Azərbaycan Prezidenti İlham Əliyev Bakı Sağlamlıq Mərkəzinin təməlqoyma mərasimində iştirak edib

Bakı:

26 °C

53 %

4 m/s

Əlaqə

AZ RU EN

Ana səhifə / Gündəm / Azərbaycan Prezidenti İlham Əliyev Bakı Sağlamlıq Mərkəzinin təməlqoyma mərasimində iştirak edib

Azərbaycan Prezidenti İlham Əliyev Bakı Sağlamlıq Mərkəzinin təməlqoyma mərasimində iştirak edib

05.07.2011 [10:03]

Dünən Bakı Sağlamlıq Mərkəzinin təməlqoyma mərasimi olub. Azərbaycan Respublikasının Prezidenti İlham Əliyev və xanımı Mehriban Əliyeva mərasimdə iştirak ediblər. Dövlətimizin başçısı İlham Əliyev Bakı Sağlamlıq Mərkəzinin eskiz layihəsinə və görünüşünü əks etdirən fotoşəkillərə baxıb.
Səhiyyə naziri Oqtay Şirəliyev Prezident İlham Əliyevə inşa ediləcək yeni səhiyyə ocağı barədə məlumat verib. Bildirib ki, dövlətimizin başçısının 2010-cu il 6 avqust tarixli Sərəncamı əsasında inşa edilən Bakı Sağlamlıq Mərkəzi 2 korpusdan ibarət olacaq. Tikintinin ümumi sahəsi 45 min kvadratmetrdir. Mərkəzin layihələndirilməsi və tikintisi üçün Prezidentin Ehtiyat Fondundan 5 milyon manat ayrılıb. Bu müasir səhiyyə ocağında qəbul, gözləmə və qeydiyyat şöbəsi, mərkəzi sterilləşdirmə bloku, qan bankı və laboratoriyalar yerləşəcək. Laboratoriyalarda klinik-hemotoloji, biokimyəvi-immunoloji və klinik-mikrobioloji analizlər aparılacaq. Mərkəzdə müxtəlif tədbirlərin keçirilməsi üçün konfrans salonu da nəzərdə tutulur. Altımərtəbəli korpusda məsləhət kabinetləri, şüa diaqnostika, funksional diaqnostika, endokrinoloji, terapiya, reabilitasiya, tibbi bərpa və s. şöbələr yerləşəcək. Cərrahiyyə əməliyyatları da bu korpusda aparılacaqdır. Cərrahiyyə şöbəsi 123, reanimasiya və intensiv terapiya şöbəsi isə 30 çarpayılıqdır.
Bakı Sağlamlıq Mərkəzindəki 12 mərtəbəli doğum korpusu da müasirliyi ilə seçiləcək. Buradakı ginekoloji şöbə 50, fizioloji doğum şöbəsi isə 105 çarpayılıq olacaq. Köhnə Bakı şəhər Onkoloji Dispanserin 1,4 hektarlıq ərazisində inşa edilən Bakı Sağlamlıq Mərkəzində ən müasir avadanlıq və ən son elmi-texniki yeniliklər tətbiqini tapacaq. Bu mərkəz paytaxtın ən böyük tibb ocaqlarından biri olacaq. Prezident İlham Əliyev gilizi Mərkəzin təməlinə buraxıb və beton qarışığı töküb.
İnşaatçılarla görüşən Prezident İlham Əliyev onlara uğurlar arzulayaraq deyib: “Yaxşı tikin, keyfiyyətli, gözəl olsun. Şəkildə çox gözəldir, gərək reallıqda da gözəl olsun. Həm xarici görünüşü, həm də əlbəttə ki, bütün lazımi texnoloji proses gözlənilməlidir. Gərək çalışaq ki, iki il yarıma istifadəyə verilsin. Sağ olun”.
Mərkəzin tikildiyi ərazidəki yaşayış binalarının sakinləri Prezident İlham Əliyevi və xanımı Mehriban Əliyevanı hərarətlə alqışlayıblar. Dövlətimizin başçısı və xanımı sakinləri salamlayıblar.

Paylaş:

Baxılıb: 1056 dəfə