiyalar təqdim edilib, sonra isə müqayisəli metodlara əsaslanaraq fındıqda aflatoksin miqdarının təyini sınaqları keçirilib.
Sınaq zamanı keyfiyyətə nəzarət qrafikləri, kalibrləmə əyriləri, nümunə ekstraksiya metodları, şahid nümunələrinin saxlanması və digər məsələlər barədə müzakirələr aparılıb. Yaş və quru nümunə hazırlama metodları ilə fındığın aflatoksin sınağı üzrə nəticələri də müqayisə edilib və yaş (slurry) metodun daha effektiv olduğu müəyyənləşdirilib.

Paylaş:
Baxılıb: 780 dəfə

Xəbər lenti

Hamısına bax

İqtisadiyyat

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30