Azərbaycan Qadınına Dövlət Qayğısının və İctimai Ehtiramın İfadəsi

Bakı:

26 °C

53 %

1 m/s

Əlaqə

AZ RU EN

Ana səhifə / Arxiv / Azərbaycan Qadınına Dövlət Qayğısının və İctimai Ehtiramın İfadəsi

Azərbaycan Qadınına Dövlət Qayğısının və İctimai Ehtiramın İfadəsi

06.03.2026 [12:21]

8 Mart – Beynəlxalq Qadınlar Günü dünyada olduğu kimi, Azərbaycanda da xüsusi hörmət və ehtiramla qeyd olunur. Bu əlamətdar gün qadınların cəmiyyət həyatındakı rolunun, onların sosial, siyasi, iqtisadi və mədəni sahələrdə qazandıqları nailiyyətlərin yüksək qiymətləndirilməsi baxımından mühüm əhəmiyyət daşıyır. Azərbaycanda qadına münasibət hər zaman yüksək olmuş, ana adına, qadın ləyaqətinə dərin ehtiram göstərilmişdir.Tariximizin müxtəlif mərhələlərində Azərbaycan qadını öz müdrikliyi, mərdliyi və fədakarlığı ilə seçilmişdir.

Müstəqillik dövründə qadın siyasətinin formalaşdırılması və inkişaf etdirilməsi dövlət siyasətinin prioritet istiqamətlərindən birinə çevrilmişdir. Ulu Öndər Heydər Əliyev qadınların cəmiyyət həyatında fəal iştirakını daim dəstəkləmiş, onların dövlət idarəçiliyində
təmsilçiliyinin artırılmasını vacib hesab etmişdir. Onun təşəbbüsü ilə gender siyasətinin institusional əsasları yaradılmış, qadın hüquqlarının qorunması istiqamətində mühüm addımlar atılmışdır.

Azərbaycan Respublikasının Prezidenti İlham Əliyev çıxışlarında qadınların rolunu xüsusi vurğulayaraq qeyd etmişdir: “Azərbaycan qadını hər zaman cəmiyyətimizin aparıcı qüvvəsi olmuşdur. Onlar həm ailədə, həm də ictimai-siyasi həyatda fəal rol oynayır, ölkəmizin inkişafına öz töhfələrini verirlər.” Bu fikir bir daha təsdiq edir ki, qadınların sosial rifahının yüksəldilməsi və hüquqlarının təmin olunması dövlət siyasətinin əsas istiqamətlərindəndir.

Bu gün Azərbaycan qadınları Milli Məclisdə, dövlət qurumlarında, elm və təhsil müəssisələrində, səhiyyə və mədəniyyət sahəsində, eləcə də biznes sektorunda uğurla təmsil olunurlar. Xüsusilə Vətən müharibəsi dövründə qadınlarımız həm ön, həm də arxa cəbhədə böyük fədakarlıq göstərmiş, şəhid anaları və qazilərimizin ailə üzvləri yüksək mənəvi iradə nümayiş etdirmişlər.

Vitse-prezident, YAP Sədrinin birinci müavini Mehriban Əliyeva da öz fəaliyyətində qadınların sosial problemlərinin həlli, humanitar layihələrin icrası və mədəni irsin qorunması istiqamətində mühüm təşəbbüslərlə çıxış edir. Onun rəhbərliyi ilə həyata keçirilən layihələr qadın və uşaqların sosial müdafiəsinin gücləndirilməsinə xidmət edir.

8 Mart – Beynəlxalq Qadınlar Günü Azərbaycanda qadınlara göstərilən yüksək ehtiramın, onların cəmiyyətin tərəqqisində oynadığı əvəzsiz rolun təntənəsidir. Bu əlamətdar gün münasibətilə bütün Azərbaycan qadınlarını ürəkdən təbrik edir, onlara möhkəm cansağlığı, ailə səadəti və gələcək fəaliyyətlərində yeni uğurlar arzulayıram.

Vəli Sərxanlı

YAP Culfa rayon təşkilatının fəal üzvü

Paylaş:

Baxılıb: 371 dəfə